أيام الصاعقة

17

17-¤ايام الصاعقة¤
♡بقلم~HãNãë♡
زهير:واليديا عايشين بوحدهم وانا كنبغي نعيش بوحدي وخويا لكبير مامستقر فتاشي بلاد كل مرة وفين على حساب لخدمة مرة مرة كيجي يشوفني،ونتي غيربوحدك عند واليديك!!
اماني:(تنهدت) اااه ...غير انا تمنيت يكونو عندي خوتي ولاكن مجابش الله من غيري،
زهير: ممم هده هيا دنيا تا حد ملقاها كيف بغااها....(بقى كيشوف بشي نضرات مفهمتهمش وفنفس الوقت كيبتاسم)
اماني:ماالك علتش كدير فياا دوك شووفاات !!!
زهير:بغيت نسولك ومقديتش
اماني:سول الى قدرت نجااوب غنجااوب عادي
زهير: اماااني عندك شي حد فحياتك !!!
اماني:تيقني الى قتليك لا...
زهير:(ابتاسم وشرب القهوة) تيقتك ههه ولاكن واش معمرك بغيتي شي حد عنداك تكووني بلا قلب ههه
اماني:عمرو شي حد مسولني هاد سؤال ولاكن غنجاوبك نتااا انا عمري مبغيت شي حد بجدية كنت فصغر وفالمراهقة كنتعجب بشي حد ولاكن ملي كبرت عرفت بلي غير سطية دصغر وصافي
زهير:مممم مزياان اجي بعدااا
بغيت نسولك علاش كانو لبنات لي معاك كيجيو عندي ملي كنت واقف هااا ههه
اماني:(توترت) راه قلت ليك ناس ردوليك لبال ومع لبنات فضوليات بغاو يعرفو سبب علاش كتجي توقف كل نهار تما
زهير:مممم (وما براسو وهو كيبتاسم حتى وترني)
اماني:(شفت فساعة)مشا لحال خاصني نرجع لدار
زهير: باقي لحال زيدي غير شوية ونوصلك
اماني:لا منقدرش نخليك توصلني انا نشد طاكسي
زهير:(ناض وشدني من يدي) غنخليك تمشي ولاكن عطيني نمرتك
اماني: لا سمحليا مكنعطيش نمرتي لشي حد غريب
زهير:اااه راسك شحال قاسح، وشدي بعدا كارت فيزيت ديالي فيها نمرتي نتمنى تصونيلي باش منبقاش غريب(غمزني)
اماني:(شديتها) اوكي ان شاء الله بسلامة
زهير:فرصة سعيدة (كتجنني هاد لبنت ببرائتها وعفوتها عمرني شفت شي وحدة فحالها اااخ غندير لي فجهدي باش ترجع ديالي)
ودعتو ومشيت حمدت الله لي داز كولشي بيخير عكس لي كنت متوقعة الكواارت تقدر توقع اوففف
شديت طاكسي وركبت طريق كولا وانا كنشوف فتيكي ديال الحفلة وفرحانا حيت غدي نحضر لحفلة جينيفر لوبيز ووووواااو.... خاصني دابا غير ندبر شي خطة باش يخليوني دارنا نمشي يااااس .. وصلت لدار طلعت لليتي دغيا وعيطت على هند مخلات فيا طاسيلة حيت مبغاتش علاش نمشي معاه ولاكن هانت على ود نفقص ديك بنت الحرام ديال كوتر الله يتبعها لبلا..ا
اماني:وصااافي اهنداااتي موقع واالو قتلك شربنااا كاافي وجينااا
هند:بنت حراام الى حاطلك فيها شي مصيبة كدوخ ولا كتنعس ويلعب بيك كيف ما بغاا هاااا
اماني:زدتي فيييه اهندااا راه قتليك كلسنا فكاافي وسط ناااس وسيرفورات غادين جايين
هند:اوووف ياا ربي ورد لهاد البنت عقلهااا متبقاايش تخااطري اماني
اماني:صاافي حبيبة دياالي عارفاك خايفه عليااا متخاافيش مرة خرااا منعاودهااش
اصبح يوم جديد يخبئ سواد لياليه.... مشيت لقرايتي،تلاقيت بالبنات كل وحد وشمن سؤال كطرح عليا يسحبليهم منعرف شنو درت مع زهير وانا نصف ساعة مفتاش معاه ودك العوجة دكوتر غير كتبرقف فعينيها ملقات متقول كل وحد جبدات 200درهم باش تعطيهالي ولاكن رفضت مبغيتش خليت غير تيكيت اصلا كنحس براسي رخيصة ملي شديتوو تفوو كولشي بسباب ديك سلكوطة.
كملت ساعات لقرايا و خرجت لباب كنقلب بعيني على زهير مبانش ليا رتاحيت حسن مافيا لي يشوفو شديت فهند ومشينا فالطريق كنهضرو وكنعاود ليها على لبارج وهوما يتبعونا وحد جوج كيتبسلو علينا ،،
دري1:زين منتعارفوش
دري2: وا بو عوينات واهيا للمعفرتعفر بشوية ههه
درت عندو معصبة
اماني: مبقيتو كتحتارمو حتى حد فهاد لبلاد سير قلبو علينا اييخ
دري1: واي واي على قبيحة ههه هضايضا ماشي فحالهم ههههه غير بشوية علينا راحنا غير سيليباطير
قرب عندي وبغا يقيس فخدي وانا نصرفقو، شاف فيا معصب، علا يدو عليا وانا نغمض عيني كنستنا تصرفيقا حتى كنشوفو جا طايح فالارض درت نشوف شكون ضربو كنلقى زهير شانق على لاخر شوية كنشوف شي بوديكارد نزلو من طوموبيلات وجاو عطاوهوم سلخة لهدوك لي تبسلو علينا ...انا وهند بقينا غير كنشوفو حالين فمنا فحاا شي فيلم هيندي...
زهير:واش توما بخير
اماني:هااا... اااه اه بيخير
هند:شكرا نقدتونا من هادو معرفنا اش بغاو مننا
زهير:معندكوم علاش تشكروني هدا واجب زيدو نوصلكوم معايا
اماني:(شفت فهند)لا شكرا غير خلينا
زهير:لا متمشيوش بوحدكم فهاد الطريق كتكون خاوية سمعيلي غير هاد المرة وزيدو نوصلكم
شفنا فبعضنا انا وهند ووافقنا يوصلنا تعجبنااا فيه علاش كيتبعنااا وكيدير هاد شي كولو عليااا ولاكن شي حاجة فيااا رتاحت ليه خصوصا فاش نقدنا دازت المدة من داك نهار وعلاقتي بيه بدات كتحسن ولاكن علاقتنا مواضحاش حتى لوحد نهار لمنحوس اي غتبدا فيه كااع مشاكيلي..
♡بقلم~HãNãë♡♡