شَمـسُ وَطني

البارت الثالث والثلاثين

مدري شون كلتها بس حسيت گلبي نطقها مو اني اندار عليه ورفع حاجبه وكال
ابو وطن: شكرا
شمس: شكرا؟؟؟ ممشتاقلي؟
ابو وطن: شمس احنا مبينا حجي اعتذر
عافني وطب جوا بقيت واكفه بس شنو احس اعصاار صار بداخلي هم لان نزلت من كرامتي اله وهم لان حسيته مطلعني صدك من كلبه
ردت اوكع بسرعه سحبت كرسي وكعدت عيوني غووشت من الدموع
طبت عليه فاطمه بسرعه سويت روحي طبيعيه راحت تشرب مي انتبهت عليه اجت كدامي
فاطمه: اي شمووس شونج اخبارج
شمس: تمام الحمدلله
فاطمه: اكوول اني صريحه من طبعي بدون لف ودران حكلج ابتعدي عن ابو وطن يا عمي مايلوكلج ولا انتي تلوكيله انتي وين وهوا وين يعني من كل عقلج انو بعده يحبج ورايدج والله من صدك تضحكين يعني مدري شنو بدماغج عووفي هدييي عااد
شمس: شرايده
فاطمه: رايده تبعدين عن حبيبي
شمس: حبيبج؟؟؟؟
فاطمه: اي حبيبي وحيصير زوجي وابو بيتي بالمستقبللل
شمس: اوك اذا هوا رضي بيج
فاطمه: هههههههههه حبيبتي مو بكيفج هيا مصيره ومرجعه الي متدرين انو الشيخ ميتزوج الا بنت عمه انتي شكو حاشكه روحج بالنص والله يالله الكل صار يدري انو عقد عليج كبل لان جان عتكم ضروف وحتى عقدكم مو رسمي
شمس: فااااطمه شرااايده
فاطمه: كتلج الي اريده وكافي عاد تفرين وراه وادري هذييج السماويه الي اسمها ام عبد داتخليج تفرين وراه بس والله ميصير الج لو اعرف اكتل روحي تدرين شنو لان ايهااااب مااالتيييي مالت فاااطمه
استفزتني باخر جمله كالتها مدري شون فزييت وجريتها من شعرها بهدوء وهمست بأذنها
شمس: انتي بنتج ابوج واخذي ايهاب مني والله ثم والله وروح امي وابويه الي معندي اعز منهم بيوم زواجج عليه تطلع جناستج والله احركج حرك بعدج متعرفين شمس من تخلي براسها شي شيصير ميوكف بوجهي كلشي
فاطمه: وخررري مسودنه
شمس: اخذي ايهاب مني واعلمج المسودنه شتسوي
دفعتني وفتحت عيونها حيل عليه امبين عليها اخترعت اصلا اني اخترعت من الحجي الي كلته مدري شون طلع مني
خرزرتني ورجعت طبت

بقيت اعصر بيدي من العصبيه اول مره هيج اتعصب وانفعل حتى اضفري انكسر من كد ما عصرت بيدي حيل اخذت نفس قوي ورحت عدلت روحي ورجعت طبيت عليهم رجعت كعدت بمكاني وكأن شيئا لم يكن كلش جنت مسويه روحي طبيعيه بس بداخلي بركاان منفجر
باوعت عليه جان ديباوعلي تجاهلته ودرت عيوني من عليه بس والله الا اجيبه للدرب مره ثانيه
همست بأذني الحجيه
ام عبد: هاا بشري شصاار وحجيتي شي ويا هاي المسمومه لان لحكتكم للمطبخ
شمس: اي همزين اجت اصلا بردت روحي بيها
ام عبد: شصاار احجي
شمس: حجيت ويا ومبين عليه مطلعني من كلبه يكلي مابينا حجي وهذيج القندره دكلي اخذه منج وانتي متلوكيله ومدري شنو
ام عبد: دخلي تولي حيوانه
شمس: يمممه نااار وداتحرك بيا والله العظيم مدري شون راح اتحمل بعد
ام عبد: يمه انتي شااطره ورجعيي الج والله يحبج والله صدكي الي يحب بعمره مايكره
شمس: بس ابو وطن عنده عزة نفس جبيره ماعتقد بعد يرجعلي
ام عبد: هسسسه تفائلي شبييج يداده
شمس: تنهدت.... اوووف ان شاء الله