أيام الصاعقة

18

18-¤ايام الصاعقة¤
♡بقلم~HãNãë♡

زهير بقى كيجي عندي لليسي حتى كسب تقتنا انا وهند وحد نهار جا مورايا للجامعة وبغاني نخرج معاه ومع انني بديت كنحسبو صديق بتعامل لمزياان ولباقة لي كيتعامل معايا بيها وافقت نخرج معاه ضويرة عقل صغر ومايدير ،شفتو جا بطوموبيلتو وطلعت معاه ولاكن مستقبلنيش بالابتسامة كيف ديمااا حسيت بيه ماشي هو هداك قلت يمكن مقلق من خدمة ولا بشي حاجة بقينا غادين في طريق كنشوف تصرفاتو ماشي هوما هدوك وكيمشي فطريق ممتحكمش فراسو وغير سااكت شوية وقف جنب طريق معرفت ماالو واخا كنسولو مالك ميقول واالو وحدة شوية جبد وحد البلاستيكة صغيرة فيها شي بودرة بيضة سطرها فوق تيليفونو وبدا كيشمها تصدمت اويلي ياك ما هده كوكايين هكا كنشوفهوم فالافلام كيديروها بقيت غير كنشوف فيه مبرققا عيني وزاد كملها قاليا واش تا انا بغيت نشم هنا تشوكيت المسخوط مدمن وبغا يرجعني مدمنة الله يتبعو لبلا طلعات معايا سخاانة ومحملتش راسي فهداك الوضع كالسة مع مدمن وكتر من مرة ركبت معااه وصلنا انا وهند مقدرتش ننزل حيت كلنت دنيا خاويةوستنيت حتى نوقفو فشي بلاصة عامرة ونهرب بقيت على اعصابي حادياه كيسوق بطريقة ماشي طبيعية وكيجري بسرعة وانا يدي على قلبي بالخوف وكندعي نالله نوصل على خير بقا غادي فالطريق حتى وقف بينا قدام وحد جردة وفرانا بجهد حتى تهزييت...
اماني:زهييي ماالك اش هاد الحالة داير
زهير: (متسوقش لكلامي وبدا كيضحك بوحدو)هههه كتشوفي هاد البنات لي دايزين كولهوم فحال فحال ههههه قح***ت وسلاكط ههه (دار عندي)زعما نتي ماشي منهم
اماني:شكتقول ازهير نتا ماشي فوعيك ولاكن منسمحش ليك تهيني
زهير:تا نتي على قبل تيكيةديال حفلة راهنتي عليا وقبلتي تخرجي معايا ادن تا نتي فحالهم
تشوكيا من هضرتو وبقيت مصدومة معارفة ما نقوول ...اويييلي شكون قالها ليه
زهير:بقيتي ساااكتة ادن بصح راهنتي عليا وقبلتي تكوني معاايا غير على طمع ادن نتي ق****.
قرب عندي وجبدني وبغا يبوسني بزز وانا نصرفقو
اماني:حيوان اخر مرة نبغي نشوف كمارتك
فتحت لباب دطوموبيل و نزلت كنجري ودموع فعيني ولاكن انا لي درتها راسي نستاهل لي كيوقعلي اناا لي قبلت ندخل فالرهاان وتبرهيشي خرج علياااا ، شديت طاكسي دغيا ومشيت لدارنا كنبكي طلعت لبيتي وبقيت تما حابسة راسي كيجيو عندي ماما وبابا يطمنو عليا كنقوليهم غير مريضة ... داز الحد مخرجتش من دار غير حابسة راسي فبيتي وكنفكر فلي طرا وكيفاش زهير عرف بقضية تيكي عيطت لهند عاودت ليها كولشي تا هي تعجباات وتصدمات من هاد شي ونصحاتني منبقاش نشوفو...
دازو الايام دغيا ومن داك نهار مشفت زهير ولا صونالي فطيلي حسن مبقيتش حاملاه وحتى راسي مبقيت حاملاه كنحس بدنب فلي درتوو يمكن بصح انا مشيت معاه على ود الطمع فالحفلة ولا يمكن درت هكاك غير ضد فكوتر وباااش نبين ليها بلي عندي قيمة اووف راسي داااخ عليااا مبقيتش عارفة باش كنحس...
نهار الحفلة قرب ومرة مرة كنمشي نطل على تيكي دالحفلة لي فصااكي هصاارة مغنمشيش ومغنشوفش حبيبتي حينفر...
وصل نهار الجمعة وغواني شيطااااان ...
اماني:شوف داابا هاد تيكي كيفسد دابا لي عطاه الله عطاااه ودرت دنب عليها غتمشي للحفلة ومن بعد نتووب وعمرني منراهن على شي حد هده وتوبااا
كدبت على ماما الله يسمح ليا قلتلها بلي غادة مع هند وخواتها للحفلة وهوما لي خلصو عليا تيكيت وغيوصلنا خوها لكبير مسكينة تاقت بيا ،،فرحت بزاااف وخا ضميري كيأنبني حيت كدبت عليها ولاكن عارفاها مغتقبلش نمشي الى عرفاتني غادة بوحدي ،،وصل نهار سبت والنهار كولو وانا نوجد ما نلبس ونقاد فراسي ، لبست شورت جينز مع تيشورت كري مع كويرة فالبيض قاديت شعري وطلقتو درت ماكياج خفيف غير ماسكرة و ايلاينر رقيق و بيبي كريم خفيف و جلوس غوز شفت راسي فلمرايا طلعت تيتيزة وصلات 6دالعشية ودعت ماما قلت ليها بلي غندوز على هند باش نمشيو للحفة حيت غتبدا مع 6:30 وخرجت ممرتاحاش فنفسيتي معرفتش علاش يمكن حيت كدبت عليهم ولا حيت ضميرة ميأنبني على زهير ،شديت طاكسي لمكان الحفل متحمسة خاصني غير امتا نوصل شوية طاكسي لي غادة فيه وقف اونبان خسرليه و نزل شيفور كيشوف شنو لي خسر،، بقا كيخربق فيه شحال وانا نزل عندو قتليه بلي مزروبة وبغا نمشي ومشيت نشد طاكسي وحد اخر..... شحال وانا واقفة على اعصابي مابان تا طاكسي اووف هدا غير كدوب لي كدبت على ماما كيخرجو فيا دازت ربع ساعة حتى طاكسي مابغا يوقف عاد بان واحد شيرت ليه وركبت ووصلني لقيت الحفلة بدااات من شحال ودنيا عامرة دخلت كنشوف مبهورة فجينيفير لوبيز كتغني وتشطح مع الفرقة ديالها وصدا الموسيقة الصاخبة مرون دنيااا ناااري حلمي كيتحقق ههه بديت كنقلب على نمرة دلكورسي ديالي ما لقيتها حتى دازت ربع ساعة خرا عاد جلست نرتاح وبديت كنتفرج بحماس وكنغني مع الاغاني واااو هاد شي وااعر هههه
بقيت كنتفرج مبهورة و منساجمة مع الناس والاضواء والفرحانة بزاااف وهو يبان قبالتي شي حد غطاليا رؤيا طلعت عيني فيه لقيتو واقف مخنزر فيا شوفاتو كتخلع...
♡بقلم~HãNãë HaNae