أيام الصاعقة

13

13-¤ايام الصاعقة¤
♡بقلم~HãNãë♡
مشيت معصبة بتجاه الطابلة لي جالس فيها داك خينة انا غادو ليه وكيبالي وحد الموس فوق طابلة تمنيت نخشيه فييه باش يتعلم يفرق بين بنات نااس وبين بنات زنقة ،وقفت عليه وهو كيطلني ويهبطني بعينيه...
اماني:(لحت ليه 400 درهم فوق طابلة) مرة خرا خلص غير على راسك انا قادة بخلاصي خليتو كيطلع ويهبط فيا وخرجنا تحت انضارو لي كتاكل فيا منعرفت مالو هد المريض اول مرة نتلاقى شي حد فحال هدا ،،نضراتو كتخوف وخا هو كيبان صغير فالسن ولاكن غريب بزااف جربت هند معايا وخرجنااا على الكورنيش كنشمو الهوى وقررنا نتمشاو شوية نفوجو ونحيدو الفقصة لي فينااا حيت انا وهند كنرتااحو بزااف لجو البحر والهدوء ومن احسن منتصوقوش لهداك لمريض لي ديرونجانا ،بقينا كنتمشاو وكنهضروو وانا نلاحضو باقي تابعنا بطوموبيل بففففف
اماني:هند عرفتي يالاهي نرجعو لدار حيت هد باسل معيخليناش على خطرنا
هند:اه بصح ملي شفتو تروع عليا خاطري ملي كنشوفو كيدير شي نضرات فيك كيخوفو ،، زيدي تا انا ممرتاحاش هكا
عاود شدينا طاكسي وركبنا طريق كولا وانا كنضور ورايا كنشوف طوموبيلتو باقي تابعانا وصلت لشاريع فين ساكنين نزلت وهند كملات طريقها لدارهم وحتى انا دخلت لدار وسديت عليا لباب وطلعت لليتي نزلت صاكي وطليت من شرجم كنطل من لقنت كنلقى طوموبيلتو باقي قدام دارنا..تخلعت و خفت من تصرفاتو ،،، ستعودت بالله من شيطان رجيم و حيدت حوايجي ودخلت لدوش نريح اعصابي حيت هد لخلا عصبني بالمعقول وضيع لينا الخرجة من شحاال وانا كنستنا هاد نهار تكالميت شوية فلما سخون ولبست بينواري وخرجت نشفت شعري بالفوطة وتكمشت بلاصتي بقيت بالبينوان هكا رتاحيت مافيا لي يبدل طلعات ماما عندي تعيطلي نتعشى مبغيتش خلاتني على خاطري ومشات وانا بقيت مضاربا مع مخي لي كيدي وكيجيب حتى نعست...
صبح صباح مشيت كيف ديما مع بابا وماما لي وصلوني لليسي ومشاو دخلت حضرت لدروس وخرجت مع صاحباتي واقفين فلباب ديال ليسي ضورت وجهي وانا نلقا هدلك الويل لي كان تابعنا لبارح واقف قبالتي متكي على طوموبيلتو وكيشوف فيا ،،،شفت فيه مصدومة اويلي هدا عارف كولشي عليا حتى فين كنقرا لا لا هدا ماشي طبيعي خنزرت فيه وهو يغمزلي وكيبتاسم ضورت وجهي دغيا وقلبي غيوقف شديت فهند قلتهالها وحتى هيا خافت منو وتافقناا منبقاوش نشوفو فيه ونحسبوه فحال لي مكاينش خصوصا انه مجاش عندنا ومعاودش هضر معاايا رجعنا لديورنا .. ..
دازت اربعيام وهاد خينة باقي كيجي لباب تانوية ويوقف فنفس لبلاصة بدون ميكلمني وانا مكنشوفش جيهتو بغيتو يمل ويغبر علياااا
◆◆فاخر الشارع واقفة طوموبيل رانج روفر بيضة وجالسين فيها جوج ديال لبنااات لي كتسوق شعرها اشقر مايل للبياض وملامحها اروبية وضعيفة وتانية شعرها كحل وملاحمها عربية ...
-(كتشير بصبعهت)سنااء واش هديك لي لابسة تيشورت فالكحل هي لي تابعها زهير
سناء:(كتاكل فضفارها وضربات فالفولون معصبة) هيااا هديك اهديل بغيت نمشي نشرب من دمهااااا مخليني اناااا بنت القااع وجاااه وجاااي تابع هاد البرهوشة
هديل:واش متأكدة بعدا بلي كيتبعها
سناء:اااه متأكدة ملي لاحضتو مبقاش كيجاوبني فتيليفون وهضرتو باردة معايا عرفت شي وحدة جديدة كيف العادة مشيت تبعتووو ولقيتو كيجي لعندهااا لهنااا هاد زهير باغي يسطيني معااه
هديل: ودابا شنو غديري معاه باش تبعدو عليها
سناء:كل مرة كيديرهالي كيخليني على ود وحدة جديدة ولاكن هاد لمرة بغيت نكرهو فحس لبنااات باش يحس بقيمتي نتي غير تفرجي وغتشوفي علاش قادة سنااء العلوي ..
هديل:هههه منحتاجش توريني فيك ههه عارفااك شنو كتسوى والله يحفضني من شرك هههههه