شَمـسُ وَطني

البارت الثالث عشر

حجت هيج ونزلت اني بقت منزلت شنو ميصير اشتم هواء شويا وما احس الا اندفس باب السطح فزيت بمكاني انداريت الكييت ابو وطن متقدم عليه اجا الزمني من ايدي بسرعه وطبيني جوا ودخلني لغرفتي
شمس : شبيييك شجااك
ابو وطن : اني مو داز عليج أسماء حتى دكلج نزلي
شمس : اي بلي
ابو وطن : لعد ليش حظرتج مسمعتي الكلام ونزلتي

شمس : لان اريد اشتم هوا ميصير
ابو وطن : ادري خشم بس يشتم هوا
شمس : تره مو كفرت
ابو وطن : بلي كفرتي وحاولي تعيديها مره الخ

حجا هيج وطلع جان ديحجي بعصبيه كلش ضجت منا اول مره يحجي وياي هيج راسا بجيت متحملت ورحت ذبيت روحي عالفراش وغطيت وجهي وضليت ابجي وكأن دموعي جانو منتظرين اي فرصه حتى ينزلون
يارب شون حكدر اكمل اعيش ويا هذا ياربي انطيني القوه ماحسيت على روحي الا غفيت
فزيت على صوت زهراء من جوا داتعيط عالجهال ياربييي زهراااااء شهل صووووت من جوا واني اسمعج

كمت وطبيت غسلت ونزلت جانو ملتمين عالميز ومحضرين العشه كلهم ماعدا ابو وطن كعدو يكولولي تعاي اكلي بس مجنت مشتهيه كتلهم كبل شويا اكلت ورحت كعدت بالاستقبال واكلب بالتلفزيون شويا واجا ابو وطن وكعد وياي سويت وجهي ثكيل او بالاصح اني جنت كلش كارهته وماريد حتى باوع بوجه
ابو وطن : وين صخامج ؟
شمس : يا صخام ؟ ؟ ؟
ابو وطن : الحجاااااااب
يحجي بعصبيه ويزكح بيه كتله بكل برود
شمس : نسيته
ابو وطن : ولشركت حتبقين تنسيييه ست شمس
شمس : تره ممتعوده اللبس حجاب حتى اتذكره كلشويا واني مونبي بشررر وانسااا 
ابو وطن : كومي لبسي يلا

باوعت عليه اشرلي براسه على فوك يعني صعدي لبسي كمت افووور هذا شبيه بس يتأمر لايكون مصدك روحه زوجي مشيت عالسريع وصعدت واني متعصبه
ابو وطن : هدي هديي ليطكلج عصب

بله هذا هسه شحجي وياه تعصبت من تصرفاته اهواي يدخل رحت كعدت عالسرير وبقيت اكلب بتلفوني كلت ميحتاج أنزل وهم اكعد وياه
مادري شكد بقيت لوحدي شويا ونادوني ودسالون عليها شو هما تأقلمو وياي بس اني ماكدر اتأقلم وياهم ولا على عيشتهم
ام عبد : يمه شموس تعالي نزلي ويانا شويا
شمس : حاظر يمه
نزلت وصلت الدرج تذكرت الحجاب رجعت طبيت وخليته على راسي ورجعت نزلت الكل جان كاعد بالاستقبال طبيت مجان اكو مجال اكعد باوعت جان ابو وطن ديسويلي مكان ترددت انو اروح اكعد يما بس بعدين رحت كعدت يما همس بأذني اني جمدت
ابو وطن : عفيه همزين مانزلتي مفرعه
شمس : ليش لازم بدون حجاب اعتبر مصلخه ؟
ابو وطن : لسااانج
شمس : باوعت عليه وبتسمت بوجها وكتله . . . شبيه تريد لساني هم يتحجب ؟ ؟
كام يضحك الكل انتبه علينه اني ستحيييييت وبسرعه نزلت راسي
شويا وكام طلع اني جنت احس كاعده على اعصابي من هوا يمي بس طلع ارتاحيت اجو ركض عليه اسماء وزهراء كعدو يمي
زهراء : شمممس شجنتو تحجون وتتهامسون وخليتيه يضحك
اسماء : اي اي حبابا احجيلنا اول مره هيج يضحك ابو وطن
زهراء : هسه انتي شكو تحجيلج مو مخطوبه اكيد هم تسولفين ويا خطيبج
اسماء : يووووو زهراء ماتدرين انو بالسنه مره احجي وياه شمس : ياااااا ليش ميخابرج
اسماء : خطيه مشغول اهواي مايرجع من الشغل ليل 12 بالليل ويطلع من الصبح ساعه 6
شمس : ياااا ليش شيشتغل
أسماء : يشتغل مول ببغداد
شمس : اهاااا
زهراء : ولج لاتثوليها علينا
ام عبد : ولكم كومو من هناا اريد اسولف ويا شمس بنيتي اسماء : اي ميخالف سولفي واحنا هم وياكم
ام عبد : لا كومو سوالف كبار
زهراء : عزااااا كومي عمه كومي مادام بيها سوالف كبار اسماء : ولج دكعدي هيا هاي السوالف الطيبه
ام عبد : اسماااائووو كومي منا لا انعنع ضلوعج هسه اسماء : يبووو و كايمه كايمه امشي خيه