شَمـسُ وَطني

البارت التاسع والثلاثون

انفتح الباب لكيت بوجهي همام صفن بيه شويه وبعدين ما احس الا وضربني هذاك الجف المرتب اول مره انضرب من اخواني وبالاخص همااام الحنون ابو كلب الطيب
بسرعه لزم ايده ايهاب وعيط عليه
ابو وطن: هددددي نفسسسك متستاااهل الشغله
همام: طبي جوا لا ادخلج اني بطريقتي
ايدي على خدي لازمه مكان الضربه بسرعه طبيت اجت بوجهي زهراء وكعت بحضنها وكمت ابجي
ابراهيم: هاي شبييج ووين جنتي صح جنتي طالعه لوحدج ويا واحد
رفعت راسي على خالي وفتحت عيوني حييل شكاعد يحجي شنو طلعت ويا واحد شنو لوحدي
شمس: شنو
همام: لتسوييين نفسسسج غشييييمه لج صديقتج اجت وكالت بنص الطريق نزلتي من الكروب وطلعتي ويا واحد
ابو وطن: دقيقه دقيقه منو هاي الي كالت هيج
زهراء: مادري وحده من صديقاتها الي وياها اجت وكالت هيج
شمس: معقوله سمر سوت هيج
ابو وطن: لا سمر جانت وياي اني واحمد
همام: هسسسه فهمينا وييين جنتي دااايحه كروووبج راجع من قبل اربع ساعات مدري اكثر وانتي هسه حضرت جنابج يلا اجيتي ويامن جنتي طااالعه
ابو وطن: هماااام الزم رووحك وستوعب شكاعد تحجي
همام: وانت شعليييك
ابراهيم: همااااام اسكت كافي تعييط احترم شويه
همام: اختتتتتتي انتو معليييكم بييهااا
زهراء: همام هدي شويه
شمس: همام والقران جذب
همام: اذا جذب لعد ويييين جنتي هااااا
اباوع على ايهاب ماعرف شحجي ولا شكوول اكللهم جنت ادور عليه بالمستشفيات
عيوني جانت دكله انقذني دافع عني
ابو وطن: اني اكللكم وين جانت بس شويه هدو
ابراهيم: تعال تفضل شنو واكف بالباب طب يلا وهمام حط عقلك براسي وهدي لتثوور راسا
طبينا كعدنا بالاستقبال بس نظرات همام الي تقهرر بيها عتب اريد اكله وداعت الي ربوني وربوك مانزلت راسك ولا سويت مثل مديكولون
ابراهيم: اي ابو وطن تفضل
ابو وطن: يابه ماكو اي شي مثل الحجي الي دادكولو هاي الي اجتكم كل السالفه هيا انو اجت عليه صديقتها سمر تعرفوها اعتقد اخوها ويايه ضابط كالتلي شمس صديقتها مدري منيا منهم سوت حادث فا راحت وياها بسيارة الاسعاف وهسه جيبولي اي واحد جان بكروها حيكللكم سمر طلعت بالسيارة الاسعاف واذا تريدون جيبو سمر بحد ذاتها خلي دكللكم وبس كولولي منيا هاي الي اجت جذبت حتى افوت بعيونها واكللها انو اني جبت شمس من المستشفى

باوع عليه همام حسيته صدك الحجي وحتى نظراته تحولت نزلت راسي بسرعه جانت كاعده يمي زهراء ولازمه ايدي وتهديني متحملت بسرعه كمت وطبيت لغرفتي بس سديت الباب كمت ابجي مدري ليش بس حسيت روحي محتاجه انو ابجي
بس والله ايهاب طلع مو قليل همزين انقذني والحلو بي انو من يحذب جذبه يحجيها بطريقه وباسلوب ابدد ومستحييل واحد يشك بي ولو واحد بالميه
تمددت على فراشي ومدري شون غفيت الصداع لازمني من راسي يمكن من كد البجي من البارحه واني ابجي من تعاركنه اني وياه اخر شي
فزيت على زهراء دادكعدني
زهراء: شمس كومي اكلي جبتلج الاكل لهنا
شمس: ما اشتهي
زهراء: ماكو ماتشتهين كومي