أيام الصاعقة

15

15-¤ايام الصاعقة¤
♡بقلم~HãNãë♡
كوتر:(بتعجرف)ااه كنتحداك
اماني:ايوا وجدي ليا تيكيت احبيبة...
شفت فتجاهو وبغيت نمشي وهي تشدني هند من كتفي...
هند:(معصبة)اماني واش تصطيتي ولا ماالك !!
اماني:(كنشوق جيهتو وكنهضر)غير ستناي متخاتفيش عليا
كملت طريقي غادة بتجاهو متوترة ولاكن كنحاول منبينش بغيت نفقص هديك البرهوشة باش تسد فمها عليا ومتعاودش تستهزء بيااا حيت كرامتي فوق اي شيء.... غادة بتجاهو وقلبي كيضرب بالخلعة واش هد شي لي كندير صحيح ولا كنجبد مصايب على راسي ، اما هو غير شافني جمع لوقفة كيشوف فيا ممصدقش بلي جايا عندو حتى وصلت قدامو..
اماني:(ببرود) سلام
زهير:(بتاسم)نهاركبير هدا لي سلمتي عليا
اماني:مالك كل نهار جاي حتى لهنا تبقى حاضيني كاع ناس ردو ليك لبال!!
زهير:(كيتبسم) حيت نهار شفتك وانا متلوف كنلقى راسي جاي لعندك بلا منحس باش نشوفك
اماني:ايوا وشنو اخرت هاد شي !!!
زهير: بغيت نكون معاك
اماني:كيفاش عاود تكون معايا ياك قتلك انا ماشي من دوك لبنات لي موالف معاهم
زهير: فهمتيني غلاط بغيت غير نتعرف عليك كتر ماشي شي علاقة خايبة
اماني: ممم فهمتك غلاط!!!¿ حتى داك نهار لي جبدتي ليا لفلوس باغي تشريني فهمتك غلاط يااك..
زهير: بغيت نعتادرلك على داك نهار سمحليا مكنتش قاصد نهينك غير هو كل بنت كنتلقاها كتبغي غير.. (سكت)
اماني:مالك سكتي بغيتي تقول بلي لي تلاقيتيهوم كلهوم بنات زنقة وباغين غيرفلوس يااك ايوا لي كيقلب على داك شي كيلقاه وماشي لبنات كولهوم فحال فحال
زهير:الى بغيتي نكلسو فشي كافي ونهضرو على خاطرنا
اماني:سمحلي منقدرش نمشي معاك يالاه بسلامة
مشيت وخليتو باقي واقف مفاهم واالو ،ورجعت عند لبنات وهوما غي كيبرققو فعينيهم...
اميرة:(متلهفة)مسخوطة شنو كنتو كتقولو تما هااا
رانيا:دوي شنو قاليك شفتو كان كيبتاسم عاجبو الحال
اماني:(بانتصار)ايوا لي قالو راه سمعتو ههه كوتر اراي ليا تيكيت
كوتر:(خنزرت)علاش غنعطيك تيكي باقي مشفنا والو بقيتي كتهضري ويجيتي مدرتي والو
اماني:شنو خاصك ندير كتر ياك ما بغيتي نطير عليه بشي بوسة باش تأكدي
كوتر:ايوااا متلا ههه
اماني:كتحلمي احبيبة ويلا قلت ليك عارضني لكافي وانا لي مبغيتش
كوتر:(كتستهزأ)هه عارضك !!!ههه قديمة هده هههه
اماني:الى متيقتينيش ارا تيكي ديال الحفل ونمشي معاه
هند:لا لا نتي حماقيتي مافيهاش
كوتر:هاكي ورينا شطارتك
شديتو منها بنترة
اماني:انا غنوريك ايوا شوفي مزيان عندك دوخي وطلبي ليا الاعادة عاوتاني ،،،(ضرت عند هند لي كتاكل فصبعانها بتوتر)هند سمحيلي بيناتنا واتس اب
رجعت بتجاهو غير بزز هد شي كولو بسباب وجه الويلة ديال كوتر ،شفتو باقي واقف حاديني حتى وقفت عليه
اماني:قبلت بعرضك
زهير:(كيتفلى)اينا عرض
اماني:(خنزرت فيه)صافي نسا
بغيت نمشي وهو يشدني من يدي ولبنات طرطقو عينيهم فينااا..
زهير:ستناي مالك على سبة غير ضاكت معاك
فتح ليا باب طوموبيل فرحان فحال شي دري صغير
ضرت شفت فلبنات حالين فوامهم 180 درجة بتاسمت ليهم بانتصار وركبت وقلبي كيضرب ممرتاحاش نركب معاه ولاكن فضد هديك السلعفانة ندير مستحيل،ركب قدامي وزاد بيا معارفة حتى فين غادين حتى ركبت عاد تنادم معايا لحال شداني ندير عقلي فهاديك الموصيبة ونلوح راسي فهاد جمهنم اشنو اخرتو معااياااا ياا ربي ودوز هاد نهار على خير....
¤ايام الصاعقة¤
♡بقلم~HãNãë♡♡