7-¤ايام الصاعقة¤
♡بقلم~HãNãë♡
لقناص: وديري خدمتك وباركة من هضرة ، را king لي موصي عليها، وها انا مشيت منوصيكش عليها..
خرج مع لباب وهي طفات على لعشاء لي كان عبارة عن لحم بالقوق وجلبانة و شلايض هده ماكلت king خاصو ديما يتعشا مزيان اصلا ديك الفورمة لي عندو خاصها فكل وجبة حولي على قدو ...
حطات ليها فطبسيل في سينيا و شلاضة وكاس دالماء وهي خارجة من كوزينة وهي توقفها نوال
نوال:سعدية فين غادة بهاد شي
سعدية:اوامر من king نهبط لماكلة لهديك لبنت لي فلاكاب
نوال:ممم لمااكلة دوزناها ودوااا علااش!!
سعدية:قالك عندها شي جروح غنداويهم ليها
نوال:(طلعات حجبانها)اهااه كيبالي مبرعينها هنا وعاد كيداويوها ،،علاش مزالين مقتلوها
سعدية:انا معارفة والو كنتبع غير اوامر الالة
نوال:سيري سيري حسابي معاهم هو لخر
نزلات سعدية لاكاب فتحات لباب بساروت ومشات بتجاه لبيت ..
#عند_أماني
بديت كنحل عيني لي تقالين عليا كنفتحهم بزز مكيبغيوش شوية سمعت دوك الحيوانات كيتحركو بزااف عرفت شي حد جاي كنسمع لباب دلبيت تحلات وانا مقادراش حتى نفتح عيني ...
سعدية:ايييه تي نوضي
~هدا صوت مراة ولاكن غليض شكون هده تاني كنحاول نتحرك والو جسمي تقيل وعيااان
شمات ليا وحد الريحة ورشات عليا لماء فوجهي وفيدي عاد بديت كنحل عيني ونتوكض فتحت عيني كتبالي مراة سمراء وباينة مرجلة حيت فرمتها مكلضمة
سعدية: نوضي كولي
اماني:(كتهضر بزز)م قا د ر اش نو ض
هزاتني وجلساتني وبدات كداوي ليا الجرحات لي فوجهي بدون متكلم وانا عيني على صينية دالماكلة وريقي نشف مقادراش نقوليها فيا جوع..
اماني:اااي بشوية كيضروني
مسحات ليا وجهي من دم ودارت ليا دوا ولفاسمات فوق جرح واحد فجنب جبهتي وتاني فوق حاجبي اما باقي يدي ورجلي كولهوم مجرودين ملقات ماداوي فيهم،سالات وحطاتلي بلاطو دلماكلة فوق رجلي...
☆شفت طبسيل وتفاجئة تهلاو فيا لعجب هادا بديت كناكل وكنطلع يدي بزز حيت مرخية بزااف وهي كلسات فوق وحد فوطوي قبالتي كتسناني نكمل انا متسوقتش ليها حيت فيا لموت دجوع وملي شفت لحم بالقوق وجلبانا طحت فيه عميا كنموت على طاجين لحم بالقوق مممم مع طياب لديد بزاااف ساليتو كامل وعاد دزت لشلاضة لحست طباسل كاملين حتى تنفخات ليا لمعدة ...
ملي ساليت شفت فيها: شكرا
ناضت بنفس نضراتهااا هزات لبلاطو وخرجات بدون متهضرتي كانني مكيناش
اماني:(بالغوات) هيييه نتي فين غادة قوليلي شنو باغين مني،،،رجععععي شي حد يفهمني هئ هئ
مجاوباتنيش وكملات طريقها خرجات وسمعت لباب تسد وبقيت فعزلاتي من جديد فهد المكان مقزز نضت بزز كنتكا على الحيوطا دخلت لدوش شفت حالتي فوحد المرايا مهرسة تما لقيت وجهي حالته حالة مدبال وعيني منفوخين بكترة لبكا وكاملة موسخة ومجروحة بففففف خاصني ندوش نحيد هد لوسخ، فتحت لماء لقيت غير لما بارد اووف كيفاش غنقدر ندوش بيهم وحتى حوايجي توسخو اوووف شغندير دابا ...
¤ايام الصاعقة¤
♡بقلم~HãNãë
أنت تقرأ
أيام الصاعقة
Actionقصة مجموع فيهاااكااع دكشي لي كتعشقووو #الاكشن🤩 #المغامرات #العشق_المجنون😍 #والتفرشييييح ومنسيناااش محبوبة الجماهير قصة:#أيام_الصاعقة العشق الاسود بقلم #HãNãë_HaNae ♡ قصة هااادفة تحكي عن بنت في اعماق المراهقة انقلبت حياتها اسفل اعلاهااا بسبب خطأ غ...
