أيام الصاعقة

16

16-¤ايام الصاعقة¤
♡بقلم~HãNãë♡
طلق موسيقى هادئة وانا كنبلع فريقي ومعارفا فين عاطيين رااس..
اماني:فين غنمشيو
زهير:فين ما بغيتي مهم تكوني معايا
اماني: ممكن توقف غير هنا بلا منمشيو لكافي
زهير:(دار وحد ابتسامة جانبية)خايفة مني !
اماني:(بتوتر) لا ولاكن مبغيتش نبعد بزاف
زهير:متخافيش مغنبعدوش كاين وحد كافي هادئة مع دورة نكلسو فيه باش نرتاحو
انا غادة و كنعايرو فخاطري فيه وفديك وفكوتر الله يعطيهم غبارة محاملاش نبقا معاه كنحس بيه غامض وفشكل وخا هو زوين فشكلو ولاكن مرتاحيتش معاه و صافي..
وقف قدام وحد كافي وسط لمدينة كبير وراقي بزااف عاد رتاحيت شوية نزل وفتحلي لباب بلباقة ونزلت حتى انا وعاد رتاحيت وترخف عليا قلبي على الاقل هنااا نااس ولا طرات شي حاجة يفكوني منوو دخلنا لريسطو كولشي كيرحب بيه ويسولو فين بغا يجلس بغاو يهزوه فوق راسهم بصواب والاداب باين كيعرفوه،ايوا راه لفلوس هده لي عندو يسوى ،، ولي معندوش يقرم ويسد درقوش ههه
ختار وحد بلاصة مبعدا على ناس جر ليا الكرسي وجلست وهو جلس مقابل معايا جا سيرفور وطلبنا قهوة ...
زهير: الى مرتاحيتيش هنا نمشيو لبلاصة خرا
اماني:(اويلي واش انا حمقة نتزعزع معاه لشي بلاصة خرااا )احم لا لا هنا مزيان
زهير: ليوم فرحان بزااف حيت قبلتي عراضتي
(توترت من نضراتو وحدرت عيني)
زهير: (كيضحك)ههه كتهبليني بتصرفاتك نتي فريدة من نوعك عمرني متلاقيتش شي وحد فحالك بريئة ورقيقة ههه
اماني:(اودي اشمن برئة كن عرفتيني اش درت ) لحد الان باقي معرفتيني مزيان كيفاش عرفتيني فريدة من نوعي وبرئة!!؟ .
زهير:(كيشوف فيا فرحان) تصوري نتي اول وحدة ترفضني
اماني:(عليت حجباتي)
زهير:اي بنت كنتلاقا معاها وكنطلب منها تمشي معايا كتمشي بلا حتا شي إلحاح مني واغلب لبنات هوما لي كيجيو يطلبو مني نرافقهوم
اماني:باينة كتمشي غير بلايص فارغة عليها كيبانولك غير دوك لبنات الله يهديهم
زهير: كنت شكيت واش باقي شي بنت فحالك سخسختيني عاد رضيتي تشربي معايا كقهوة هههه
اماني: اه هده ديرها فبالك غير قهوة وغنمشي ونتا اول واحد نمشي معاه لشي كافي من غيراصدقاء دراسة
زهير:ههه بصح واللهيلا تيقتك باينة صعيبة مع راسك
اماني:بزااف ماشي غير شوية
زهير:هههه
جا سيرفور جاب لينا كافي لي طلبنا شكرناه ومشا، انا كنستنا غير امتا تسالي ديك قهوة باش نمشيو حيت ممرتاحاش معارفاش علاش يمكن من نضراتو لي كتاكل فيا ولا من تصرفاتو ولا يمكن سبب فيا انا ،حيت عمرني معطيت فرصة لشي حد يتقرب مني ...
زهير: معرفتينيش على راسك.؟؟
اماني: راك عارف كولشي ولا غلطت كتقيل تتبعني فحال ضلي
زهير:هههه غيرشوية ماشي بزااف باقي بغيت نعرف منك كتر
اماني: اماني 17عام كيما شفتي كنقرا وعايشة مع ماما وبابا ونتا
زهير:زهير26 عام كنخدم فشركة ديانا وعايش غير بوحدي
اماني:علاش فين عائلتك
زهير: واليديا عائشين بوحدهم وانا كنبغي نعيش بوحدي وخويا لكبير كل مرة وفين عايش حيت كيسافر بزااف على ود الخدمة...
¤ايام الصاعقة¤
♡بقلم~HãNãë♡♡