شَمـسُ وَطني

البارت السادس عشر

جانت الدنيا ظهر دانظف غرفتي داكنسها لكيت تحت السرير مالتي تك مالترجيه وشكلها ذهب نزلت جوا حتى انطيها للحجيه سالت عنها كالو بغرفتها رحت لغرفتها دكيت الباب وطبيت وياريتني ماطبيت
لكيت ابو وطن جان كاعد يم الحجيه وكعت عيني بعينه شكله جان توه راجع لان جان بملابس العسكريه ولحيته ممزينها وصاير اسمرر بس مادري حسيته حلو وعيونه بيهم اللمعه التخبل بسرعه درت وجهي عنه ووخرت عيوني عنا وتجاهلت وجوده باوعت عالحجيه وكلت

شمس: يمه هاي الترجيه لكيتها بغرفتي تحت السرير
ام عبد: يووووو شكد قديمه هاي وصارلها زمان من ضايعه
شمس: اي اني لكيتلكم اياها ههههههه هاج يمه
حسيت طول ما انب واكفه عيونه ماشالهم من عليه واني اتلبك بسرعه انطيت الترجيه للحجيه وترخصت منهم وطلعت بس گلبي دايدك سرييع مادري ليش صعدت ركض للغرفه
وكملت التنظيف جان باب غرفتي مفتوح كله لان داهويها حسيت احد ديمشي بالممر طلعت راسي لكيت ابو وطن توه ديطب غرفته حجيت ويا روحي عابتلك اي والله بس ليش هيج حلو حتى من يرجع من الدوام
جنت اشبها بهذا الافلام كارتون الي يطلع اسمه سبونج بوب مره جنت كاعده ويا فجر جانت داتشغله عالتفلزيون بيه سلطعون عندا عضلات وضخم اسمه مستر عضلات مادري ليش احسه يشبه ابو وطن مدري ليش يمكن لان عندا عضلات مثله
رجعت طبيت للغرفه وكملت تنظيف صار الغدا نزلت صاحوني حتى اروح اكل طبعا تعودت اللبس الحجاب بس هيج اذبه على شعري يعني مو كلش اضبه
رحت كعدت شويا ونزل هوا هم كعد يمي تجاهلته وحتى بعدت الكرسي مالتي على كرسيه حتى لانصير قراب ويكعد يحجي وياي ويغثني
خلصنا ورحت غسلت المواعين ويا البنات خلصنا وكل واحد راح على غرفته اني هم صعدت لغرفتي وتصطحت عالسرير وبقيت اتفرج باليوتيوب اجتي زهراء وياي هم تمددت يمي وبقينا نتفرج سوا
ماحسنا على نفسنا ثنينا غفينا بمكانا كعدت الدنيا ظلمه شويا اعتقد صايره المغرب باوعت زهراء نايمه يمي شلت طرف الضفيره مالتي وكمت امشيها على وجها وهيا تحسب ذبانه وتكشها على غفلا فزت وفززتني وياها

زهراء: يممه ولج شممس حشرات اكو بغرفتج
شمس: اي الحشرات يجون عالعسل غير
زهراء: نننننن يعني انتي عسل
شمس: لا انتي العسل لان ديجون عليج ههههههه
زهراء: اذا هيج تمام لعد
شمس: يلا كومي خلي ننزل
زهراء: ساعه شكد
شمس: مادري
سحبت المبايل باوعت ساعه 6 وشويا
نزلنا وبقينا ويا البنات بالاستقبال طبعا مشفت ابو وطن ولا تقابلت وياه بعد لان الرياجيل كلهم جانو بالمضيف وحتى تعشو بالمضيف ويا الزلم
خلص الوكت واحنا ملتمين النسوان ودنسولف بس صفيه والاء مجانو موجودات ويانا مدري ليش دائما من نلتم كلنا هما ميكونون متواجدين ويانا
واني كلما ملتم اخذ صوره جماعيه الكلنا
محسيت بالوكت بسرعه ديمشي صار الليل وطلعو الزلم والحجيه والشيخ راحو لغرفهم وكل واحد بقى بغرفته
بقينا اني وزهراء واسماء كاعدين بغرفة زهراء ودنسولف ونتشاقه ونتقشمر شويا ودك مبايل اسماء
اسماء: ولكم لحكوووو
زهراء: شنوو
شمس: شكو ولج
اسماء: اححمددد ديخاابر
شمس: احمد منو؟
زهراء: تعيس الحظ خطيبها
اسماء: انجبي لج
فتحت الخط وبقو يحجون سوالفهم مدري شونها عبالك مالواحد ديخابر واحد غريب مدري شونهم خطيه
شمس: زهرااء
زهراء: ها
شمس: جوعانه
زهراء: نزلي اكلي
شمس: لا يانعال
زهراء: شسويلج نزلي اكلي اكو كليجه بالثلاجه اكلي سكتي جوعج
شمس: تفف واني كل ظني انتي حتكومين تجيبيلي
زهراء: لا حب راح وكت الدلال
شمس: تفف حقيرا