شَمـسُ وَطني

البارت الثاني

محجيت شي عفتها ورحت للمرايه حتى امشط شعري باوعت على ركبتي حمررره...ياااا شنو هاااي انتبهت عليه ماما وكالت
ام شمس: شكو شبيج
شمس: باعي على ركبتي شون حمره هاي ليش هيج
ام شمس: ماما هاي محروكه جبيتي عليها مي حار شي وممنتبها
شمس: لا ماذكر.. يااااااا صدك تذكرت ليث الجلب من جب عليه الجاي وحركني وجان حار نار
ام شمس: ديلا ماما ميخالف هاج لزمي دهن مسكن
انطتني دهن باوعت عليه وكتله بأستغراب
شمس: ماما هذا مو دهن مالوجع الضهر تدهنين بي لمن يوجعج ضهرج؟
ام شمس: اي بلي بس حطي منا عادي هوا مسكن ويصير للحروك هم واصلا معندي غيره واعرف اذا طلعت وطلبت منهم دهن مالحروك محينطوني

تنهدت وكمت احط الدهن على ركبتي خلصت ورحت تصطحت على الفراش بالكاع لان مجانو مخلييلنا سراير واحنا غراضنا مالبيت كلها بعناها حتى نصمدلنا جم فلس وحتى بيتنا الي جنا ساكنين بي تركنه هسه علما نلكيله صرفه ومخليين فلوسنه كلها ببطن جنطه
بساع غفيت من التعب مادري شكد نمت بس فزيت على صوت الباب مالغرفه دايندك قوي مكدرت افتح عيوني احس شي طابك بيهم وراسي حينفجر كامت ماما وفتحت الباب لكينا انهار عاطت كالت

انهار: يلا خواتيين شنو اجيتو هنا حتى تنامون يلا كومو ساعدونا بالعشى انتي وبنتج
حجت هيج وراحت اجت امي عليه تكعدني
ام شمس: ماما شمس كومي كعدي هاي شبيج داترجفين
لزمت جبيني جنت عركانه ضربت على صدرها وكالت
ام شمس: صخااااام هاي انتي مصخنه ولج شمس اخذتي برد لمن جنتي بالحمام اليوم
حجيت واني متخلطنا بزور يطلع الحرف من حلكي
شمس: ماما راسي ديوجعني ماكدر اكوم
ام شمس: يلا حبيبي ديلا اني حروح اسوي وياهم العشى وانتي ابقي بالفراش واذا سالت عليج بيبيتج حكللها مريضه

طلعت ماما ورجعت نمت اني وكلشويا احس على ماما تجي تطب عليه وتخلي ايدها على جبيني وتبوسني...شويا وفزيت على صوت عياطات عمه انهار دادكول
انهار: اوووووووي سوووده عليه مريضه شو الصبح كلشي مجان بيها مثل الخنزير الا اجا الشغل انجعصت
ام شمس: والله اخذت برد اليوم بقت بالحمام من انگطع عليها المي الله يخليج خليها نايمه اني اعرف اعزل لوحدي معليج بيا
انهار: طببج طووب عساها بالموووت يلا المهم اريد المطبخ يتعزل مو اطبخ واعزلا اني هم شنو جايين عدنا حتى نخدمكم ومندري

كلش انقهرت على امي شون جانت داتحجي وياها هاي الحيه وانزعجت لان شخصية ماما اهواي ضعيفه ومتكدري ادافع على روحها ومستحيييل يجي فد يوم واصير مثلها حتى غير امووت.. حاولت اكوم وادوس على روحي سندت نفسي بس الحمه جانت ضاربه على جسمي كله وفوكاتها ضهرس ديموتني من ضربة القندره ليث من دفعني انضربت بالقنفه بقيت ابجي اخ يابابا وينك تعاال شوف حالنا تعال شوف بيت اخوك شدايسوون بينا كلا بسبب هال العجوززز الي جبرتنا نجي هنا كلا بس علمود بلكي تفرقنا عن ماما ليش ما ادري بيها ادري اهل بابا كلهم ميحبوها لماما عبالك كاتله امهم ولا ابوهم
شويا وسمعت صوتهم بالاستقبال جانو ديضحكون ومدري شيحجون طبت عليه ماما وجانت جايبتلي لفه
ام شمس: شوشو كومي حبيبي اكليلج هاي اللفه
شمس: ماما ما اشتهي والله
ام شمس: ميصيير كومي وصيت همام يجيبلج دوا لازم تاكلين حتى تبلعي
شمس: شوكت يرجعون
ام شمس: كالو شويا الخ
كمت عدلت كعتي واخذت اللفه داكلها ودك مبايل ماما راحت فتحته شفتها داتحجي ويا هشام منتبهت على شنو جانت داتحجي وياه وجع راسي جان عامي عليه سدته واجت عليه كالت
ام شمس: سمعي شمس ديري بالج دكولين لأخوانج على الي صار اليوم
شمس: لييش بلي احجيلهم بلكي يوكفوهم عن حدهم شويا
ام شمس: لا ولج متعرفين اخوج هشام شكد عصبي وهسه يكوم يتعارك وياهم ويكلبوها طلابه واحنا ياماما مناقصين مشاكل
شمس: وحنبقى ناكل اهانات وضرب ونسكت امبور نخاف لايذبونا بالشارع
ام شمس: مو هيج بس تعرفين انتي هسه معدنا غير مكان نروح بي ولا بعد ماعقد عليه عمج
شمس: ولشوكت حنبقى نعيش وياهم وناكل هالأهانات
ام شمس: والله مادري يابنتي شمدريني
شمس: زين ليش منروح للشمال لبيت خالي مو احسن
ام شمس: يا احسن انتي الخ مو شفتي خوالج انوب ميريدون احد لا هما ولا زوجاتهم العگارب
شمس: لا يعني على اساس زوجات عمامي هما الملائكه
ام شمس: بس شي اهون من شي ياماما يعني هما مخيريني بيكم يا انتو يا هما واني اختاريتكم لان ماكدر اتركم بيت جدكم لوحدكم
شمس: ماما تره اني مو جاهل تكدرين ترفعين عليهم دعوة بالمحكمة على انو يريدون ياخذون ولادج منج وتره الام الها الحق تربي جهالها مو بيت الجد
ام شمس: يايمه متدرين عمج محامي وهالنماذج مينلعب وياهم وبلاخص عمج ظافر الي يريدكم بس علمود الكاع مالابوج حتى يستولي عليها ووكتها يسوي شي يروح يكسب القضيه لصالحه واطلع اني بالمولد بلا حمص شستفاديت بهذاك الوكت اني؟