أيام الصاعقة

23

23-¤ايام الصاعقة¤
♡بقلم~HãNãë♡
سمعت كلامووو وركابيا فشلو عليا كنت غنطيح من وقفتتي ...عرفتو بلي تااق بيه بغيت نداافع على رااسي ونقوولو هاد شي كدوب انا بنت شريفة وعمرو ولد لمرا مقاسش فيا ولاكن لساني تقال عليااا وتكوانسيت شفتو جااي جهتناااا وانا بعدت لوور بالخلعة
عطا لبيدرو وحد بوكس حتى لاحو فالارض وجاي عندي شدني من شعري وبقا كيصرفق فيا عطاني ضربا لكرشي حتى تزويت وطحت الارض كنتوجع عاود هزني وخبطني مع لحيط وانا مكنقاوموش خليتو يدير فيا ما بغا مكرهتش يقتلني ويهنيني حسن ليا من هاد العداب والضلم ، خرجني من لبيت كيسب ويعاير بأعلى صوتو داني لقفص فين كاين السبع شدني من شعري ولصقني مع القفص كيغوت ويعاير وسبع غيرشافني قريبا ليه جا عندي وخرج ضفارو كيقمش فيا وفكتافي وعنقي وكيزئر بجهد كنحس بودني تصمكات وانا كنغوت ونبكي الحل الوحيد لي فيدي باش يبعد مني ويتهدن هو ندير راسي سخفت وعاد انا كنت عيانا ترخيت ليه فيديه ودرت راسي سخفت عاد طلق مني ولاحني فالارض باقي كيسب رجع عند بيدرو لي غير كيشوف فينااا عطاه قتلة ديال لعصا ودكدكو مزيااان عاد لاحو بدماياتو وانا كنستناه غير امتا يخرجو بجوج ويغبرو كمارتهم عليا حتى سمعت لباب دلاكاب تسدات عاد طلعات فيا الروح فتحت عيني ملقيت تا حد من غيرالحياوانات يمكن بقيت فيهم وكيتحسرو عليااا ومبقيتش فالبشار ... ،بقيت شحااال مليوحة فالارض ودموعي كيسيلو بوحدهم كلي مدكدكة وجنابي كيضروني نضت كنجرجر فرجلي ودموعي شلال مكيتجبسش حتى دخلت لبيت وطحت فالفراش كنبكي ونوح على مكتابي وفين لاحننني واش هكااا غندوز لي بقا فحيااتي عداب وقهر وضلم ووحدة معندي لي يحن فياا ولايواسيني مبقيت بغيت وااالو من هاد دنيااا من غير نترما فحضن وااليديااا ونشبع من حناان والحمااية .....بقيت هكاك حتى طاح ضلام جابت ليا هديك لمرة لماكلة كليت شوية ورجعت بلاصتي وما نعست حتى فزكت الفراش بدموعي وخنونتي ....
صبح صباح عليا باقي عيانة بايتة نحلم بلي لاحوني لسبع وكلاني كنوض مفزوعة ونعاود نبكي ونرجع ننعس ،،،
هداك صباح كاع ماجابولي لماكلة حتى لعشية.... كليت حيت كان فيا جوع وخا الماكلة باسلة باينة كيطيبوهالي بوحدي بلعاني باش يعدبوني ملي ساليت مشيت تكيت بلاصتي ضهري ضرني بنعاس والعصى ، معارفة واش غنخرج من هنا ولا غتكون اخرتي فكرش سبع علم الله والديا شنو يكونو دارو مساكن باش يلقاوني جا ليل وزاد معاه حزني وألمي عيييت من هاد الحالة جاني اكتئاب وحزن والكاوابيس مكيفارقونيش مليييت وعيييت حتى بديت كنفضل للموووت على هاد الحاالة... الى كانت هده كمالة حياتي فغندير حد ليها ...نشفو دموعي مبغيتش قادة نبكي الوساويس كيجيوني فعقلي كل دقيقة ليل ونهار كنتوقع يدخلو عليا الحكارة يضربوني ويغتاضبوني ويقتلوني بابشع الطرق معندي مندير بهاد الحياة لي غلطة وحد درتها فصغري تجازيت بهاد الحالة ...
نضت من بلاصتي وحقد وكره وكل الاحاسيس المؤلمة لي خلاتني ماميتة ما حية فتحت لباب دالبيت بجهد وخرجت تمشيت بين قفوزة دالحياوانات متسوقتش لاصواتهم كيبان قبالتي قفص ديال سبع مشيت بتجاهو وحتى هو كيشوف فيا ومتبعني بعينيه كانه حاس بلي غدي نديرو قربت.... وزت قربت..... سمحوليااا اماما وبابا غنشويكم علياااا هده هي نهايتي نقتل راسي حسن ميتوسخ شرفي . ويعدبوني كتر وعاد يقتلوني قربت ل سبع وبلا منفكر فتحت باب القفص وطاحت دمعة من عيني كتعبر على كل الم عشتوو وكل احزااني ...
♡بقلم~HãNãë HaNae