شَمـسُ وَطني

البارت العشرون

بقيت انتظر هواي مجاوب رحت اللتهيت باليوتيوب بعد ساعه ونص هيج اجتني رساله منا بسرعه فتحتها
ابو وطن: ((عيونه))
شمس: ((ها اي شونك))
ابو وطن: ((الحمدلله شون صرتي؟))
شمس: ((الحمدلله احسن))
ابو وطن: ((رايده شي؟))
شمس: ((اي ردت اجي اكلك اريد باجر اروح ويا البنات عالصالون))
ابو وطن: ((لا))
شمس: ((لييش الله يخلييك))
ابو وطن: ((كلت لا يولو))
شمس: ((اوووووي وعليش لاا))
ابو وطن: ((هاا ام الاوي وتالي وياج خلصنا من يااا اجتنا اووي))
شمس: ((هههههههه زين اكلك))
ابو وطن: ((نعم))
شمس: ((وغلاتي عندك خليني اروح للصالون وهااا من جوابك حعرف اذا غاليه او لا))
ابو وطن: ((اووف ديلا بس بشرط))
شمس: ((شنو؟))
ابو وطن: ((من تطلعين من البيت تلبسين حجاب وعبايه ومن تطلعين من الصالون هم ومكياج طوخ ماريد وماتصعدين ويا احد ديري بالج اني اجي واخذج واذا مالحكت ادزلج خبر))
شمس: ((اني لو رايحه ومكايلتلك مو احسن))
ابو وطن: ((شمممس ديري بالج تسووين شي بدون علمي))
شمس: ((وليشش بله انت مالك سلطه عليه))
ابو وطن: ((الييي سلطه غصبا عنننج اني زوجج حتى لو بالاسم بس انتي هسه زوجتي وبأسمي اتقبلي هالموضوووع عااد))
شمس: ((لا مو غصبا عني ومراح اتقبل هالموضوع بس اني الثوله لان اجيت اخذ برائيك))
دزيتها وشافها ومارد رجعت دزيتله
شمس: ((اي لترد بعد احسن وحروح بدون عبايه وحلبس قصير واحط مكياج طووووخ واي واحد يجي حصعد وياه))
ابو وطن: ((سويها حتى ادزج يم الرفيق الأعلى حتى تتونسين تشردين شكو ميت هناك))
شمس: ((لا تتحداني بعدك متعرفني اذا طخت براسي اسويها))
ابو وطن: ((والقرااان شمس وحك لا إله إلا الله ان سويتيها اكلب خلقتج هاي التجنن وكادم العالم مايكون اسمي ابو وطن اذا مو كد كلمتي))

خفت من اسلوبه حسيت صدك يسويها ومو مال اتحداه واعانده شفتها بس مارديت
طبت عليه زهراء
زهراء: ها شوشو حجيتي ويا ابو وطن؟
شمس: كولي تعاركتي ويا ابو وطن احلى
زهراء: ليش شكو شصار؟
شوفتها الرسائل مالنا
زهراء: شمس شبيج شون هيج تعانديه
شمس: ماشفتي شون شروط عبالك اتفاقية سايكس بيكو
زهراء: تره شروطه عاديه لطوخيها فد نوب
شمس: حبابا زهرااء وين عاديه وميريدني احط مكياج واتستر تره هيا بس نسوان يعني محد حيشوفني
زهراء: ميخالف يا حبيبتي هوا غير يغار عليج من نظرة النسوان
شمس: هم جابتلي هااااي السيييره بابا شبيييج تره ماكوووو شي بيينا لتضلين اتجلبييين يغااار ويغاااار
زهراء: تمام تمام سكتت
شمس: اووووف اكول بس كومي ساعديني اطب للحمام
زهراء: تعالي

سندتني وحاولت اكوم دست عليه شويا شويا ما أذتني الحمدلله وطبيت للحمام غسلت وسبحت وطلعت لبست دشداشه سمعت زهراء داتصيحني من جوا اجي اتغدا لبست حجاب ونزلت صار بوجهي زيد واكف عالدرج
زيد: ها عمه عرجه شون صرتي
شمس: ولك المن هاي عمه عرجه
زيد: عليج غير
شمس: انجب لك ههههههههه
عاطت زينب من باب المطبخ
زيد: زيييييد تعااال اكللل يلااااا
زيد: روحي اكلي انتي ومعليج
شنس: درووح مو حبيبة الگلب داتصيحك
زيد: اي مو هيا خلصت البنات بالدنيا حتى اب بنت خاله اسراء امشي خلينا ناكل امشي