شَمـسُ وَطني

البارت الواحد والعشرين

اتعصبت ردت اعبر من بينهم واطلع لزمني من ايدي ابو وطن تكهربتت رجع سحبني ورجعني اباوع عليه مبتسم
ابو وطن: اوكفي
فاطمه: يلا عيني اخذو راحتكم
بقت تخزر بيه وطلعت
باوع عليه ابو وطن
شمس: هاا شكو
ابو وطن: ليش رتي طبين؟
شمس: كلت اخليك تاخذ راحتك ويا فطوم الورد
رفع حاجبه وبتسم وكال
ابو وطن: ها هسه هذا شيعتبر فضول لو غيررره؟
شمس: اااني اغااار من هاي السعلوه الي ماكدر اباوع عليها اخاف عيوني تصورب من البنفسجي مالتها
ابو وطن: يعني انتي الي على اساس طالعه حلوه؟

تعصببت من كال هيج بس جنت متانيته شراح يكول من يشوفني وهسه هيج يحجي
حجيت بعصبيه وانفعال
شمس: اييي حلوه واخبببل واسوه راسها والكل تعجب بيه والكل بقى يكول عليك شكد محظوظ لان اني خطيبتك واذا متصدك اسال الحجيه والبنات
اني متعصبه وهوا مبتسم ورافع حاجبه وديتقرب عليه واني ارجع لي ورا لحد مانطخيت بالكونتر وهوا بقى يتقدم ويباوع بعيوني
ماحسيت غير حاوط خصري بايديه وقربني عليه كمت ابلعم وعركت وجسمي كله بقى يرجف
قرب وجها من وجهي وحجه بهمس
ابو وطن: ليش تعصبت ياحلو بس صدكو العالم من كالو يهنيالك يا ابو وطن عفه على گلبك يا ابو وطن
شمس: ه هـ هـاا مم ممتعصبه
شال ايده ومشاها بهدووء على وجهي ارتخييت حتى لساني انعقد بعد ماكدر احجي غمضت عيوني بعد ماكدر اسوي شي
حجا بصوت همس
ابو وطن: فتحي عيونج يولو لاتحرميني منهم
فتحت عيوني بهدووء جبهته على جبهتي وديباوع بعيوني اللمعه الي بعيونه جننتني بحياتي محشوف شي احلى من لمعة عيونه
عيونه بعيون بعض مبتسملي ورصعاته مبنيه وايد محاوطه خصري وايد الخ بوجهي
بدون وعاتي مديت ايديه وحاوطته اني هم
مادري شكد بقينا على وضعنا بس احس روحي دخت واني بين ايديه مداكدر اسيطر حتى على نفسي
فزينا ثنينا على صوت مبايله فز ابتعد عني وشال مبايله وطلع برا يخابر رحت وراه وطلعت راسي من الباب حتى اسمعه ويا منو يحجي
اسمعه يكول
ابو وطن: خرررب يومك ماازن دائما هييج تخبر باوقاات زبااله هسه وكتك يعني.... يمعود دسكت اني اعلمك بس اجي لبغداد... روح الله وياك
بقيت واكفه واسمعه بقيت اضحك شون ديزعك بصديقه خلص مكالمته واندار انتبه عليه رفع حاجبه وابتسم وكال
ابو وطن: طبي جوا يولو وديري بالج اشوفج او المحج طالعه
ابتسمت وطبيت احس گلبي دايطييير من الفرح.. ايي اييي اني احبه اول رجال يفوت گلبي ومو بس احبه اعشگه هوا الوحيد الي كدر عليه واضعف كدامه اااخ يامستر عضلاات وكعتني بييك ااف عطره بعدا بخشمي

رحت كعدت يم البنات واني عقلي مشتت ومشاعري صار بيها اعصااار وگلبي نبضاته سررعت وفكري وعقلي كله يم شيخ گلبي ووطني
شويا شويا بدت الناس تقل وتروح جابو الاكل بس اني مجنت مشتهيه ابد
بدت الناس تروح وتخف شويا شويا بقو بس اهل البيت واحنا كالولنا اتسترو حيطبون الزلم
لبست العبايه وطبيت الحجاب عليه الحجيه كالت البنات الشابات يروحون يطبون بالغرفه لان عيب مليان وجهنا مكياج اني كلت ما اطب بس اجت عليه زهراء وكالت ابو وطن موصيها كايللها بس يطبون الزلم افوت ويا البنات عالغرفه
احو طبو واني بسرعه طبيت للغرفه اني والبنات وفتحنا الباب وطلعنا راسنا بس نريد نشوف العريس
طب العريس وطبو كلهم الزلم شويا ووكعت عيني على ابو وطن هم جان واكف وياهم يممه گلبي انوب جان شون واكف وديضحك ورصعااته يمه رصعاااته تمووت رحت فدوه لهل ضحككه اول مره اشوفه هيج متونس وفرحان بس ضجت او غرة لان اهواي حلو ميصير هيج وهاي فاطمه ماشالت عيونها من عليه
بقيت باوع عليه حسيته جان ديدور على احد بقى يتلفت يمين ويسار شويا وصد للغرفه الي احنا بيها وانتبه عليه ابتسملي ورفع حاجبه بتسمتله ونزلت راسي وبقى كلشويا يباوع عليه ونظرراته تشل شلل
طلعو كلهم ويبوسون باسماء ويودعوها لان حنزفها للغرفه خطيه جانت داتبجي
اجت الحجيه وسحبتني حتى اروح اني هم على اسماء وابوسها باوعت على ابو وطن هز براسه فتهمت عليه انو عادي اطلع
رحت ركض على اسماء وحضنتها وبوستها وباركتلها وبقت تبجي بحضني خطيه
وخرت من يمها مادري وين اروح وداعثر بالعبايه والجهال بين رجليه وهوسه حسيت ايد لزمتني باوعت لكيت ابو وطن بسرعه سحبني عليه ووكفني يما همس يم اذني وكال
ابو وطن: زين بس اسماء تحضنيها وتبوسيها ابو وطن المسكين مااله شي منا منا بوسه تايهة ولو
حجا هيج ويغمزلي عزاااااااااا شكد جريييئ اليوم بعد ماعرف شحجي لساني انعقد
انتبهت فاطمه داتباوع عليه بقرف عبالك مادري شنو كدامها  بقيت لازمه ايد ابو وطن وكلشويا اتقرب عليه واباوع عليه بس اريد احمسها وهوا يباوع عليه خطيه مستغرب من حركاتي بس مدري ليش حبيت احمسها واغيرها
وكلشويا احس عليه ديعصر بيدي اني مايته من الخجل اباوع على ايدي ببطن ايده ومختفيه لان هوا ضخم حيل واسمراني واني بيضه ههههه شون صاير فاول بين ايدينا