أيام الصاعقة

25

25-¤ايام العاصفة¤
♡بقلم~HãNãë♡
سديت شرجم ورجعت جلست فوق فراش كناكل دفاري وكنشوف راسي فالمرايا دالماريو لي قبالتي،
اماني:وااش غنقدر نطبق الخطة مع هاد البوديكارد لي مدوربن بالفيلة اش غندير الى منجحاتش الخطة نموووت الى قاسني شي حد نموووت.... ففففففف
مسحت دموع من عيني وهي دخل عليا هديك لبنت اسمها نوال غير شافتني خنزرات ، كطلع وتنزل فيااا بشي شوفاات احتقار، لابسة غوب سواري موف كتبرق طويلة وعندها فتحة لقدام طالعة حتى ما بقا فين عريانة من فوق وضهرا كيبان كامل شعرها مطلوق ودايرة كيلو دالمكياج فحال تعريجة ....وقفات عليا فحال زمان شادة فنصها بيد وحدة وتانية كتكمي بيها كارو وكتخرج دخاان بنشوة ....
نوال:نتي منين خرجتيلي عوتاني
قربات عندي وكتقيس ليا فوجهي
نوال: عاحبك الحال نازلة تق*** نتحت
اماني:معاجبنيش وبغيت نهرب
زولت ليها يدها مني بشوية
اماني: كنتو غيرتفارقو عليا كلكم وترجعوني منين جيت
نوال: نتي لي درتيها راسك وجايا طلبيني نهربك
اماني:مدرت والو غير كيكدبو عليا عفاااك عاونيني
نوال: ماشي شغلي فيك موتي ولا دبري لمخك غير منشوفكش قريبا من king متصوريش فعقلك شنو غندير ليك الى شفتك كدوري بيه سمعتتي
(دخلات علينا سعدية)
سعدية:زيدي king كيسول عليييك بغاكي تنزلي دابا
شداتني سعدية من يدي وخرجنا من لبيت نزلنا فدروج لي وسط صالون كبير كان سكاااات كنسنع غير ضوت قلبي كيدرب و مكنشوف تا حد فين كاينة قصارة!!! ...
خرجاتني من فيلةوانا غير تابعاها وخرجنا لواحد جردة كبيرة ...
اماني:(مخلوعة) فين غاديا بيا
سعدية:سكتي وزيدي
جراتني من يدي وبقات غادة بيا فوحد طريق طريق صغيرة بين شجر وانا كندور فعيني كنحاول نخفض طريق شوية بديت كنسمع صوت موسيقى مجهدة حنا غادين وصوت كيتجهد وكل ما كيعلى صوت كتعلى معاه دقات قلبي وكندعي فخاطري الله يدوز هاد ليلة بيخير ....بداو ضواو كيبانولي ملي قربنا لقيتها فيلةكبيييرة غير دخلتها دهشت كلها كتبرق طلعنا ف تلاتة درجات كبااار ودخلنا مع لباب كبير وانا نفتح فمي هد الفخامة كلها كاينة هنا وااااو على تريات كباااار كيبرقووو و دروج لي قبالتنا كبار ومفرشين بزربية حمرة كتشعل والارض لي مرايا كنشوف فيها راسي دخلنا وانا كنبرقق فعيني للحضة نسيت علاش انا هنا ولاكن ملي دخلنا لصالون لكبير لي على لمين عاد درباتني الفيقة من دهشتي غير دخلت لصالون كولشي دار جيهتي كيشوف فيا كان صالون عصري والاضواء خافتة شوية فحال شي ديسكو فيه فوطوي كبير وطبالي صغار فكل قنت فيهم شراب وشي تخربيق محطوطين ورجال وعيالات ضايرين بيهم شفت فوجوه لي كاينين واحد واحد نسا ورجال يمكن شي عشرين بيهم لابسين مزيان وشي كيكمي وي كيشرب اما لبنات نقدر نقول ملابسين والو كولشي مفضوح لي معري كتر ملي مغطي كيشطحو ناااشطين وفرحانين وكيديرو حركاات اغرااء ،دورت كنقلب بعيني على شخص واحد ولقيتو جالس فكرسي ملكي بوحدو كأنه مالك الجلسة كان لابس قاميجة فكحل مفتوحة من العنق وسروال كحل وسباط برييو ولحيتو كبيرة لي زاتو خشونة وجدية شفت فعينيه لي كيشوفو فيا وحتا انا محشمتش وبقيت كنشوف فيه كأنني كنتحداه بالنضرات....