أيام الصاعقة

14

14☆ايام الصاعقة☆
♡بقلم~♡HãNãë HaNae
◆◆عند اماني◆◆
وصلت لدار وتكيت ففراشي زعفانة على هاد لخلى بالي مشطون ولي كيواسيني ويريح عليا هي هند عيطت لبها فالواتساب....
هند:حبيبتي اش طرااا باقي واقف فباب داركم
اماني:معرفتو زمر عصبني حتى من قرايتي مبقيتش كنركز فيهااا بسبابو
هند:قوليها لماماك تشوف شي حل معااك
اماني:اويلي على ماما لا لا مبغيتش ندخلها فهاد تخربيق عارفاها مريضة بطونسيو مبغيت نخلعها خلي مشاكلي نحلهم لراسي دابا لقيتي كنفكر غير كيفااش نتفك من هاد المهووس انا عارفة هاد الاشكال ملي مكيقدروش يوصلو لأي حاجة بغاو كيزيدو يتشبتو بيهااووف شغندير يااا ربي قلبي مقبوض عليااا ...
هند:غير تهنااي اصاحبتي كيبالي ماشي عدواني حتى لدرجة يقدر ياديك الله يحفض

اماني:الله يدير شي تاويل ديال خير وصاافي
قطعت معاها وبقيت كنفكر كي غندير نتفك منووو
◆اصبح يوم جديد واحدات جديدة مشيت لليسي فحال ديما وخرجت كيف العادة لقيتو فنفس البلاصة واقف حتى ردوليه لبال شي بنات معايا بلي ديما كيجي يوقف اونفاس لباب كيشوفو فطوموبيلتو الغالية لي كتير انتبااه معارفينش سبب حيت مقولتها لتا حد من غير هند لي عارفة لي كاين، دازت يوماين والحال هو الحال كنت مجمعة مع هند و لبنات فباب ليسي كيف ديما حتى صدموني بهضرتهم،،،
رانيا: شوفو شوفو البنات ها هو جااا دك بوكوص كيحمق بزين منعرف شكون هد تيتيز
اميرة: واااو زهير هادا !!!!!!!؟؟
هند: :O واش كتعرفيه
اميرة:طبعااا وشكون مكيعرفوش هداك راه زهير الجوهري من اغنى العائلات فالمغرب
رانيا:بصاااح وشكيدير هناااا
اميرة:داكشي فاش لقيتيني مستعجبة شنو جا يدير هنااا
اماني: عاودي لينا كتر عليه
اميرة:ايوا الالة فعمرو 26 عام اعزب ههه وهده هيا المهمة ههه وخا لبنات تابعيناه فحال شتا ولاكن هو شحااال حاسب فراسو مكيديها فحتا وحدة حاسب لبنات فحال شي لعبة ،، ولاكن عندو علاش يتعفر راه زين و العاقة مجموعين فيه هههه وخا عائلتو معروفين بمشاريعهم المشبوهة ولاكن بوووكو ماني...
اماني:ونتي منين عرفتي هاد المعلومات عليه !!!
اميرة:وحد نهار خرجت مع صاحبتي وداتني معاها لوحد ديسكو ديال ناس لكلاس تلاقينا بيه تما كان مع صحابو وشفتو شحال حاسب فراسو،، ولاكن هو معروف دخلي غير للجوجل غيطلعليك معلومات عليه حيت معروفين بشركات ديالهم الناجحة حيت هوما من اكبر رجال اعماال على صعيد العالمي
اماني:(شفت فهند ،وغمزتها)ممم مزيان بناات خاصناانمشيو بااي
توادعت معاهم ومشينا انا وهند كنهضرو عليه...
هند:مسخووووط طلع مشهوور
اماني:مسخووط هداك ماشي مشهوور الله يعطيك شي مصيبة لي يتبلا ليها وينسااني من عليه
هند:(جبدات تيليفونها)بلاتي نشووفو هد خينة ونتعرفو عليه بعدااا
دخلات لنيت وانا قدامها مخرجة عيني فتيليفونها وهي كتقلب على سميتو طلعونا تصاورو و تصارو والديه وشركاتهم...
اماني:شوفي اهند باينين لاباس عليهم ومطرطقين ولاكن واخا هكاااك مكيهمنيش ومدخليش لخاطري..
هند:نااري شحاال زوين اول مرة نشوفو مزياان خصارة عليه داك المخ لي عندو
اماني:(دارت عندها مطلغة حجبانها)شوفو لبنت !!! يااك ما عجبك الزهوانية
هند:وصراحة هو كيتعجب منكروش غير هو غامض وتصرفاتو كتخوف...
بقينا مجمعين عليه حتى عرفنا كاع المعلومات عليه هو ولد شي حد لاباس عليه عندهم اكبر شركات داخل وخارج لبلاد وبصح اسمو زهير مكدبش فالاسم عرفنااا كااع المعلومات لي خاصانااا حتى مليناا و كل واحد مشا لدارو ،،
اصبحنا واصبح الملك لله
اصبحت الايام تتشابه و نفس الروتين خرجت من لباب ليسي وانا عارفة غنلقاه واقف متبعني بعينيه كيف ديمة حافض ليا الوقت لي كنخرج فيه ، بقيت واقفة مع لبنات كنهضرو على امتحانات كنحاول نبيلو بلي ممسوقاش فيه باش يقطع ياسو ويمشي فحالاتو وهي تجي عندنا واحد البنت سميتا كوتر كتقرا معانا صراحة كتجيني تقيلة على القلب وخفيفة وكتفرفر بوحدها وديما كدير شي تصرفات معايا كيعصبوني وحتى هند حدراتني منها حيت كتغير مني.
كوتر: بنااات صديقنا جا عوتاني هههه شفتوه واقف كيف ديما الله اربي على فريمة كتحمق
اميرة:اه بدا كيدخلي الشك فيه الدري كل نهار يجي فهاد وقيتة يبقى حادي الباب ولاكن صراحة مصاب يبقى يجي ديما غير نخضر فيه عويناتي هههه
اماني:شبغيتو بيه خليو زمر يتلاح
اميرة'(بابتسامة)يااك ما غرتي ها ههههه
اماني:نغير سير تلاحي نتي وياااه ماشي ستيل ديالي البيبي
كوتر: لبنااات شنو بالكم نتخاطرو عليه
رانيا: علامن نتخاطرو ههه
كوتر:(جبدات واحد تيكيت) عنتخاطرو بهادي
اميرة:(خداتها منها كتشوف فيها ممتيقاش) ويلي هده تدكرة ديال حفلة جينيفير لوبيز ليكاينة اخر شهر منين دبرتي عليها المسخوطة
اماني:(تفتحو عيني فتيكي)شنوووووو!!!!
رانيا:(شهقاات) هااااه اويلي 5000 درهم للتدكرة منين جاتك ابنت الحرام
كوتر:عطاها ليا وحد منضم الحفلة كنعرفو،
اميرة:ايوا وشنو معمول باش ناخدوها
كوتر:الواعرة فيكم لي غطيحو فشباكها تاخد مني هاد تيكيت ديال حفلة ونجمعو ليها 200درهم لواحد باش تبرع نهار الحفلة شنو قلتو ...

انا غير سمعت جينيفير لوبيز تخلطو عليا لعرارم كنحماااق عليها وكنتمنى نحضر لحفلتها و لاكن معنديش فلوس تيكيت حيت غالي ولاكن غير تفكرت داك المريض ليكيتخاطرو عليه جمعت راسي...
¤ايام الصاعقة¤
♡بقلم~HãNãë HaNae