شَمـسُ وَطني

البارت الثلاثون

وجنت دباوع للعالم الكاعده والي داطب شويا وطب شخص ودايدفع بيده طفل بالعربانه مركزت بي زين بس من تقرب علينه هالشخص بقيت اركز بي زين
ياااااا ينطي تلاميح ايهااب جان لابس كاسكيته حمرا من هيج مداكدر اركز بوجها زين
شو اتقدم علينه وانصدمتتتت
ايهاااب؟؟؟؟؟؟ لالا هههههههه ممعقوله زين منو هالطفل الي ويااه وشجابه عليينه
اتقدم علينه انتبه عليه احسان
ابو وطن: السلام عليكم
احسان: هلا عيوني تفضل رايد شي

بسرعه كمت وكتله
شمس: ايهااب شجاابك
احسان: شممس تعرفيه؟؟
ابو وطن: كعدي شمس وخلي نتفاهم
شمس: شراايد ايهااب
احسان: دقيقه دقيقه من وين تعرفون بعض فهموني
ابو وطن: شوون متعرفني اني طليقها
شمس: وشتريييد
ابو وطن: اخذي ابنج عااد لا ذابته عليه مو بس ابني ابنج هم
احسان: شنووو عندج طفللل؟؟؟؟
شمس: دقيقه ايهااب شكاعد دكوول ياطفلل
ابو وطن: كرررة عينج ياااطفل يعني غيير ابنا علااوي شنو نسيتي لو تبريتي منا
احسان: يعني هذا الطفل ابنكم وابن شمس؟؟
ابو وطن: ايي ابنااا علي
شمس: ايهااااااب شكاعد دكووول
احسان: ولج قننندره تجذبييين عليييه
ابو وطن: هييوووو احترم روحك
احسان: اطلع برا الموضوع انت وتعالي انتي نتفاهم بالبيت

لزمني من ايدي وراد يسحبني حييل بسرعه لزمه ابو وطن ودفعه
ابو وطن: وخررر اييدك
احسان: شبيييك خطيبتي
ابو وطن: خطيبتك على روووحك حتنجب وتتركها
احسان: لككككك وانت منو حتى تقرر بكيفك
ابو وطن: معلييك اني راجع لمرتي وابنها يريدها انت منو حاشر روحك بنصنا
احسان: ولييي تحلم تاخذها
واحد يعيط عالثاني والعالم كلها تباوع علينه بنص النرطبات كمت اعيط عليهم
شمس: كافييي شبيييككم
احسان: تعاالي لج عندي الج غيييير احساااب
شمس: وخرررر ايددددك
لزمني قوي وسحبني حيييل نترت ايدي منا بسرعه اندار وضربني جف بسرعة البرق اجا عليه ابو وطن محسيت غير لازكه من ياخته وموكعه بالكاع
ابو وطن: لك حيواااان تمد ايدك عليها والله احسب الله ماخلقك
احسان: وخرررر ومعلييك خطيبتي واني حر بيها
ابو وطن: والله تحلللم تاخذهااا لو اني اخذها لووو اللله ياخذهاا تعرف شنوو يعنييي والله ماخليها تنزف الك لو اعرف اكتلك بيدي فااااهم شكاعد اكوووول ولتحاااول تلعب وياااااي بعدك متعررررف ابو وطن منهووووو

اباوع على ابو وطن صاير احمر من العصبيه ودمارات ركبته طالعه وايديه لزم بيه ياخت احسان
واحسان ضايع بيده لان جان قصير وابو وطن اهواي ضخم
اباوع العالم كلها تباوع علينه صرنه فرجا بنص الكفتريه يربيييي اني صرت بنص هدومي ومحد دايفاككهم ولا يسويلهم شي
نط واحد من بين العالم وكال
الولد: يمعوديين استهدو بالله شجاكم تتعاركون علمود بنيه هيا لو شريفه ماتكعد تصاحب ثنين
متتت بدمييي انييي انطعن بشرفييي؟؟؟ بقيت اصفن بالولد اريد افتهم شدايحجيي هذااا
دفع ابو وطن احسان وبسرعه راح للولد وسحبه من ركبته وضربه هذاك البوكس اويليييييييي يمكن نص سنونه وكعو بالكاع والولد من قوة الضربه وكع بالكاع ادنه اله ابو وطن وكاله
ابو وطن: هالبنيه اشرف منك زين مني مطلعت روحك بيدي هلمره اعرف شداتحجي كبل ماتمضرط لا اراويك الامهات شيخلفن
ورجع رفعه بيده من الكاع وشمره على كرسي هذاك الولد انخرس وبس يلم بوجها الي اطشر من الدم
العالم بقو يصفنون اباوع على احسان كاعد عالكرسي بصفحه وديباوع ومبين عليه هوا هم مخروع من ابو وطن شكد احتقرته جان مفروض هوا الي يدافع عني هوووا خطيبيي مووو ابو وطن بس عرفت اني مخطوبه من واحد عفطي
مجرد دباوع على ابو وطن جان ديعدل بتيشرته كامت العالم تضحك ودكول شررد شررد الولد
اباوع مكان احسان ماكو طالع عرفته انهزم والعالم داتقصد عليه شرد وداتضحك
شكد فشلللللللت ولك اني عندي رجوله اكثر منك تفخس على هيج بشر لا والنوب شرد وتركني
تقرب عليه ابو وطن مبتسم واني عيوني دمم عليه
ابو وطن: خلينا نطلع
شمس: شرااايد
ابو وطن: اششششش حسج جاي اريد احجي وياج بموضوع
شمس: احجي
ابو وطن: هنا؟ بربج بعد الي صار تردينا هنا ونكعد نحجي امشي خلنيا نروح بغير مكان
شمس: مارووح وياااك احجي شرااايد وفضنني
ابو وطن: لاا انتي اثاريج بعدج عنيده ومو مال واحد يتناقش وياج هيج شو تعاااااي
لزمني من ايدي رجعتلي الصعقه الكهربائيه مثل اووول مره الزم بيها ايده لمن جنت بالسوك شريط فلم ونعاد كدامي
سحبني وسحب العربانه مالطفل وطلعني برا وفتحلي الباب مالسيارته واشرلي اصعد
شمس: من كل عقلك؟
ابو وطن: صعدي يلا
شمس: لووو تمووووت
حط ايده على حلكي وطببني بالسياره غصبا عني ورجع ركب ماردت اشرد لان بقت العالم تباوع علينه ومكافي انفضحنا بالمرطبات النوب بالشارع هم
رجع دخل العربانه بالصندوك والطفل خلاه خلف وكعده وطب هوا هم انداريت عليه
شمس: علييك الله متروح بمكان خلينه هنا
ابو وطن: بالسياره؟
شمس: ايي
ابو وطن: خووش لعد
شمس: ليش جاي؟ وشسوييييت هااا
ابو وطن: خلصتج منا مو انتي متحبيه
شمس: ومنو كلك
ابو وطن: يعني تحبيه لهذا الخيخه؟
شمس: شيي ميخصك
ابو وطن: هسه معلينه شرائيج بطفلنا
شمس: ايهااااب لتجذب الجذبه وانت تصدكهااا كولي هسه شرااايد منيي فضحتنني
ابو وطن: شمس تعبان تعبااان حييل ومحتاجج
شمس: خلص هذاك الوكت اعتذر
ابو وطن: شمس احبج
سكتت ونزلت دموعي غصبا عني دار وجهي بيده بسرعه وخرت ايده من عن وجهي
ابو وطن: اريدج شمس
شمس: هسه اذكرت شمس؟؟ هسه اذكرتها بعديييشش لمن اجا خالي وكعدت اتوسل بيك متعوفني لان تعرفني روحي متعلقه بيك وماكدر بدونك وانت كعدت تباوع على دموعي ومكلفت روحك حتى وحجيت انت بعمرك محبيتني انت لعبت بگلبي بسس
ابو وطن: اششششش شكاعد تحجيين ولج منهو الماحبج ولج روحي صارت بييج ودكوليلي هسه ماحبج
شمس: لا انت محبيتني وخذلتني وكسرتلي گلبي ومستحييل اسامحك
ابو وطن: شمس ابويه جان رافض ومكدرت اوكف بوجها وعانده
شمس: وتقنعني انو هسه ابوك وافق؟
ابو وطن: لا عاندته واجيتج
شمس: هاااا ولعد مجان عاندت الكل من زماان من كبل مارووح
ابو وطن: شمس لتصيرين حقوده
شمس: ماحقوووده بس خلصصص اني بعد مافيييدك
ابو وطن: حسسسسج نصييي ولا ومحمد اهطرج هنا
شمس: رووح على فاطمه تناسبك هم بنت عمك وهم متحتاج تعاند الكل علمودها الكل راضي عليها وتلوكون لبعض اما اني لا مااناسبك
ابو وطن: وج منهو التحلى بعيني غييرج ماتخييل تنزفلي وحده غييرج شمس والقراان وحك الحك احبج بس اويلي الله العبايه تاكل وتشرب عليج
شمس: ايهاااااب مو مثل كبل اتقشمر بكلمه حلوه لا عيني لآ غلطااان انت
ابو وطن: مدكليلي شنو السبب الي خلاج تضوجين مني ومتريدين نرجع؟
شمس: كل الي سويته وتسال شنو السبب؟؟ ولك بعد ماتقبلك بحياااتي وعدتتتني متتركني وتركتني ابجي كدامك اتووسل بييك متعوفني وميخاذوني منك بس انت ااااخ منك هيج طلعت لهل درجه رخيصه عندك اني ومعندي اي معزه هييج طلعت دموعي سهله علييك ويين حبك ايهاااب ويييينه مجاي اشوف كدامي ايهاب الي حبيته لاا داشووف غييره
ابو وطن: بس سمعيني خلي اوضحلج لمن اول ما قررت اعقد عليج ابويه خلاني اوعده انو بس يجي احد من كرايبج حتركج واني مجنت احبج لذالك وافقت على وعد ابويه بس اااخ من گلبي الله زرعج هناااا بگلبي ززرعج من غيير ماعرف شوون ولييش وحبيتج اييي حبييتج اكثر من روووحي ولمن اجا خالج مكدرت امنعه انو مياخذج لان واعد والدي عبالج هييينه عليه اشوف دمووعج وج انتي بنيتي بنيت رووحي وگلبي ولج اني روحي تروح لمن انتي بس تصيحين اخ نااار وحتركت لمن حجا عليج هالاتبسزز كبل شويا ودكولين دموعج سهله عليه
شمس: هاااا وخطوبتك من فااطمه
ابو وطن: ولج والله ابويه راد يخطبها الي بس رفضت رفض قااطع افهمي عااد مااكدر بدوونج ليش هالعناااد
شمس: لا تكدر شون كدرت كبل سنتين تعيش من دوني هسه هم حتكدر
ابو وطن: ليش عبالج جنت عايش كبل سنتين
شمس: وليش مو هياتك كدامي بطولك اليهز الكاع وبصوتك الخشن ولا صايرلك شي
ابو وطن: ولج عااااييش جسد بلا رووح من دوونج شممس كافي عنااد رحمة لاهلج وخلي الماي ترجع لمجاريها اني احبج وانتي همات تحبيني ليش هالعناد واعترفت بغلطي واني اسف ووعد والله بعد ماتركج
شمس: تنهدت وكلت... ايهاب ماكدر
ابو وطن: على شنو متكدرين؟
شمس: ماكدر بعد ارجع وياك گلبي برد منك ومن حبك
ابو وطن: هااااا؟
شمس: اي الي سمعته
ابو وطن: اخر كلام عندج؟
شمس: اي ايهاب
ابو وطن: خوش يولو خوش اني الاثول الي اجيتج لي هنا ومنزل روحي عليج ومتستاهلين حب مني ابد ولكم اني وييييين والحب وييين اشجابني انييي خووش ست شمس خووش يولو اعتبري نفسج من هسه طلعتي من گلبي وسفففه علييج يابويه وسفه اجيتج لهنااا وترفضيني خووش شكلج جان جابج هذا المطي مالتج الي حتى مدافع عنج وشرد الله يهنيج بغيري بس صددكي والقراان وحك الحك اي قسمة حتجيج حوكف بطريقها وافركشها وكلشي يوصلني اني ميخفه عليه شي بس حتى اثبتلج انو الشي مالت ابو وطن لمن يترك شي او عينه بشي محد يتجرأ وياخذه وراه في امان الله ورده