أيام الصاعقة

34

34-¤ايام الصاعقة¤
♡بقلم~HãNãë♡
طلعت فدروج معصبة دنيا كتبالي كحالت فعينيا والامل لي كان باقيلي ضاااع مني، عليت داك لباب بالخبيط وطلعت خرجت من باب الكوخ خايفة وفنفس الوقت مراضياش يتجمل عليا بمساعدة ديالو شفت ورايا الى تنادم معاه لحال و جاي يرجعني مباليش ادن مجاش باين تهنا مني وكان على سبة ....
نزلات جوج دمعات من عيني وتمشيت فالغابة بعدما كنت لقيت شي امل لي ينقدني ويحميني دابا تلاشا كولشي ورجعت من زيرو ،، بعدت على لبلاصة الكوخ وانا مدمرة وقلبي ضارني مالو معايا ؟؟ وعلاش كيتعامل معايا بزز؟ واش تنادم معاه الحال حيت نقدني؟؟؟؟ ااااخ ياااربي وعاااوني مبقاالي حد من غيرك ....

☆عند زيد...
كالس فوق الفوطوي شاد فراسو وضرب ففوطوي بجهد تنادم معاه الحال وحس براسو تسرع ملي قال ليها سيري وهو مقاصدهاش ...هكا طبعو مع لبنات اولا تقدرو تقولو هكا رجع طبعو عصبي ومكيحملش حس لبنات من نهار جات عندو خطيبت صاحبو مروان اعز واحد على قلبو كيحسبو فحال خوه وكتر رمات راسها عليه وبغات تغويه باش دير علاقة معاه بحجت كتبغيه ومكتبغيش صاحبو صرفقها وغوت عليها ومبغا يقول والو لصاحبو باش ميجرحوش ولاكن هي كانت ادكى منو وبغات تنتافم منو حيت رفضها حتى لوحد نهار جات عندو لدارو حوايجها كلهم مقطعين وسدات لباب ودخلات كتغوت وتندب وهو مفاهم واالو شوية جا صاحبو وحل عليهم لباب لقاها هكاك كتغوت وقاتلو بلي بغا يغتاصبها ومن شحال وهو كيغويها صاحبو تصدم فيه وناض صداع ليناتهم وخا كيحاول يفهمو ويشرح ليه متيقووش وتيق خطيبتو ومشا وخلاه مبقااش كيهضر معااع بعد عشرة طويل وصحبة من طفولة من تما وهو محاملش لبنات وكيحسبهم كاملين غدارات ...ولاكن وملي تصاطح مع اماني فالغابة وشافها شحال زوينة وجدباتو من اول نضرة تعصب حيت مخاصوش يتعجب بشي بنت ولاكن ملي شفهاا فديك الحالة شفق عليها و بغا يعاونها وملي هربات معرفش علاش تبعها وشاف دوك حيوانات كيتعرضو ليها تعصب و مشا ليهم بلا ميفكر ودافع عليها كانها كتخصو وداها معاه للمكان ديالو سيري لي حتى حد مكيعرفو غيرو بوحدو تصرف معاها خايب ملي عرفا متورطة مع هاد العصابة سحابليه شي عاهرة ديالهم ولاخداموطة معاهم من لباسهاا المعري ليزاد اكدلو شكو و كل مكان كيشوف فيها كيحاول يتجاهل داك احساس ديال اعجاااب لي حلف عليه وقرر ميبغي حتى شي بنت لمرأة ولاكن ملي مشات حاس براسو دار معاها خايب وندم وخاف عليها ليلقاوها دوك الرجال ....
ناااض من بلاصتووو خايف عليها وخرج كيجري باش يقلب عليها زيد:(معصب)مكانش عليا نخليها تخرج وهي فأكبر خطر.....

★★ عند اماني
بقيت ماشية فالغابة المنحوسة معارفة راسي تا شمن جهة غاديا خليت رجلي يديوني لمصيري ودموعي كيسيلو بوحدهم حاسة بالوحدة والقهرة والضلم لي جااا كيمسح فياا رجليه حيت اناا بنت مطنقدرش نداافع على رااسي ..ززتوحشت ماما وبابا وحنيتهم معرفت اشمن دنب درت فحيااتي حتى وصلني لهناا...
هي باقي كتفكر حتى كتسمع صوت لماء مشاات بتجاه صوت وهي تلقا نهر كبير غسلات وجهها وشربات وجلسات فوق وحد الحجرة عينها مستقرة فوحد البلاصة وعقلها غايب كتفكر كييييف دير تخرج منهنا بقااات شحاااب جالسة تما كتفكر تلوح راسها فهاد النهر وتهنا
اماني:(دربات على فخاضها)منقدرش نستحمل راسي مغتاصبا نموت ومنخلي تا حد يقيسني
هي باقي كتهضر مع راسها فحال شي حمقة وهي تسمع صوتو...
زيد:متحركيش
اماني:(ضرت عندو مخنزرة) سير منين جيتي علاش تابعني ياك رتاحيتي بلا بيا
زيد:(عرقان ومخلوع وكيشوف ف رجلها) متحركيش شوفي فيا ومتحركيش
اماني:(مالو هدا نزلت عيني لتحت فين كيشوف وهوما يتوسعو لفعة كبيرة قدامي) ه ه ه ه
زيد:شووووووو متحركيش الى تحركتي غتعضك تبتي وباركة من تفرفير غمضي عنيك انا غنحيدها
اماني:(غمضت عيني وانا ميتا بالخلعة مقادراش تا نطلع نفس ولا نتحرك) ه ه ه
بقا كيقرب بشوية وشاد وحد عكاز طويل وديك لعفة شافتو وبدات كدير وحد صوت غريب وانا قريب نسخف كنحس براسي كنترخا وكندوخ،مبقيتش كنتحكم فجسمي وستسلمت بقيت كنميل بشوية وهو يتكي على لفعة بالعكاز حتى غبت....
**
سخفات وشدها بيد وحدة باش مطيحش على الحجرة ويد تانية شاد بيها عكاز لي تاكي على لفعة ...
زيد: (العرق نازل منو)اماااني ماشي وقت تسخفي فيقي اووووف هاد لبنااات فيهم غااا مشااكيل ببببببف.....