Kaisei High: Not So Ordinary School [EDITING]

KH 22

Pagkatapos ng klase, pakiramdam ko'y parang naubos ang enerhiya ko sa mga boring na topics. Wala akong kahit anong subject na nagustuhan ngayong araw, kaya dire-diretso akong naglakad papunta sa dorm para makapagpahinga. Bukas daw kasi may training kami, ayon kay Ma'am Helena, at sigurado akong kakailanganin ko ang enerhiya para doon.

Hawak ko ang susi ng kwarto ko, Room 3CE3 – nasa 3rd floor, room 3. Napabuntong-hininga ako sa pagkakadiskubre ko na wala palang escalator dito, kundi elevator lang. Ayoko talaga sa elevator, pero no choice. Sumakay ako at pinindot ang 3.

Pagkalabas ng elevator, agad kong hinanap ang room ko. Hindi naman nahirapan at nahanap ko ito sa dulo ng pasilyo. Binuksan ko ang pinto at pinagmasdan ang kabuuan ng kwarto. Malinis ito at maaliwalas, may dalawang malaking sofa na magkaharap sa kaliwang bahagi at isang flat screen sa gilid. Kumpleto rin ang kusina – may stove, microwave, at ref na punong-puno ng mga pagkain. Kumuha ako ng mansanas mula sa dining table at kinagat ito habang iniikot ang tingin sa paligid.

Inakyat ko ang second floor kung saan matatagpuan ang mga kwarto. Sa bawat pinto may mga pangalan nakapaskil. 

Dito rin pala naka-stay ang mga Elementals, actually anim lang sakanila ang naandito. Ka-dorm mates ko si Claire, kaya magiging mas madali para sa akin na makalapit sa kanya kung sakali mang kailanganin ko siya. Nasa gitna ang kwarto ko:

Matthew - Kyle - Charles - My Room - Nathan - Shane - Claire

Pumasok ako sa kwarto ko at nilock ang pinto. Agad akong natuwa sa kulay ng kwarto – scarlet. Napakagandang tingnan, lalo na't ang ceiling ay may painting ng kalangitan. Sadyang nakakapagpahinga sa mata. Dumiretso ako sa closet at pinili ang simpleng damit para magpalit. Habang kinakain ang mansanas, iniikot ko ulit ang aking mga mata sa loob ng kwarto bago humiga sa kama at hinayaang lamunin ako ng antok.

Sa kalagitnaan ng tahimik na pag-idlip, biglang nagising ako sa ingay mula sa ibaba. My God, ang sakit sa ulo!

"Tumahimik ka nga, Kyle, ang ingay mo!" rinig kong sabi ni Claire.

"Ang tahimik niyo naman kasi kayo masyado!" sagot ni Kyle na parang inis.

Napailing ako at idinaan sa telepathy ang reklamo ko kay Claire.

"Claire!" tawag ko.

"Ashley? Bakit?" sagot niya agad.

"Nagpapahinga ako. Patahimikin mo nga 'yang mga nagsisigawan diyan!" utos ko sa kanya.

Narinig kong pinagsabihan ni Claire sina Kyle at Shane. "Kyle, Shane, shut up! Natutulog si Ashley."

Natawa ako ng konti nang marinig ang reaksyon ni Kyle, "Ashley? Sinong Ashley?"

"Ashley Grey," seryosong sagot ni Claire.

"Oh my Goddess?! Ka-dorm mate natin siya?!" sigaw ni Kyle na sobrang lakas kaya't napatakip ako ng tenga. Bakla ba ito? Napaka-overacting!

Nagpatuloy si Claire, na may halong pananakot, "I said shut up, Kyle, kung ayaw mo ipakain kita sa mga alaga kong demonyo."

Biglang katahimikan.

Napatingin ako sa ceiling, nagbabakasakaling makakatulog na ulit. Pero maya-maya, narinig ko ang mga usapan nila Shane, Nathan, at iba pa tungkol sa akin.

"Paano mo nalaman na dorm mate natin si Ashley?" tanong ni Nathan kay Claire nang pabulong.

"Sabi niya sa akin through telepathy," sagot ni Claire, ginagaya ang tono ko.

Habang tahimik ang iba, may kumatok sa pinto.

"Buksan mo, Shane," utos ni Claire.

Tumayo si Shane at binuksan ito. Dumating sina Yelena, at mukhang sabik na sabik makita ako.

"Hi! Where's Ashley nee-san?" tanong ni Yelena, na agad umupo sa sofa.

"Resting," seryosong sagot ni Claire. I can actually see them even though I'm at the second floor and my eyes are closed.

Nakita kong tumango-tango sina Mike at Ace. Alam ko, gustong magtanong ni Yelena tungkol sa room ko, pero nauna na si Mike sa pagsabi ng, "Tour natin si Ashley bukas!"

"Tour? Siguro kabisado na niya ang mga pasikot-sikot dito," sagot ni Yelena, natatawa sa kakulitan ng grupo.

Sa wakas, bumaba ako, nagising na talaga sa ingay ng mga ito. Napansin agad nila ako at biglang natahimik.

"Ang lakas n'yo magbulungan, promise," sabi ko, sinubukang ipahiwatig na naririnig ko lahat ng usapan nila.

Biglang bumaba ang tono ng grupo. "Sorry," paumanhin ni Mike.

"Bakit kayo nandito lahat?" tanong ko, nagtataka sa biglang kumpulan ng mga tao sa dorm.

"Nalaman naming magiging ka-dorm ka namin, kaya pumunta kami," sagot ni Yelena, sabay turo sa iba pang kasama.

Ngumiti ako, at sumandal sa sofa sa tabi ni Shane. Magiging ka-dorm mates ko nga pala sina Kyle, Matthew, Claire, Charles, at Nathan – ang mga Elementals.

Ngumiti si Yelena at sinabing, "Good luck sa tenga mo, Ashley nee-san!"

Pinandilatan ko siya at sinabing, "Good luck kamo sila sa akin. Makakatikim ang maingay!"

~