شَمـسُ وَطني

البارت التاسع عشر

اشترتلي اياه كلش فرحت بيه طلعنا اجا ابو وطن يمنا وكال
ابو وطن: ادري كل هذا علمود فستان وبعدين منهو العروس اسماء لو شمس
شمس: وانت ليش حارك دمك
ام عبد: يبوووووو اصدك اجهز شموس واشوفها بالفستان الابيض
خجلت من حجت هيج اباوع على ابو وطن ديباوع بالكاع ومبتسم عرفته مبتسم من رصعاته والحجيه داتباوع علينه ثنينا
اسماء: هااا حنبقى صافنين بالكاع لو شنو
ابو وطن: ها اي يلا امشو بس تره السياره بعيدا لان ازدحامات خليتها بمكان بعيدا
ام عبد: والله يايمه رجليه متكسره شون حكدر امشي
ابو وطن: ابقو لعد انتو هنا واني اروح اجيبها واجيكم
شمس: اجي وياك حباب
ابو وطن: ولويش تجين
شمس: هيج بي اتفرج عالسوك من برا
ام عبد: دخذها وياك وليدي اخذها
شمس: اي عفيه حباااب
ابو وطن: اوووف ديلا امشي

رحت وياه السوك جان ملياان ناس وازدحامات اباوع على ابو وطن ديتأفأف ومدري شيحجي ويا روحه
جان كله شباب والنوب نظراتهم بس عليه مدري حسسوني كائن فضائي نازللهم
على غفلا عاط ابو وطن
ابو وطن: ترررره مو حاااااله هاااااي تالي يعني يريدووون اطلع عيون وااحد بيهم حتى لايباوعوووون
شمس: شكو شكو شبييك
ابو وطن: انتي الي ينزل وياج أولاً لازم يكون يكرهج وثاني شي لازم يكون بلا غيره حتى يكدر
شمس: هسه بس غير تفهمني شبيييك
ابو وطن: شوووو تعاااااي

لزم ابدي جمدت حسيت مثل الصاعقه كهربت كل جسمي
ويجر بيا منا ومنا واني امشي واتعثر جانت ايده دافيه ولازمني قوي بحيث حسيت عروق ايده طبت بيدي واباوع عليه متعصب ويخزر بالناس الي يباوعون عليه حسيته يريد ياكلهم من العصبيه
وصلنا مكان مليان ناس وهوسه وواكفين كومه عالرصيف طبينا من بينهم فلت ايدي وحضني يعني صارت ايده محاوطتني وقربني عليه وهوا الي ديمشيني واني عيوني بالكاع اخاف لا اوكع وعطره سطرني سطره
بس طلعنا من هالهوسه هاي اول مطلعت تلوث رجلي وعثرت ووكعت خوش وكعه بنص الشارع كمت ابجي رجلي موتتني ومن الفشله العالم كلها انتبهت عليه
ادنى يمي ابو وطن
ابو وطن: شمس شممس شبييج يولو صاارلج شي شنو يوجعج بس احجي كافي بجي هسه
شمس: ااااااااي لحكني يمكن انكسرت رجلي
ابو وطن: بس كومي هيان وصلنا السياره ركبي العالم دتباوع
شمس: ممماااكدر دتأذينييي
ابو وطن: اني اسندج كومي وكولي يالله ابويه انتي

حاولت اكوم سندني ابو وطن واول مادست على رجلي الي انلوت كمت اعييط ورجعت وكعت بالكاع اذتنيييي اهواي
شمس: اااااااااااخ
ابو وطن: شكو شكوو شصاار
شمس: مااكدر ماااكدر اذب ثكلي عليها ابو وطن مااااكدر فدوووه ااااخ
ابو وطن: شو صبري خلي اشيلج
شمس: لالا اوكف شراح تسوي
اشو كال هيج وشالني نسيت البجي ونسيت الاذه ونسيت رجلي والعالم الي دتباوع علينه وفكري كله جان يم انو اني بحضن ابو وطن
اختلطت مشاعري حب على خجل على كلشي حلو... حسيت بالامان واني بين ايديه واشوف نظرة الخوف بعيونه.. حسيت روحي طفله واريد ابقى بحضنه
قربت راسي  خليته على صدره اسمع نبضات گلبه دادك سريييع وايديه ملتفين على ركبته عطره موتني
غمضت عيوني ماريد تخلص هاي اللحظه واني بين ايديه
شويا وحسيت باب السياره انفتح وطببني على مهل بيها ولزم رجلي عطت
شمس: اااااااخ شداتسوي
ابو وطن: اوكفي خل اشوف لايكون انكسرت