شَمـسُ وَطني

البارت الأربعون

باوعت عالساعه جانت خمسه الا عشره العصر رحت دزيت رساله لايهاب
شمس: ((ها حبيبي وينكم شوكت تجون؟))
ابو وطن: ((مراح نجي صارت عدنا ضروف))
شمس: ((يااااااا خير شصاار شبيكم بيكم شي))
ابو وطن: ((والدي مقبل))
شمس: ((يعني ليش هييج ))
ابو وطن: ((هههههههه اشاقه يالروح طبينا بغداد فد ربع ساعه وتلكينا عدكم))
شمس: ((والقران وكعت كلبي ليش هييييج))
ابو وطن: ((فديته لكلبك))
شمس: ((يلا منتظرينكم امشي عدل لتسوق سريع))
ابو وطن: ((تدلل))

من صدك وكع كلب كلت خلص حتى الفرحه هاي هم حتروح
رجعت اكمل شغلي اجا خالي وجان جايب حلويات وعصاير
ابراهيم: الله الله شهل حلو هذا
شمس: فدووه لعمرك خالو
ابراهيم: هاا شقررتي
شمس: على شنو
ابراهيم: لا حوله ولا قوة الا بالله بابا الجماعه جايين يخطبووج قرري من هسه لان بنفس الوكت حنجيب السيد يعقدلكم
شمس: انت خالو شرائيك
ابراهيم: اي قابل اني احبه يولي تحسبين ماعرف دماراتج
خجلت من حجيه حمريييت كام يضحك وعافني
كعدت احضر بالحلويات سمعت الباب يندك يمممه كلبي رجف حتى الخاشوكه جانت بيدي وكعت
باوعت على روحي بالمرايه عالسريع وعدلت شكلي طلع خالي يفتح الباب طلعت من المطبخ اني هم اريد اشوفهم
فتح الباب وكعت عيني اول شي بعين ايهاب ابتسمتله ونزلت راسي جان لابس قاط اسوود اويليي الله شنو من جمال شنو من هييبه يعني من صدك كلمة حلو اهوااي قليله عليه
عطره طب للشقه كبله وجان مرتب لحيته وشعره وجان جاي هو والشيخ عثمان وعبد القادر والاخ اسعد والحجيه وقسم من ولاد عمه لايهاب
اجت طبت الحجيه وبوستني وهمست باذني
ام عبد: والله حقا ابو وطن يتسودن عليج خاايبه
خجلت من حجيها ياربي مادري شبيه اليوم اي واحد يحجي وياي اخجل
طبو عالاستقبال جان همام مو بالبيت نزل مدري وين
جنت واكفه بالمطبخ داحضر بالحلويات والتقديم طب عليه همام
همام: ها اجوي الجماعه لو بعد
شمس: اي كبل شويه اجوي

طب همام هم عليهم واني توتررت وكمت احووص اريد اسمع شديحجوون اكو ممر يطب عالاستقباب رحت وكفت بيع حتى اسمعهم اجت زهراء هم وكفت خلفي تسمع
الشيخ عثمان: افوتلك بالموضوع بسرعه جاييك اليوم يا اخوي وعدنا طلب منك واتمنى ماتردنا
ابراهيم: ماعاش الي يردك
الشيخ عثمان: ونعم منك جااي اليوم اخطب ايد كريمتكم لبني وسندي وايدي اليمين الشيخ ابو وطن
ابراهيم: والنعم منك ومن الشيخ ابو وطن واذا عليه اني موافق بقت يم موافقت اخوها هو ولي امرها وموافقتها
همام: اني عليه مستحيل الكي احسن من الشيخ ابو وطن لاختي
ابو وطن: والنعم من اصلك حبيب
الشيخ عثمان: يعني هسه شكلتو نتوكل على الله ونجيب المأذون
ابراهيم: نتوكل على الله يمعود وين نلكي احسن منكم حتى نناسبهم
الشيخ عثمان: والنعم من اصلكم ياب وانت عبد القادر ابويه روح جيب المأذون
عبد القادر: حاضر يابه

بسرعه رجعت للمطبخ لا احد يشوفني كاعده اتصنط عليهم طلع عبد القادر راحت زهراء كعدت وياهم واني عيني عالقهوه شويه واندك الباب طلع همام يفتحه سمعنا صوت يا هلا ياهلا عرفت اجا الماذون
يمممه كلبي نباضااته تسااارعت معقوووله معقووله ياربييي الف الحمدلله والشكر اجا هاليوم هذا يارب نهاية كل ثنين يحبون بعض هيج
اجا عليه همام
همام: امشي يريدون يسمعون موافقتج
شمس: الا يعني اطب وياكم
همام: يابه طبي يريد المأذون يسمع موافقتج
شمس: والله استحيي
همام: من البااااب لطبي جوا بس يسمع موافقتج المأذوون شبيج تستحين قابل حياكلج
شمس: استحي استحييي
همام: شممس العادات والتقاليد هيج امشي عاد كاعدين ينتظرونا
سحبني من ايدي ووداني يم باب الاستقبال
ابراهيم: ها همام اجت اختك
همام: وره الباب هيا
المأذون: يا ابني خليها اطب هنا
ابراهيم: روح ناديلها خلي تحط شي راسها وخليه تدخل