شَمـسُ وَطني

البارت الثامن والعشرين

رحت  وياه جانت قريبه علينه المسطبه داتقرب وجان اكو شابين واكفين هناك
ويااريتني مرايحه الشي الي مجنت متوقعته صار
لا يالله ليش هيييييج ليييييش بعد كل هالاياااام يجي اليوم هههههه لا مداصدك لااا يدنيا كافيج وياي
انصدمت صار حبيبي وعمري وروحي من الدنيا كدامي
ايهااب؟؟؟؟
ااااخ يربي جمدت بمكاني انشليييت بعد مكدر اتحررك
جان واكف هوا وعبد القادر
اني اصفن بي وهوا صافن بيه
اويليييي ضخامته حدة عيونه لمعتهن كلشي بي بعدا مثل كبل
عيونه بعده بيهم الحب بعدني داشووف الحب بعيوونه بس اني الدموع الي جانت بعيوني من شفته معرفت افسرها شنو
احبه؟ لو مشتاقلته؟ لو كارهتا لان خذلني
شكد جنت اكرها وما اتمنى اشوفه صح جنت الليل كله اون وابجي عليه بس مجنت رايده التقي بي
بس لمن شفته راحت كلشي من بالي نسيت الدنيا ونسيت روحي بقيت اباوع بعيونه واكله لييش؟ ليش هيج؟
مدري اذا بعدني احبه لو خلص انكسر گلبي من وراه
الي اعرفه بس اني اريد ارجع لحضنه واضمه بحضني واشمه واترس روحي بريحته
مادري شكد بقينا واحد صافن بالاخ وعيونه الي تحجي
فززني صوت عبد القادر
عبد القادر: شلونج خيتي
شمس: هلا عبد الحمدلله عالسلامه
عبد القادر: ربي يسلمج هاا رجعتلج همام مابي ولا طخه
شمس: هههههه
بقو شويا يسولفون واني عيوني مركزه على ايهاب حسيت ردت روحي بشوفته
وتالي ويااك يگلبي مو كافييك تتعلق بالميريدك

اجا احسان وسلم على همام بس همام معرفه وبقى يستغرب حجا احسان وياريته محاجي
احسان: الحمد لله عالسلامة عيوني
همام: هلا تسلم حبيبي بس متعرفت عليك
احسان: اني خطيب شمس
بسررعه تحولت عيون ايهاب وكأنو ممستوعب الي سمعه بقى صافن عليه ولمعة عيونه رااحت وكأنو يكلي لييش؟ معقوله؟
وخرت عيوني من عنه
ابو وطن: يلا يخوي احنا نترخص عندي شغل
همام: ميصير لازم تجون تتغدون يمنا
ام عبد: لا يالحبيب الحجيه هسه منتظرتني على احر من الجمر على غير مره أن شاء الله
همام: ديلا اذخو راحتكم لعد وسلملي عالحجيه اهواي اهواي
عبد القادر: يصل عيوني وعود بالليل نتراسل هاا مو تروح تنساني
همام: دمشي ولي ماصدكت خلصت منك تريدني اخابرك
عبد القادر: خوش يول خوش

راحو واحنا بقينا واكفين
شكد كرهت روحي وكرهت احسان وكرهت خالي َكلشي كرهت لمن احسان حجه وكال اني خطيب شمس وكدام ايهاب واني اشوف بعيون ايهاب قهرر لمن عرف
ااخ يايهااب انت وصلتنا لهل مرحله كلشي جان بيدك كلشي جنت تكدر تسوي حتى لانصل لهنا
انت هم انطبت من فاطمه الف امبارك عليك من عساكم لاتهنيتو

فززني صوت همام ديحجي وياي يكول
همام: يلا شمس شنو حنبات بالمطار
شمس: ها اي يلا امشي
احنا ودانطلع اجا همس بأذني احسان وكال
احسان: منو هذا الشاب الضخم الي جان ويا صديق اخوج تعرفيه شي شو منزل عيونه من عليج
شمس: يااا احساان شبييك
احسان: شكد شكله ابو بنات مارتاحيتله
شمس: احساان جووووز من العالم تره هذا شيخ ومعروف لاتكعد تحجي من كيفك عالرجال مو مبور باوع عليه بالغلط سويته ابو بنات
احسان: وشبيج هيج نفعلتي عليه
شمس: احسان رحمه لاهلك معندي واهس اتعارك..
حجيت بگلبي تروحله فدوه انت وكل عشيرتك لايهااب ابن روحي وگلبي تخسه انت تحجي عليه هوا انت منو حتى تطلع حجي عنه عابت شكلولك خلينه الادب الك عابتلك اي والله اهواي انزعجت من حجيه
صعدنا بالسياره وبقى يسولف همام بس ماهواي حسيته حب احسان مدري ليش
وصلنا للشقه وراح احسان
همام: اكول
شمس: اي حبيبي
همام: من وين لكيتي هذا خطيبج شو محبيته نهائياً جامد ورافع خشمه
شمس: ههههههههه عوفك منا هوا هيج امشي يلا خالو على رجعه هسه