32-¤ايام الصاعقة¤
♡بقلم~HãNãë♡
....
طلع فدروج دغيا وسد لباب المربعة ديال قبو ودارعندي كيعمل حركات بيدو زعمااا نسكووووت وبقا كيتصنط.، تخبطات لباب ديال كوخ واقلة فتحوها ومشيت لقنت ديال البيت وتكيت مع الحيط وكنقفقف وكنتصنط تا انا شنو كاين لفوق كنسمع اصواااتهم كيهضرو...
راجل1: دخل قلب تما...
راجل2: ملقيت تا حد فالحمام
كنسمعو صوت تهراس شوية سمعت صوت بيدرو
بيدرو: واش لقيتو شي حاجة
راجل1: لا اسيدي ملقينا والو الكوخ صغير وهانتا كتشوق
بيدرو:(ضرب يديه مع لباب) تفوووو شكون هداك الويل لي طلع لينا وهربهاااا و فين يكونو مشاو والله وشديتهم تا نعصرهم بين سناني ،زيدو قلبو فجهة خرا بغيت نلقااها قبل اي وااحد من رجاال king...
سمعناهم خرجو وبدا حسهم كيبعد عاد رجعات فيا الروح وطحت على ركابي كنبكي بصمت ، شافني زيد كنبكي ونزل يسحابني جاي عندي يوااسيني وهو يمشي لجهة خرا متسوقش ليا ..
بقيت جالسة فالقنت ونضت تكيت فالفراش وغطيت راسي شوية كنسمعو هضر..
زيد:(كيشوف فيها بنث عين) جاك جوع !!
مبغيتش نجاوبو ولاكن درت بحساب ملي نقدني وجاوبتو
اماني:(مسحات دموعها)لا مبغيتش
زيد:نهار كولو مكليتي انا غنجيب ليك شي حاجة تاكليها
اماني:(تخلعت ونضت شديتو من يدو) لاااا عفاااك متطلعش فوق عندك يشوفوك
زيد:(شاف فيدي لي شاداه وطلع حجبانو) كولشي كاين فهاد البيت
طلقت منو كندور فعيني ورجعت بلاصتي ...
اماني:(بالحس)تفووو على شوهتي
مشا فتح وحد بلاكار كبير عااامرة بالمواد الغدائية المعلبة و وسطو كاينة تلاجة صغيرة جبد منها شي حاجة معرفتش شنو هي وبدا كيقلي فوق بوطة صغيرة لي فوق بوطاجي بقا شحال كيخربق تما شوية جاي هاز جوج طباسل فيهم سطيك ديال دجاج مقلي ومعاهم شيبس وكاس ديال عصير....
♡بقلم~HãNãë♡
أنت تقرأ
أيام الصاعقة
Actionقصة مجموع فيهاااكااع دكشي لي كتعشقووو #الاكشن🤩 #المغامرات #العشق_المجنون😍 #والتفرشييييح ومنسيناااش محبوبة الجماهير قصة:#أيام_الصاعقة العشق الاسود بقلم #HãNãë_HaNae ♡ قصة هااادفة تحكي عن بنت في اعماق المراهقة انقلبت حياتها اسفل اعلاهااا بسبب خطأ غ...
