شَمـسُ وَطني

البارت التاسع

شمس: صعدت فوك جنت مخنووكه اول مره احس نفسي ضعيفه اول مره هيج احتصر ويضيق صدري يمكن اول مره اتمنى الموت اول مره اتمنى لو محايه للدنيا اتمنى لو بابا ماخذني وياه
طلعت للسطح جان الجو يخبللل رحت كعدت عالدجه ورفعت راسي وبقيت اباوع على النجوم
اااخ ياتره بعد شمخبيتلي الحياة وشنو مصيري اني ابقى اهنا كاعده واني اهلي تركوني يم ناس غريبه عني صح حبيتهم وممقصرين وياي بشي ولا حتى ديبينولي مزعوجين مني بس ابقى غريبه عليهم ارجع لبيت عمي ارحع للذل والاهانه وارضه بليث بس منو يكول يجوز يكتلوني بحجة ديغسلون عارهم ادري بيهم هذولا عقلهم مو براسهم وكلشي يسوون بسبيل يأذوني..... زين ارجع لبغداد لا وين ارجع ووين اولي صح عندي فلوس ماما بقت يمي بس متكفيني حتى اشتري بيها شقه او أجر ومعدنا كرايب ببغداد بس بيت عمي احسن شي ارجع لبيت عمي واتزوج ليث وافضها خلي مذله مذله على الاقل واحد يصرف عليه بس اني هسه كلت اخاف يكتلوني وبعد مالفقو سالفه انو اني شردت ويا حبيبي ههههههه بله من كل عقلهم احب واتمعشق جنت عدهم واني طول اليوم مگضيتها اطبخ واغسل وامسح
جريت نفس طووووييييييل حسته مو جريته من صدري لا احسه جان بالوريد هم
اووووووووووف محتااااره ربي سااعدني دلللني على طرريييق ربي متكله عليييك ماتكلت على غيييرك يارحيييييم انا عبدك الضعييييف يارب بجاه سيدنا ونبينا محمد لتخليني محتااره والكيلي حل بحياتي يارب يامن تقول للشي كن فيكون دلني على شي والكيلي حل يارب

واني وادعي بيني وبين روحي ووراسي مرفوع للسما فزيت على ايد تطبطب على جتفي باوعت لكيت الاء اجت وكعدت يمي وباوعت هيا هم للسما وكال
الاء الوجع والحزن مابي عمر ابد بس قاسي الحزن الي يجي على العمر الصغير لان يكون صعب واحد يتحمله مثلا راح اجيلج قصة جان اكو بنيه صغيره صارت بعمر المراهقة طبت مدرسه وشافت عالم ودنيا شاء الله وزرع بگلبها حب الحارس مالابوها ويوم بعد يوم يزيد حبها اله صارت تشوف بعيونه حب الها بقت تخلي ببالها انو هوا هم يحبها لحد ما شاء القدر وحبها وعترفلها هالحارس فرحت والدنيا ماوسعتها مجنت تعرف الحياة والقدر شمخبييلها من مصايب يوم بعد يوم يزيد حبهم واحد للثاني تكبر كدام عيونه هالبنيه وهيا بحياته محبت واحد مثله حاول يروح يخطبها بس ابو البنيه رفض ومو بس رفض كعد يستهزه بيه بقى مره ومرتين وثلاثه بحد ما ابو البنيه عرف انو اكو شي بينهم وانو واحد يحب الاخ كام طرد الولد من عدنه والبنيه بطلها من الدوام وكعدها بالبيت وقسى عليها ومو بس هوا اهلها كلهم ضاةو منها وكأنو سوت جريمه ومرت ايام بقت على تواصل ويا حبيبها الحارس وبيوم قرر والدها يزوجها لابن عمها سودت الدنيا بعيونها انهارت تمرض حبيبها لمجرد سمع بالخبر مجان عدها حل غير انو لجأت لاخوها الوسطاني لمن شاف دموعها حجتله كلشي بگلبها وماضمت ولا كلمة جان هو الوحيد الي مستعطفها وينقهر عليها وعدها انو مايتركها لحتى تنزف لحبيبها وبقى يلح على والده لكن ابو جان رافض يزوجها لغير ابن عمها رفص قااطع وبعد اهوااااي توسلات وافق ابوها لكن تبره منها بسبب كسرت كلمته وماسوت الا الي براسها تزوجت الحارس كان زواجهم كلش بسيط بس الشي الي قهر ماتزوجت مثل اي بنيه ماللبست البدله البيضه ولا مشت بزفه بس كلشي يهون جانت فرحتها انو اخذت حبيبها هاي تسوه عدها عاشو قصة بحب يخبل بس الشي الحلو مايكمل كامو اهل زوجها ينتقمون منها اشد الانتقام متكدر حتى تشتكي لأهلها بعد ماتبرو منها قسو عليها اهواي بيت عيالها بحيث وصلت بيهم جانت كلما تحبل يسقطون الولد قبل ليجي فد يوم حبلت وتحملت وصبرت خلفت بنيه تخبل ووراها صار عدها مضاعفات وشالولها الرحم هه اي صارت بعد ماتخلف بعد ماتكدر تجيب اخت او اخ لهل طفله هيا صار عمر الطفله نص سنه وتوفها والدها بحادث جان عامل ووكع من فوك بنايه وتكسر ومات جانت هالبنيه لوحدها تعتني بطفلتها وهيا جانت تحتاج من يعتني بيها جان عمرها 19 وهيا على هالقهر تمرضت الطفله نقلتها للمستشفى انطوها ابره ولكن لسوء حظها انطوها ابره غلط تسممت بجسمها وصار عدها سرطان بالدم وهيا عمرها سنتين ممنوع يسوولها عمليه وهيا بهالعمر بقت تاخذ جرع حتى ليتضاعف المرض وانطوها موعد من يصير عمرها 7 سنين وكتها تكدر تسوي العمليه رجعت وهيا مهمومه انطردت من بيت عيالها بقت لوحدها هيا وطفلتها قررت ترحع لبيت اهلها توسلت بابوها وراحت راضته وقبل يبقيها عندا لكن بقى شايل بگلبه منها وبسبب تصرفاته وياها بقت منبوذه من الكل حتى من جهال اخوانها وبقو يأذون طفلتها على انو هيا بنت حارس ومدري شنو وبقت على هالحال وتعايشت مع وضعيتها وبقى الوجع بگلبها ترملت وهيا وصغيره واهلها معيشيها بالذل وعدها طفله مريضه ومرضها صعب