شَمـسُ وَطني

البارت الرابع عشر

واجا ابو وطن هم اول ماطب اجت عيني بعينه أبتسملي ورفع حاجبه لا ارادايا من يسوي هيج اني هم ابتسم ابتسمتله ونزلت راسي اجت زهراء همست بأذني وكالت
زهراء: هاا ام الابتسامات شو من الصبح داتوزعين
شمس: انجبي زهراء
زهراء: امممممم

رحت كعدت بطارف الميز عيطت بيه الحجيه
ام عبد: ولج ويييين تعالي كعدي يم رجلج شكلنا احنا
شمس: والله نسيت
رحت كعدت يما همس بأذني
ابو وطن: كتلني كتل هذا نسيانج ادري زهايمر بيج لو شنو
شمس: ياااااا اسم الله عليه
ابو وطن: دكلي اكلي بلكت يخف شويا نسانج بس همزين نزلت ولكيتج لابسه الحجاب
شمس: لتخليني هسه انزعه
باوعت عليه بنظرة تحدي
ابو وطن: بيج خير وسويها

سحبت الحجاب من خلف على اساس داعدل شعري ووكع سويت روحي انو هوا الوكع مو اني قصدا ورجعت لبسته اباوع عليه رفعتله حاجبي وبتسمت وهمستله
شمس: جنت اكدر ابقى موكعته بس اني ماريد
ابو وطن: والله لو ما جنا كاعدين ودانتريك جان راويتج الي يتحده ابو وطن شيصيرله يولو
بقينا واحد يباوع بوجه الاخ واني نظرتي نظرة تحدي وهوا مخنزر عليه ورافع حاجبه
درت وجي اباوع عليهم نصهم ديباوعون عليه يريدون يعرفون شدانحجي لان بهمس جنا واحد ديحجي ويا الخ..
خلصنا ريوك وطلعو الرياجيل للمضيف واني ويا البنات داساعدهم اجت عليه زهراء
زهراء: شمس شجنتو داتحجون انتي وابو وطن عالريوك
سعديه: يمه عيب شهل سؤال شلج دخل انتي
اسماء: اي مو الفضول كتلها
زهراء: جا وانتي الفضول ماكاتلج
اسماء: بلي والله
شمس: هههههههههه لو تموتون ماكللكم

خلصت من المطبخ وصعدت على غرفتي وكعدت اعزل بيها ومسحتها ونظفتها صح شويا بديت اتأقلم على الوضع وعلى عيشتهم بس يبقى شي بداخلي مكسور احس اهلي كسرو شي بداخلي خلوني اصير غير شمس يعني صح اضحك واتشاقه واتقشمر بس والله كل هذولا جذبيات حتى ضحكتي مو صحيحا واحس انو خلص اهلي تركوني بعد ميريدوني حتى لاتجيهم المشاكل وشكد مراح ابقى هنا بس حبقى غريبه عليهم وانجبرو انو اكون بنصهم بس لشوكت لشوووكت حبقى وياهم ولشوكت اكون على ذمة رجال هوا انجبر عليه واني انجبرت عليه ولا اعرفه زين ولا هوا يعرفني ماعرف حتى اسمه الحقيقي شنو اوووف كل هاي الافكار ادور ببالي كل يوم وتبقى بگلبي مدفونه
متوكله عليك يالله وعندي امل انو حتجاوز هالايام كلها
اعزل واحجي ويا روحي خليت السماعات باذاني وبقيت اسمع اغاني
خلصت نزلت للمطبخ لكيت النسوان كلهم ملتمات وديسولفون بس الحجيه مموجوده الرياجيل بالجامع هما لان اليوم جمعه راحو للصلاة والجهال جانو بالكراج ديلعبون طوبه طلعت شفت زيد وياهم رحت صحته كتله

شمس: ولك زييد شو مرحت وياهم للجامع؟؟
زيد: والله حتى نسيت الجذبه الي جذبت بيها على جدو
شمس: ياجذبه وليش جذبت
زيد: مو جذبت على جدو حتى لا يبقى يلح بيا اروح وياهم
شمس: وليش متروح خومو متعرف تصلي
زيد: والله الشيخ الي بالجامع متحلفلي يس يشوفكي راح يطكني
شمس: يااااا لييش
زيد: لان طكيت السماعه مالجامع
شمس: هههههههههههههههه شنو لييش هيج سويت
زيد: مو عالقسط والله
شمس: هههههههههههه خرب زين مخفت لايكول لابوك او حدك
زيد: بلي كايل لعمو ابو وطن وانطاه حق السماعه واعتذر منا عمي واجا رزلني خوش رزاله وجدي وابويه ميعرفون
شمس: اي مادام منطيه الفلوس بعد شكو
زيد: والله مادري هوا كايله ما ارتاح لحتى اضربه لزيد
شمس: ياااااا خطيه انتي بس تنطك ههههههه
زيد: اي مو جني نفاخة ملاكمه وكلشويا انطك
شمس: ولك كافي ههههههههههههههههههه
كال هيج واني متت ضحك كمت اضحك بصوت عالي وعلى ضحكتي اجو الزلم من الجامع فتح الباب ابو وطن وباوع عليه وحزرني متت خوف عيونه جانت دم من العصبيه مبينه من نظراته الي وخزراته
اجا تقرب عليه وهمسلي بعصبيه
ابو وطن: شنو هاي صوت ضحكتج لي بررا طبييي جووووا يلاااا
شمس: شبييك ليش داتصيح ما اطب اشو
ابو وطن: داكللللج طببببببي جوااااا
شمس: واني كتلك ماطب ولتصيييح