أيام الصاعقة

11

11-¤ايام الصاعقة¤
♡بقلم~HãNãë♡
وقف الطاكسي وجريت معايا هند وطلعنا وحنا فرحانين حتى وقفنا قدام لمول وخلصناه ونزلناا..
هند:يااي شوبينننg هههه
اماني:امنيتي شي كاارط كيشي مطرطقة عمرني نحبس شوبينg هههه كيفوج علياااا واخا نكوون معصبة ههه
هند:(شادين فبعضهم وغادين) زعمااا مكنعرفكش نتي فحاال كنبقى نستنا اول شهر بجي باش ناخد المصروف من عند ماما هههه
اماني:اودي ربي كريم نقضيو بلي عندنا حتى يحن الله ونتوضفو فشي بووسط مطرطق ودك سااعة اراالك لشوبينg وماركااات يا ساالام ههعه
.،دخلنا للمول وبدينا بالحوايج دليمارك كنخضرو فعويناتنااا والشوق كيباان منهم كيبرييو حتى طااابو رجلينااا ووقفنا قدام وحد محاال دنساء ورجال .
اماني:شوفي بااختي هاد كسيوة كتحمق
هند:(نباهرات) وااااالو كتحمق مع لونها فوشيااا ومنبتة بالحجر فجهت صدر جاات وااعرة (ضارت عندها) امااني قيصيهااا ..
اماني:(نزلاتها من يديها دغيااا)شنووووو!!! تسطيتي شوفتي تمن ولا مشتيهش راه ساوية2000 درهم منين غنجيبها كضحكي عليااا
هند:واا زبلة ومقتلكش شريهااا غاااا قيصيهااا نشوفها عليك مع لاطاي لي عندك غتجيك كتهبل
اماني:(شافت فالكسوة وعينيها برقووو) معرفتش زعمااا ميقولو واالو موضفين لي هنااا !!
هند:اش غيقوولو شكون عرفنااا لي هضر معانا نقولوليه معجباتكش ونخرجوو فحاالنا ضربي بيها شي تصيورات وصافي هههه
اماني:هههه ويلي مغامرات عاوتااني زيدي زيدي شي نهار غتخرجي عليااا وغنخرج عليك هههه
شدات الكسوة بين يديها كتلمس ملمسها نااعم واحجاارها باين فيهم غااليين ودخلات كتقيصها مع لمرايا وهند كتستناها برا غادة جايا، واماني حاضية مع الكسوة عندك تقطع ليها وتولي فشوهة مع ناااس كتحاول تسد ليها لخيوط من ضهرها وكتشوف فمراياا باش يبانو ليها لخيوط رجعات لور شوية وهي تعتر فصاكها لي منزل فالارض وتعكل ليها رجلها وطاحت لور جات كالسة فالارض على برااا مع بلاصة لي كيقيصو فيها مضرقة غا برواق جات منشورة على برااا وكولشي كيشوف فيها وهند شافتها وشدات ففمها شادة ضحكة حتى حسات بامااني غطرقط بالحشمة وكتغطي فخاضها لي مفيهم ميتغطاو حيت لكسوة قصيرة ومبينة كاااع مفاتنهاا الجدابة عاد جمعاات راسها وناضت من ارض وعاود دخلات وغطات عليها رواق كاافرة....
اماني:تفووووووو علياااا خليت كااع ناااس تفرجو ففخادي اش داااااني ياااخ
حيدات عليها ديك الكسوة بالزعاف وخرجات عند هند لقاتها باقي كتضحك بشوية ..
اماني:ضحكي ضحكي جااات معاااك انا مغددة ونتي كضحكي ولاكن سهمي اناااا لي سمعت كلامك كي شي هبلة وخليت كااع نااس تفرجو ففخاضي
هند:ههههههه مااالك موقع وااالو جااتك كتحمق والله ههههه نااري على فريمة باانت فيك دياال لي مالكاان ههععع
اماني:سكتي قبل منضربك بهاد صااك تفو عليك
شدات فيها هند من يديها ومشاو بتجاه لباب بغاو يخرجو من محاال حتى تعرض ليها وحد دري طويل وبيض وشعرو زعر شوية ولابس عليه تيشورت فزيتي وجنز بارد وقف قبالتهم قاطع عليهم طريق...
دري:(كيبتاسم وحاط يجو فجيبو)كوكو صافا
هند:كوكو بانتلك ديك رومي انا اش هاد وقااحة
اماني:كتعرفني اخوويا!!!
دري:وي عاد شفتك ملي طحتي على...(سكت شاد ضحكة) صراحة عحبتيني وبغيت نمرتك
اماني:(باستهزاء) اووه سيبااا فغي على وقاحة هده
هند:نعااام !!!شنو بغيتي
دري:(ضار شاف فهند) مهضرتش معاا حضرتك كلامي موجه لصاحبتك(عاود ضار عند اماني) بغيت نمرتك مالي اش طلبت !!! بغيت نتعرف عليك ازوينة
اماني:(مربعة يديها) وعلااش بسلامة !!
دري:عجبتيني وبغيت نتلاقااالو
اماني:شوف اشريف اناا ماشي دياال مصاحبة غير سير بعد من طريق خليني نوقرك حسن لك
شدات فهند وزااادت معصبة غادة وكتنكر
اماني:تفوووو هااا لبشار كاملين شاافوني عرياانة حتى هاد متخلف تفوووو.
هند:ههههه اويلي شمن عرياانة كانو باينين غااا فخيضاتك (شافت فها اماني معصبة) وشوية من صدرك صافي هعع
اماني:مناااقص من هاد الويل دالموول زيدي نتغداااو فيااا جووع
خرجو على برااا باش يشدو طاكسي
هند:(ضارت وراها)عرفتي دك دري بااقي تاابعنااا
اماني:(ضارت لقااتو واقف قدام وحد فيراري بيضة اخر مكاين) خليه حتى يمل ويغبر عليااا خزيت على لسقة
شيرو لطاكسي وركبو قالولو يديهم لريسطو لي بغاو وهند ضارت شافت دك طوموبيل لي كان متكي عليها دك دري تابعاهم
هند:ياااخ على لسقة باقي تابعنااا شوفي(ضارت امااني لقاتو تابعهم) شفتي على حديدة عندو مسخوط باين بوكو حبة
اماني:الله يعطيه حبة فالمناطق الحساسة تلقاه غيرشي شوفير جاي يبان علينا و حتى ويلا كانت ديالو يعطينا غا تيقار...
هند:زعمااا زوين مابيهش
(خنزرات فيها امااني عاد جمعات راسها)
اماني:الى عجبك سيري عندو
سدات على فمها زعما هانا ساكتة ...

وصلنا الطاكسي لريسطو وخلصاناه ونزلنا دخلنا كنضحكو انا وهند ودخلناا لداخل وحد جهة مكالميا و جلسنا فوحد الطبلة كطل على لبحر و طلبنا الغدا لي عبارة عن حووت وشلايض وبايلا وعصير مهم مخلينا مطلبنا تغدينا حتى شبعنا حيت هدا اول شهر كيتهلا فيا الواليد الله يخليه ليا...