شَمـسُ وَطني

البارت الثالث

مرت الايام يطلعون اخواني من الصبح وميرجعون لحد ساعه 1 بالليل جانو يرحون الصبح على الجامعه مالتهم ويجون الضهر بس يبدلون هدومهم ويرجعون يطلعون للشغل اني تركت الدراسه لان وضعنا مو جان يسمحلنا اداوم واني اصلا جنت بصف سادس يعني ينرادلي فراغ اهواي حتى اكدر ادرس واني يومي يخلص بالشغل واعرف اذا داومت حتزيد خباثتهم وياي جنت اتمنى اكمل جانت امنيتي اطلع كلية هندسه جانت امنياتي مثل امنيات اغلب البنات اطب كلية واخلص واشتريلي سياره واكوم اعتمد على روحي وراتبي وشهادتي واطلع واسافر واتونس ابد مجنت افكر بالحب والارتباط لان جنت نوعا ما مغرورا يعني مو اي واحد يرضيني ولا اي واحد يجذبني ومااحسن اكو احد يستاهلني واصلا ما استحمل انو واحد يدخل بيا من هيج جنت بعيدا على هالطريق..

جانت ماما تكعد من ساعه 6 حتى تحضر الريوك وكل يوم لازم ننظف ونمسح البيت كله واني وامي ولوحدنا بس عمه انهار ورحمه يطبخون اما بنات عمي لا ساحبين ايدهم من شغل البيت بس احنا اجينا ومرات يتعمدون يذبون وصخ بالكاع حتى ننظف وراهم عشيتنا تغيرت 180 درجه وين جنا ووين صرنا صدك انذلينا اني وامي واحنا حرمتين وضعاف منكدري نسوي شي مجنا نحجي لاخواني لان هما الي بيهم كافيهم.. عمه انهار زادت بالقسوه ويانا واما ليث جانت نظراته كلش وقحه ووصخه مرات مثلا من اطب اسبح بالليل ورا ما اخلص مسح وتنظيف اباوع من شباك الباب الكي خيال واحد واكف وديباوع اكثر من مره كمت اعلك المنشفه عليه ومرات من اطب للغرفه ابدل هدومي او شي اقفل الباب احس احد ديحاول يفتح السقاطه مالباب اصيح منو محد يجاوب ادري هوا لان لو امي جانت حتكول اني واطلع اشوف الكي هوا بس كاعد بالاستقبال الي يصير مقابيل غرفتنا ومن يمشي من يمي يطخ جشمي بيده واعرفه متقصد اكثر من مره اعيد عليه اكلي كفخه من عمي واسكت..

جنت مدنه بالكاع دانظف تحت القنفات اجا كعد ليث فوك القنفه الي داتظف تحتها اني باوعت عليه نظراته لعبت روحي منا ومستقره نظرته على جسمي بعد مكدرت اتحمل بسرعه كمت عطت بي
شمس: انت صدك متستحييييي
ليث: وجع وقزرقط شبيييج
شمس: شبيه يعني مداتشوف روحك اشكد وقح وبلا تربيه

صلخني جف مادري من وين اجتني القوه جنت لازمه المكنسه مالايد كفخته بيها هذا كام يفور عيونه صارن حمر من العصبيه كمت ادعي بيني وبين روحي ميسويلي شي بسرعه سحبني من ايدي وطببتي بالمطبخ وهوا يسب ويغلط عليه وعلى اهلي اجا للطباخ وعلك النار وحمه السجين واني ادفع بي بس هوا جان غوول فد مره سمين واقوه مني ادفع بي واعيط بس لازمني قومي من ايدي اجو التمو علينا كلهم عمه انهار وكفت بباب المطبخ ماخلت امي اطب امي ادفع بيها بس هذيج الخبيثه جانت ضخمه كلش واكفه وساده الباب اني بس اعيط حمه السجين وحطها على ايدي بزندي كمت الووب روحي راااااحت بقيت اعيط بكل علو صوتي من لوجة روحي وامي وساره يدفعون بعمه انهار بقينا مادري شكد على هذا وضعنا واني عياطاتي وصوتي ترس البيت ونوب ليث هوا الي يرزلني وكاعد يفشر عليه
اباوع على ماما وهيا تبوس ايد عمه انهار وتتوسل بيها حتى يتركني ليث متت انمرد گلبي بحياتي مشايفه امي وهيا تذل روحها لهلدرجه يمكن نسيت الوجع ونسيت الحرك انكسرت على منظر امي وهيا تتوسل وعيونها تارستها الدموع لحد ما صاحت عمه انهار وكالت
انهار: هذوا لييث هدهااا ووخر عنها