أيام الصاعقة

84 - 85

histoires_c_s_marocaines
histoires_c_s_marocaines 84-¤ايام الصاعقة¤
★تأليف:HãNãē★
اماني:(بعدت عليه كنمسح فدموعي) سير قبل ميشوفوك عفاااك
زيد:كنوااعدك بلي كولشي غيتصلح (كيقيس فخدي) نتي دياالي وغتكووني ليااا فاقرب وقت باقي عندي شي شغل فالمانيا غير نسااليه غنجي نخطبك من داركم ونعيشو انا ويااك اسعد اياام حيااتنا غنعوضك على كل ما فااات احبيبا متخافيش احيااتي صاافي...كنمووت فيه كنبغييك كنحماااق عليك نتي روحي وعمري منفرط فيك...
حركت راسي بايجاب وبايني من رااسي.. وفتح لباب وطلع لجهت سطح طليت فدروج مابالي حد عاد تنفست ورجعت لبلاصتي كنبكي معرفتش هاد شي فين غيوصلي ولاكن معندي حتى خياار اخر من غيرنتبع قدري لي خاارج ارادتي بغيتوو يكون ليا ونكون ليه ولاكن القدر مبغانااش مع بعضناااا وكل ما كنبغيو نتجمعوو كتفرقناا لياااام ...
☆☆☆☆☆☆☆☆
زيد ملي خرج من عند اماني ركب فطوموبيلتو بتجاه المطار ركل فطيارتو الخاصة وتكككا ...حتى داه النعاس اول مرة ينعس بعد اختطاف اماني ورجعات بيه طائرة لالمانية لمضيفات مشاو عندو باش يعلموع بالوصول لقاوه ناعس بقاو كيتأملو فجمالو وفرمتو وشكله وكل وحدة كتدفع تانية باش هي لي تفيقو حتى فاق راسو على صوت وشوشاتهم لقاوهم كيدافعو وهو ينوض خرج مم طيارة كاان صبااح لقا طوكوبيلتو مباركياا قالمطار ركب فيها ورجع للقصر لقى ربيع خارج من باب لقصر وتقابلو فطوموبيلات وقفو بجوج ونزلو زااج...
ربيع:فين كنتي ازيد فوقااش نااوي تنفد المهمة !!!
زيد:ليووم
ربيع:الله يرضي عليك اولدي موفق
زاد وخلا بااه باقي وااقف معاجبوش تعامل ديال بااه حيت كيمشي غير على مصلاحتو وهو لي ورطهم كاملين مع المجموعة نزل وطلع ديريكت لبيتو كمل نعاااسو باش يقدر ينوض مرتااح وبكامل قواه لمهمة اخطر من الخطر بعينه ..
☆☆☆☆☆☆
اصبحناا واصبح قدرنااا بمشيئة الرحمان...
فقت بكري هاد نهااار ولا نقدر نقوول كااع منعست ليل كولو وبالي مرون مرة نفكر فماما لي مريضة ومرة فبابا لي معدب معاناا ومرة فحالتي ومرة فزيد اووف عقلي غينفااجر نزلت لتحت وطليت فبيت بابا لقيت فراشو خاوي يعني باقي ماجااا من سبيطاار شفت فتيجاه بيت لي ناعس فيه داك الوحش لقيتو مسدود واقيلة باقي ناااعس ضرت باش ندخل للكوزينة وانا نتساطح معاه ،طلعت فيه عيني لقيتو كيهضر فتيليفونو وكيشوف فيااا،وانا نبعد عليه وتجاوزتو ودخلت للكوزينة ...
اking: ممممم خبر ممتازة على صباح ادن رجع هههه مزيااان غيكون عمي فرح هههه ...خليه يشد عليا لخدمة شوية تا انا عندي ميداار بغيت نشد كونجي هاد الايام ههههه.. الى كاين شي جديد علمني..
قطع الخط ومشا بتجاه اماني وقاس فشعرها...

;اking: صباح الخير
اماني:طلق يدك مني صبااح هدااا
اking:علااش كتبكي لياا هاد عويناات زوينين شوفي كي رديتهم منفوخين وحومر اماني:بسبابك الوحش بكيتي ليااا حيااتي ماشي غير عيني
اking:(شدلي وجهي بيدو) الف مرة كنقول لييك تعااملي معاايا فحاال ناااس وهضري مقااادة باش منتقلبش علييك ونولي قبيييح
اماني:ااااي طلق مني ،، بغيتي نستقبلك بالاحضاان هااا ونتااا دمرتي لياااا حيااتي كيف بغيتيني نتعاامل معااك ... اking:اااخر مرة نسمع هاد الهضرة ولا هاد الداار عتحرق فوق راس واليديييك(بالغواات) كتسمعي...
خفت وسكت وخااا نعيااا نخبي خوفي منو ونحااول نتحدااه منقدرش عليه هو اقوى مني ويقدر يدير اي حااجة باش يااخد لي بغااا ، املي فالله باش يفاارقو من عليااا ، شربت كاااس دالماء وطلعت لبيتي بدلت عليااا سروال جينز وتيشورت وهزيت صاكي ونزلت لقيتو كيشرب كااس دالعصير متكي على الحيط شافني وهو ينزل الكاس فوق طبلة.
اking: فين غادة بسلامة اماني:عند ماما واش عندك شي مانيع!!!
اking: يااك ماا سحابليك غير جبتك لداركم راكي ساايبة وتقدري ديري لي بغيتي اخر مرة تخرجي بلا شوااري ولا رااكي عارفااني نقدر نغبرك من دااااابا ونديك لبلاصة لي ميعرفوك فيها لا ميتة لا حية..
اماني: صاافي هاد الهضرة فهمتهااا ممكن نمشيو داابااا فتح باب الدار وخرجنااا هو لول وانا موراه كيبالي غير نقتلو ونهني العالم منووو يااخ كنكرهووو ركبنا فطوموبيلتو وزاد بيناا فصمت وانا بالي كولو مع ماما حتى وصلنااا للسبيطار نزلت ودخلت بالخف طلعت فدروج بغيت غير امتااا نشوفهااا ونعنقهااا توحشتاااا بزاااف ، فتحت باب بيتها لقيتها ناعسة ومهدودة وقدامها بابا كيقاد ليها ليزار ويغطيهااا غير شفتها مشيت كنجري عندهااا وتحنيت على يديهااا كنبوس فيهااا وهي غير شافتني بدات كتبكي وانا كنحااول نسطانع الضحكة باش متدهورش حالتهااا.
اماني:ماما حبيبتي متبكيش هانا قداامك الحمد لله ما فيااا واالو متبكيش عفاااك
سناء:حبيبتي على سلامتك نحمد الله ونشكرو لي نتي بيخير ورجعتيليااا اقلبي..
محمد: ملي فاقت وعاودت بيها بلي جيتي متيقااتش كل دقيقة تسول عليك واش جيتي سحبليها غير كنكدب عليها باش تهدن هههه
سناء:حمد لله حمدتك ياا ربي وشكرتك
اماني: متخافيش من ليوم عمرك تقلقي عليااا الكابوس لي كناا عايشينوو سالا صاافي غنعيشو كيف لول
شوية تفتح لباب ودخل هداك الوحش داير ابتسامة ديال براءة
محمد:ولدي مالك صباح الخير غير سمحلينااا معدبينك معاانا وفقتي بكري على ودنااا
سناء:(دارت كتشوف فبابا)واش هدا هو لي جااب اماني
محمد:هو هدااا مسكين تمحن معااناا الله يعطيه ما نوا فخاطرو
اking:على سلامتك الالة سناء.. هداا وااجب واي واحد بلاصتي غيدير هكاا
شفت بحقد ودورت وجهي محااملاش نشوفو كيكدب على واليديااا مكيحشمش
سناء:الله يرضي عليك اولدي يخليلك ما عز عليك وربي يحفضك ويحفض حبابك من كل شر هاد الخير لي درتيه فينا عمرني ننساهلك رجعتي ليا بنتي فحال لي رجعتي ليا حيااتي
اking: امين الالة كيف بقيتي شوية
اماني:ماما كيف كتحسي داابا شوية
سناء: حمد لله ابنتي ملي شفتك براو جروحي ولقيت دواايا
اماني::لهلا يخطيك عليناااا اعمارت داارنااا بغيتك غير نبرااي وترجعي كيف لول
اking: انا كنستأدن منكم غدي نمشي نشد لوطيل حيت عندي ميداار
محمد:الله اولدي علااش واش مرتاحيتيش فدارناا !!
سناء:اه اولدي بقا عندنااا فداار حتى تقدي شغاالك عاد سافر فين بغيتي
اking: لا غير سمحولي ضروري منشد اوطيل حيت بااقي غنبقى هناا شي يوماين خرا عاد غنسافر ولاكن غتسوفوني بزااف هاد فترة ...
محمد:(شاف فاماني لي حنات عينيها)مرحبا اولدي دارك فاي وقت بغيتي تجي مرحباا بيك..
سناء:الله يرضي عليك اولدي الله يحيد من طرقك شووك ...
اking:امين الله يشاافيك ويزيد فراحتك... (شاف فاماني) مدموزيل اماني ممكن وحد دقيقة...(شافت فباها متوترة حتى ضار عند سناءكيهضر معاها عاد خرجات وخرج اking موراها.. وقفات مع جنب الحيط مخنزرة حتى سد لباب وقرب عندها...
اking:غدي نمشي نشوف شغالي ونتي غتخرجي من كلينيك تمشي ديربكت لداركم وياا ويلك وخرجتتي بلا متعلميني سمعتتي(غمضات عينيها بنفاد صبر وهو يمد ليها تيليلون جديد اخر مكاين..)هدااا فيه رقم جديد ونمرتي كاينة تمااا اي حاجة خصااتك تاصلي بيا وملي نتاصل بيك انااا جااوبي فالحين سمعتتي(شدات من عندو تيليفون بلا متزيد معاه وحركات رايسهابموافقة )يالاه اراي شي بوسة(خنزرات فيه)
اماني:الى ساليتي المهزلة ديالك سير لشغالك بغيت نمشي عند ماما..
اking: دوزتها ليك هاد مرة (غمزها) كنسالهالك مشات دخلات لشومبر فين واليدها وهو ابتاسم ابتسامة جانبية ومشا... اماني:(دخلات عند ماماها وعنقاتها)مااااماااااا توحشتك اعز نااس سناء:متصوريش شحاال توحشتك كول نهار كان كيفوت عليا وانا كنمزوت فغيابك واش صاافي دابا دك العصابة الملعونة مبقاتش غتخطفط عرفتي وخطفووك هاد لمرة غنمشي فيهااا...(دموعو عينيها وهي تمسحهملا) اماني:متخاافيش احيااتي عرفوو بلي مدرت واالو وطلقوني مبقيش غيبعدوني عليكم.