أيام الصاعقة

88 - 89

histoires_c_s_marocaines
histoires_c_s_marocaines 88-♡ايام الصاعقة♡
★بقلم هناء★
ا king: عمي بغيت نأجلو فالزوااج حيت كيماا كتعرف عاندي خدمة بزااف وخاصني نرجع لالمانية وبغيت ندي معايا اماني..
محمد وسناء شافو فبعضهم...
محمد:ولاكن اولدي علاش هاد الزرباا خدو وقتكم نتا واماني تعرفو على بعضياتكم مزياان وتوالموو ودك ساعة يكون خيير...
سناء:هدا زواااج اولدي ومكيبغيش زربة..
اking: راه زااخاا نخليو وقت كبير مغنقدروش نتلاقااو حيت ميمكليش نبقى غادي جااي للمغرب وانا غارق بالخدمة بغيت نطلع معايا مرتتي .
محمد:ولدي فهمنااا مبغينااش نزربو بزواااج حتى تفاهمو مع بعضكم وتشوفو واش غتوالمو ولا لا...
لking شا فامااني باش تقوول شي حاجة حيت عارفهم مغيقتانعووش بكلاموو ..
اماني:بابا تا انااا بغيت نطلع معاه لالمانية بغيت نكمل قرايتي باش منضيعش ...
محمد وسناء وهند شافو فيها باستغرااب...
سناء:متصرعيش ابنتي الزوااج كيبغي تأني وتفكير هده حيااة غتجمعكم للابد
(اماني سمعات للابد عرفات راسها غتموووت للابد وتنهداات)
محمد:واش متأكدة ابنتي.. اماني:متأكدة بغيت نتزوج ب(بقات لتواني عاد نطقاات سميتو ..) بغيت نتزوج بمالك هو لي بغيت نكمل معاه حيااتي
سناء:وعرسك مغنفرحووش بيك ميمكنش البنت الوحدة لي عندي منشوفهاااش عروسة...

  اking: عندي الحل ..شنووو رأيكم طلعو معاناا حتى نتووما لالمانيا منهاا تعرفو على عائلتي ومنها طمنو على اماني والورااق بلا مضربوو لحسااب انا غناكلف بكولشي وفضرف يوماين غيوجدو كااع لورااق محمد:(مستعجب)يوومااين!!! مكنضنش غيوجدوو.. اking:(ابتاسم)ضربهاا عليااا اعمي غيوجدوو كااع وراقيكم وغطلعوو معنا مجمووعين ... سناء:والله ما عرفت ماا نقوول!! محمد:الله يدير شي تاويل ديال الخير... سلات الخطبة وكولشي فرحاان الى امااني لي كتداعي الفرحة وهي قلبهاا واقف ليها فحنجورتهااا مكرهااتش تغوتباعلة صوتهااا وتقوليه مبغيتووووش ... ولاكن واخا تغوت وترفض اغتمشي معااه سواءاا مشات برغبتها ولا لا .. حيت الى رفضات غيختاطفهااا وغيخلي عائلتها مريضة من جيهتها اللهم تدعي القبوول باش تخليهم مرتاحين من زواجهاا... الking اول ما خرج من دار اماني تاصل برجالو باش يبدااو فالاورااق باش يوجدوو من دابا يوماين اما سناء وهند غير شافوه خرج بدااو كيقلبوو فالدهااز لي جابليها كل ما كتباليهم شي حاجة كيفتحو عينيهم 180° منباهرين ففخامت كولشي كاين تماا ومحمد كالس كيراقبهم كيبتاسم داازت الخطبة وكولشي دخل لفراشو ينعس الى اماني لي فبالها الف تخميمة وتخميمة اول حاجة خممات فيها هو زيد ملي غيعرف الخبر شنو غيكون ردت فعله ... اماني:(غادة جااية فالبيت) ضرووري منخبرووو ميمكنش نخليه يتأمل شي حاجة مني خااصني نكرهوو فياا باش ميتعدبش بغيتوو ينسااني حيت عمرني مغنقدر نكوون لييه وحبو غندفنو فقلبي ونطمروو برماال الدنيااا كااملة وخاا حرقتووو عمرهاا تشفى من قلبي ووجداني... مسحات دموعها وفتحات لمجر وجبدات تيليفونها لقديم ودوزاات نمرة دزيد صوناا جوج مراات وهو يحااوب دغيااا.. زيد:حبيباااا توحشت توحشت توحشت فييينك غاابرة مم شحاال وانا كنعيطلك ... اماني:زيد لابااس.. زيد:سمعت صوتك عااد رتحت من ديما كنصونيلك فنمرتك كنلقااها طاافية سولت عليك عرفتك مزياانة فداركم علاش بدلتي نمرة هااا خليتي نحمااق ونسمع صووتك دابا انا فاوكرانا عتديشي خدمة مهمة منقدرش نجي داابا غير نساليها اول وحدة غنشوفها هي نتي احبيبتي ... اماني:(كتسمع كلامو وعينيها كيدنعو)زيد سمعنني.. زيد:نتي لي سمعيني مبقااليش بزااف وغنجي للمغرب نخطبك داابا وااحل مع للخدمة مبرزطااني غير نساليهاا غنجي عندك احبيباااا تكوني حلاللي متصوريش شحال توحشتك... اماني:(كتكرز على سنانها حابسة دموعهااا) زيييد صاافي بااركة سمع شغنقووليك انا تخطبت وغنتزوج سمعتتتي نسااني من باالك
زيد:(تصدم وسكت لتواني عاد قدر يجااوب) ش شنووو كتقوولي..
اماني:كيف سمعتي غنتزوج ازيد تعارفت على وااحد وبغيتووو من قلبي (كتقوي راسها بزز) بغيتووو ومنقدرش نتفارق معااه وحتى هو كيبغييني.
زيد:امااني هاد ضحك البااسل معنديش معاااه..
اماني:فهممني انا كنهضر بصااح وغنتزوج فاقرب وقت ..
زيد:واش واش تسطياي ولا ماالك !!!عاارفة اش كتخرجي من فمك نتي كتبغيني انااااا وعتارفتتي ليااا كتفلاتتي عليااا ولااا ...
اماني:صاافي ازيد فهم ودخل فباالك بلي مكنتش كنبغيييك كان مجرد اعجااب حيت نقدتيتي ولااكن ملي تعرفت على خطيبي كتاشفت بلي مكنبغييكش وكنبغيه هوو ... خليني نعيش حيااتي على راحتي مع لي كنبغيي
زيد:(بالغواات)غتسطططططي ديلممي هاااد ليلة ولا شنووو
هدااكشي كاامل لي عشت معااك كاان على خواااا هاااا بانتليك انااا لعبة تلعبي بياا كيف بغيييتي حتى طيحتيني فييييك عاااد بانليك واحد ااخر
اماني:زززيد صافي لي بيناااتنااا سالااا .. الطريق لي فيهااا انا نتاا خويهااا مبغيتش المشاكيل مع خطيبي حيت(شدات على فمها با متغلبهاش البكية) حيت كنموووووت فيه والقلب مكيختارش لي كيبغي... بسلاامة نتمنالك حياة سعيدة .
قطعات عليه خلاتو فصدمة عمرو ودنيا كدور بيه خرجو عروقو وعينيه حماارو بالدمووع لي مقادرينش يخرجووو هز سلاحووو وخرج على براااا شافتو لوسي هز سلاح وملامحو مبدلين مشات كتجري عندووو..
لوسي:زيد ماالك!!! علاش هااز سلااح خطر عليك تخرج داابا غضيع لينااا الخطة
مسمعهااش ومتسوقش فيهاا ركب فطوموبيبتوو وزااد جااعر كل كلام امااني كيتعاود فراسوو حرف بحرف وهو غير مكيزيد فسرعة
اماني قطعات معاه ولاحت تيليفونها مع الارض حتى تشخشخ كااامل مبقى فيه ميتجمع تمااما فحال قلبها لي تقصم على جوج... النص عايشة بيه ونص تاني ساكن فيه زيد خشان راسها فالمخدمة كتبكي وكتحاول ميسمعوهاش واليديها غواتهااا... حزنهااا بوحدهااا وغتعيشوو بوحدهااا وقدرهااا عالم بيه غير مولانااا...
دازو يوماين فحال البرق وكل ما كيفوت الوقت كيزيد يضياق عليها قلبهااا وكتحصرعلى شبابها لي ضاع واملها لي تلاشا ..
ليوم جا king على الصبااح جاب معااه وراق السفر لاماني وعائلتها وخبرهم بلي غدا غيسافرو مجموعين ..وداهم معاه للمول وعطاهم كارط بونكيغ يتقداو لي بغاو وسناء غير فاتحة فمها فالمحلات ولي عجباتها كتشريها ليها ولاماني حتى مبقى فين تزيد... تلووح كاع حوايجها لي فلماريو وتعمرو بلي شراات ويشيط الخير... ملي سالاو صوناو على king وجا وصلهم لدار .. نزلو من طوموبيل وهي تشوف روان واقفة قبالتها وشداتها القفقافة عاوتاني...
روان:اماني لاباس ...(اking سمعها ودار شاف فيهم مخنزر)
اماني:(توترات)رواان!!!لاباس اش كديري هنا واقفة فالباب
روان:خالتي سناء كي بقيتي شوية...
سناء:لاباس ابنتي يسول فيك الخير زيدي دخللي..
روان:لا اخاالتي غير خليني مزروبة من قبيلة وانا نستنا فاماني بغيت نهضر معاها...
(شافت فking متوترة وخايفة)
اماني:وخاا ماما دخلي غنهضر مع روان دقيقة ونجي...
دخلات سناء وking رجع لطوموبيلتو داير راسو كيقلب على شي حاجة وهو حاضيهم بنص عين...
روان:امااني اش هاد شي سمععت واش بصااح غتزوجي..
اماني:(تنهدات) اه اروان غنتزوج .. جاتك غريبة..!!
روان:وزيد فين خليتيه هاا !!!نتي كتبغيه علاش درتتي هاكاا ..
اماني:روان انا مكنبغيش زيد ملي تلاقيت بخطيبي بغيتو هو وعرفت بلي لي كنت كنحس بيه من جيهت زيد مجرد اعجااب حيت نقدني وصاافي ..
روان:مبقيتش فااهمااك ااماني والله.. واش عاارفة اش داار على ودك لي عمروو قدر يديروو .
اماني:(كانو غيفضحوها دموعها وهي تبت راسها)عفااك ارواان مبغيتش نهضر مازال فهاد الموضوع انا وزيد عرفنا بعضنا فمدة بسيطة مستحيل يتولد الحب فهاد المدة القصيرة..
روان:تصدمت فيك امااني متستحقيش حبو ليييك خصاارة خصاارة...
مشات وخلاتها واقفة بلاصتها كانت متوقعة تحطم ولاكن ماشي حتا لهاد درجة قلبها باقي كينبض لسبب واحد وهو بواليديها وبزيد ...
مسحات عينيها وبغات تدخل لداار وهو يجبدها king من يديها وضارت عندو مخنزرة..
اking:اش بغاات منك هده هااا!!!
اماني:(نترات منووو) طلللق ماشي شغلك ... يااك لي بغيتي درتوو ليك اش بغيتي مازاال ...
خلاتو ودخلاات نيشان لبيتها باش تخبي دموعها كيف العادة...