أيام الصاعقة

27

27-¤ايام الصاعقة¤
♡بقلم~HãNãë♡
شفت فواحد سكايري كيميل بوحدو فكرت بلي هدا لينقدر نقد عليه.... وقربت نجيهتو كنتعوج وهو يشدني من خصري وجبدني ليه كنا غنطيحو انا وياه ..
راجل:(مبيل) اجي شطحي معايا البوكوصة
هدا كيبالي مبهلل وسكران مزيااان عيسهل عليا الخطة ،شديتو بيدي بجوج ورا عنقو وهو شدني من خصري وزير عليا بقيت كنشطح معاه غير بزز محاملاهش ريحتووو وتصرفاتو ولاكن هدا هو الحل الوحيد لي عندي،، بقينا كنشطحو على موسيقى هادئة حتى جات عيني على king شفتو باقي كيشوف فيا شي شوفات مفهمتومش دورت وجهي لجهة خرا وهداك سكايري لي معايا كيتحسس فيا على شوية كنت غنعطيه شي تصرفيقة تفضحني ولاكن منقدرش نخصر لعب فنص، بدا كيخشي راسو فعنقي وكيبوسو بطريقة مقززة كنت غندفليه فوجهو تفووو ملي شفت طرح سخن حبستو...
اماني: زيد نمشيو لبيت حسن نوريك كيف كيديرو يبوسو هههه
هو:(سكران كيعوج فالهضرة ) هههه ياااالاااهي اتيتيزة زييدي معايا ليوم نقربلوها هههه
شد فيا وغادي بيا فتجاه دروج وانا نسمع شي صوت.. ...
سكاري2: فين غادي بالحلوة احسام اجي لهنا عندي بغيتك،،
جبدني من يدي حتى تساطحت معاه وكيشم ريحتي
حسام: (كيهضر بجهد)هده ديالي اماجد سير شوفليك شي وحد خرا
ماجد:(دورني ورا ضهرو)انا عجباتني وعناخدها
حسام: ماجد متعصبنيش وارا ليا لبنت نتا اي وحدة عجباتني كتبغي تاخدهاو حق رب وممشاتش معايا تنرونها
جا جيهتي باش ياخدني وماجد يضربو لوجهو مع هوسكران جا منشور فالارض،جا صاحبو ديال سكران دارب مع ماجد بقاو كيداربو وانا رجعت لوور خايفة من منضر رباعة دسكايرية كيضاربوو عليااا وكيسان شرااب كيتهرسو وريحة عاطية بقيت كندور بعيتي لتجي فيا شي دقة وهو يعنقني شي حد اخر من لور...
سكايري3: خليك منهم نتي غتكوني ديالي هد ليلة ازين اجي معايا
سكايري4: والاه لا كانت لشي حد من غيري ارا لبنت ايحيى
يحيى: سير تقو*** وقلب من جيهتي عندك نقلب ديلموك امراد
مراد: الى كنتي راجل اجي قلب ديلمي
رجعت لور غير كنشوف فجنابي وهوما كيدابزو دخلو صحابهم شي كيفك وشي كيتقاتل معاهم كل واحد كيحامي على لي معاه وبنات كيغوتو ويهربو تا ناضت روينة وتقربلات بالمعقول ،،، اويلي وشهاد الحالة اخر ايام نولي لعبة فيدين سكايرية شوية سمعت صوت لي زعزعني
اking: هيييييييييه stooooooooop

طيرني من بلاصتي ضرت شفت فيه مخلوعة من صوتو وهو طالع ليه دم ومعصب ناااري ليوم يلوحني لشي ضبع ياكل طاسيلتي ،اما هوما تا حد متسوق ليه ولا سمعو كل واحد شد فلاخور كيتقاتلو ويسبو ويغوتو قلبو ديك فيلة سفالها مع علاها ، شوية كنشوف king هز واحد الطابلة دزاج ولاحا بكل قوة مع الارض وتسمعات فحال شي قنبلة تفركعات عاد دار كولشي كيشوف فيه...