أيام الصاعقة

33

33-¤ايام الصاعقة¤
♡بقلم~HãNãë♡
شفتو جااي بتخنزيرااتو تقول كيمن علياا ماكلتووو ...
زيد: (بلا ميشوف فياا)شدي
امانء:(شفت فيه) مكانش عليك تعدب راسك عليا
زيد:(مخنزر) زعما مافيكش جوع وهاد الكرش لي كتغني ديالمن... شدي راه يدي عياات
شديت من عندو طبسيل وهو مشا لقنت اخر كياكل ،،كلينا بجوج فجو صامت وانا عقلي غايب عليااا كنفكر كيفااش نقدر نخرج من هاد غابة، بقينا جالسين انا فوق ناموسية وهو فوق وحد الفوطوي صغير سالا لماكبة وبقا كيصاوب وحد الحبل ديال تصلق الجبال وانا كنفكر خاصني ندوش ونبدل ولاكن مقديتش نقوليه حتى هضر هو...
زيد:(نزل الحبل) غدي نخرج نشوف شنو اجواء برا
اماني:(شفت فيه): بلا متخرج غيشوفوك شي حد
زيد:هدا شغلي انا عارف منين ندوز بلا ميشوفني تا حد
اماني:عفااااك مبغيتش يشدونا والله تا يصفيوها لينا خصوصا بيدرو غيكون حلفان فينا بجوج
زيد:(خنزر) غير تهناي وخا يشدوني معنقولش فينك وخا يقتلوني تهنيتي
اماني: اوووف علاش راسك قاسح
زيد:نتي متخرجيش منهنا انا شوية ونرجع (طلع خزج درجات وعاود تلفت ليا)بدلي شي حااجة مستوورة متبقايش لديك الكسوة ..
بغيت مجااوبو ونقولو لبسوهالي بزز ولاكن مسمعنيش وطلع فتح لباب ومشا ...
اماني:ااوووف هدا غيفقضني مكيسمعش الهضرة راسو يابس....
بقيت كالسة كنفقص فراسي ... حااصني نبدل والفرصة جات حيت بوحدي ..
مشيت دغيا لساكادو لي جبت فتحتو وجبدت منو شورت وتيشورت قلبت فلماريو لقيت فوطة وهزيتها فتحت باب لحمام ناااااري صغير بزاااف فيه غير بلاصة دوش اويلي فين غنبدل ..
صافي غندوش دغيا قبل ميجي ونخرج نبدل ومريضنا معندو بااااس
دخلت الحمام سديت عليا وفتحت لما سخون لقيت تما كولشي لي كنحتاح شمبوان جيل دوش ولاكن رجاليين مهم قضيت الغراد ودوشت تفكرت ل king ملي دخلتو لحمام وسديت عليه بساروت خليتو تما كيستنا ليلة حمرة الله يعطيه بوحمرون ههه عيكون تفقص مسكين ههه انا بغيتو يكون قبرو الله يعميها ليه لويت عليا لفوطة وخرجت كنطل من ورا لباب الحمام ملقيت تا حد وخرجت بدلت عليا دغيا وبديت كنشف فشعري وانا نسمع باب القبو كتفتح تخلعت ودرت يدي على قلبي مرتاحيت حتى شفت زيد داخل عاد تنفست،نزل من دروج وشاف فيا شوفة سريعة كيطلع ويهبط شنو لابسة ونزل عينيه..
اماني:مشافك حد
زيد: (لا رد)
كيفقصني هاد زمر عندو الهضرة فحال لي كيخلص عليها لفلوس مديتهاش فيه وبقيت كنشف فشعري مشيت جلست فوق فراش وهو رجع كيصاوب لحبل، قنطت من هاد سكات معرفت مالو معايا كيهضرر بزز، جاني لعطش ومشيت نقلب فالكوزينة على لما مبغيتش نسولو ومشيت نقلب لراسي لقيت لما وبديت كنقلب على لكيسان فتحت وحد بلاكار وانا نلقاهم مستفين بغيت نجبد الكاس وهو يفلتلي من يدي وطاح وتهرس فالارض...
زيد:(بالغوااات) مممكن تجي تريحييييي بلاصتك مالك كطيري
اما:(تجمعو دموع عيني وتعصبت علاش يغوت عليا) شووف هاد المعاملة ديالك معايا معاجبانيش ودابا غنهضر حيييت عييت بغيت نعرف مالك معايا كل شوية تغوت واش مبغيتيش نبقا عندك قولهالي نمشي فحالي وارض الله واسعة كتخبينيش عندك بزز وتبقى تغوت علياااا
زيد:(شاف فيا ) ياك لاباس داخلة فيا طول وعرض سير تكمشي بلاصتك مافيا لي يهضر دابا
اماني:الى مفيك متهضر انا فيا والى محاملش نبقى معاك قولهالي داابا نهز راسي ونغبر من عليك مالك ملي كتشوفني فحال لي كتشوف شي جن غير مخنزر فيا
زيد:(بالغوات)صااافي سكتتتتي صرعتيليا راسي الا بغيتي سيري سيري غير هنيني فمخي
غير سمعتو طاح عليا الضيم وتجمعو دموع فعيني معرفت تا شنو درتلو كل شوية يغوت عليا بلا سبب ...
اماني:وااخا هي لولى
بلا منزيد معاه طلعت فدروج معصبة...