أيام الصاعقة

26

26-¤ايام الصاعقة¤
♡بقلم~HãNãë♡
بقيت كنشوف فيه بكره وغضب ونضرات كيوصلو الاحاسيس كتر من كلااام كنحاااول نوصلو بلي ضلمك ليااا عمرني ننساااه وعمرك تقدر تكسرني ولا تردني عاهرة بقيت واقفة بلاصتي حتى سمعت صوتها ...
نوال: نتي مازالة واقفة
(ضرت كنشوف فيها)
نوال:ايوا شكتستناي جايين نتمنضرو هنا سيري شديليك شي حد علاه يقبل بيك ههههههه(طلقات وحد ضحكة سوقية وضرباتني بكتفها وزادت كتحلون فالمشية فحال تاتا ، تبعتها بعيني حتى وصلات عند king وباستو من فمو وضارت وراه كدير ليه مساج وكتعوج عليه وتحنا عليه وتضحك اما هو باقي عينو عليا ، وانا ماعارفة مندير ولا فين نمشي بقيت مصمرة بلاصتي كندور فعيني.... وهي تجي عندي وحد سلعفانا طولها طول بريكا دالكارو شعرها محسناه ودايؤة وحد كسوة متعرفها دنعااس متغرفها غووب وجايا كتبان عليا...
بريكا: ايوا الشريفة ماجايينش ندوزو سكانير لناس سيري ورينا حنت يديك king امرك باش تشطحي..
(شفت فيها بحقد وقريب نطير عليهاااا بشي نتفة ونبرد فيها فقصتي)
اماني:سيري ق*** عليااا كابلي شغلك غير نتي اما انا خرجي سوقي وسيري قولي لسيك king ديالك الله يعطيك شي مصيبة فاش تمبلا
شافت فيا ممصدقاش شنو قلت دزت فيها وتميت كنمشا على خاطري طلعت نفس مزيااان وعاود نزلتووو كنحاول منتسوش للعينين لي غياكلو جسدي وانا بديك الكسوة كلها عرياانا ومبينة كاع مفاتني وكنحاول نمشي بخطوات واتقة ، مشيت بتجاه ديجي وهضرت معاه بشوية طلبت منو اغنية شرقية ديال رقص شرقي، لقيت عندو كولشي واجد طلقلي لموسيقى ومشيت لوسط وكنشوف فking بنص عين كيبالي كيكمي سيكار وشاد كاس دشراب فيديه بدات الاغنية بدقة دربوكة وبديت كنتمايل ونشطح خليت العينين مطرطقين فيا ودرقوشهم مفتوح وريوكوم كيسيلو كيسفقو عاجبهم الحال وانا كنتعوج ونمشي ونجي بكل حرفية حيت رقص هوايتي من صغري تولدت كنعرف نشطح وفكل مناسبة كيبقااو يطلبوني العائلة باش نشطح ليهم حتى كيسخسخووني بقيت كنلوز ونهز فخصري وندير حركات بيدي وكولشي مبهوور فيااا وحتى لبنات لي تما كينعتو فيا ويوشوشو فودنين ،ناض واحد لاح عليا باكو دالفلوس وانا كنسرق شي شوفات فking كنلقاه باقي كيشوف فيا عاقد حجبانو ا اما هديك سلعفانا دنوال لي معاه كتبغي تير انتباااهو باش ميشوفش فيا ولاكن مقدراتش مكيديهاش فيها وهي معصبة كتشوف فيا وكتغدد ب.... سلات الاغنية وبداو كيسفقو و كطلبو مني الاعادة كيهتفو ويصفرو باش نعاود شي شطحة وانا دموع قريب ينزلو كنحس براسي عاهرة ديال بصح طلبت منهم نمشي لحمام نقاد ماكياجي باش ميفضحونيش دموعي لي قريب ينزلو مشيت لحمام سديت عليا لباب وطلقت لعنان لنواحي وبكايا...
اماني: والله تا نتاقم منهم ولاد حرام وااحد واااحد
بقيت كنبكي في صمت حتى تفشيت وخرجت كنلقى نوال واقفة كتستناني فالباب. جات جيهتي وشداتني من وجهي
نوال:(معصبة وعينيها خارجين فيا)شوفي يا بنت حرام امتااالك راني كنعرفهم مزياا ولاه وقربتي ليا لking تا نقتلك رانا كنشوفك كي كتشوفي فيه وتحلوني عليه
اماني:(حيدت يدها مني) هداك سيك king محاملاش حتى نكمل فيه شوفا غير طليه على راسك وقولو يتفارق من ساحتي ويرجعني منين جابني و يجمع عليا عينيه لي غياكلوني
نوال: انا حدرتك ومنزيدش معاك لهضرة بعدي منو حسليك
اماني:الى بغيتيني نبعد منو هربيني من هاد ويل
نوال:(سكتات شوية)بغيتيه يقتلنتا بجوج سيري تكمشي وجلسي لهيه انا غنسيفطلك راجل لي غتمشي معاه وغبري عليا من صالة
خرجات وخلانني غير كنشوف تفووو على وجوه الويل كلهم كيطلعو القلب الله ينتاقم منهمبغيت ليهم الهرس ...
مسحت دموعي وقاديت مكياجي وخرجت شفت فواحد سكايري كيميل بوحدو فكرت بلي هدا لي نقدر نقد عليه وقربت لجيهتو كنتعوج ...