أيام الصاعقة

12

12-¤ايام الصاعقة¤
♡بقلم~HãNãë♡
هند: اماني
اماني:نعام
هند:شبعت اختي كرشي تنفخات
اماني: من عضرها متنفخ اختي راك قريب تاكليني ههه
هند:وا شغندير كيجيني جوع منقدرش نصبر على لماكلة(كتبكي بلعاني) هئ هئ بغيت ندير ريجيم وترجع فرمتي فحالك كيف لحوتة ولاكن مكنقدرش نصبر على جوووع هئ هئ
اماني:نتي غير كابليلي مرة تقولي خصك عوينات فحال ديالي مرة شعر ودابا بقات ليك الفورة بسم الله عليا المغيارة ههه
هند: حرااام عليك ونتي لي زوينة شغندير ليك وفرمتك حكارة اصاحبتي بغيت نكون فحالك هئ ه
اماني: يخليلي زين ولاكن غير سكتي تا انا زت ربع كيلو هد شهر ،خاصني نزيد فساعات سبور هد ايام ونقص لماكلة.
اماني: تفووو عليك الكلبة كتعقديني بهضرتك وانا لي كل ساعة كنزيد كيلو على قدو شغنقول
اماني: ههه صافي غنكون المدربة ديالك حتى تنقصي شي 10كيلو تهنيتي دابا ولاكن خاصك تبقاي تسمعي الهضرة.(حركات راسها باه)
هند: امااني
اماني:(حاطة يديها على خدها)نعااااااام
هند:بغيت كلاص
اماني:والله ومادرتي عقلك حتى نشدلك داك لفم بسكوتش منخلي ليك تا منين تدخل لماكلة شوفي راسك كي وليتي قد لبرميل
هند:غير شوية عفااك
اماني: تفوو عليك يا بنت لدينا دغيا كتبقاي فيا، شوفي انا لي غنجيبو ليك والله منخليك تمشي تجيبه فحال مرة لي فاتت جايباليا لكلاص لي عندهم كاامل تقول عندك فريكو ماشي كرش ولاكن مغنجيبش ديال شكلاك
هند:صافي جيبيليا لي بغيتي
مشيت على سعدي ووعدي نجيب ليها كلاص بقيت غادة فالكولوار حتى كنحس شي حد كيقيس فيدي، ضرت نشوف شكون كنلقاه هداك لي تلاقينا فالمول تبعنا تا لهنا
اماني:نتا مالك تابعني هد نهار
هو:سميتي زهير وبغيتك تعطيني من وقتك غير دقيقة
اماني:هد دقيقة غاليا عليك
زهير:شحال بغيتي انا موجود (جبد وحد الباكو دالفلوس فيه غير زورق كيتشيرو)
اماني: (شفت فيه بحقد) بغيت ألف كيلو متر ديال تيساع ياك ما سحبليك انا من هدوك لبنات لي كتعرف وبلا منوريك وجهي تاني حيت انا قبيحة غير عطيني تيساع منصلاحش ليك
هو:(كيبتاسم)يخليلي القبيحة كنحماق على القباحة
اماني: اووف صبحنا علاه
خليتو ومشيت جبت كلاص غير بزز ودزت من قدامو كان كلس فوحد الطبلة كنخنزر فيه تفووو على لسق سبيسيال هدا ،طلعت مشيت بتجاه هند ودك لكلاص قريب يتهرس فيدي بالاعصاب وصلت لطبلة و نزلتو بجهد...
هند:(تخلعات)غير بشوية مالك كتشعطي علينا
اماني:تفوووو على زمر
هند:مالك ؟؟
اماني: (تنفست)اوووف هداك لي شفناه فالمول تبعنا حتى لهنا وكيسولني شحال بغيت يخلصني نمشي معاه غددني الله يعطيه موصيبة فهاد نهار
هند: اويلي على جنس مكيحشمش وجهوم مقزدر خزيت كتارو هد الايام الله يتبعوم لبلا...
اماني:واكولي وزيدي نخرجو منهنا حيت مبقيتش حاملة نجلس هنا، وارا شوية نبرد هاد الغدايد لي فيااا
حيدت ليها لكلاص من يدها وبديت كنخشي ففمي بلا منحس ساليتو كامل وهي غير كتشوف فيااا
اماني:(نضت)وزيدي
هند: هئ كليتيه كامل المسمومة مخليتيلي حتى معلقة هئ
اماني:زيدي زيدي راه فيا الاعصاب كيطلعو بلا متجبديني عليك عندك نعطيك هاد المعلقة لراس..
(عيطت لسيرفور باش نخلصو)..
اماني: (كنعطيه لفلوس)هاك اخويا لحساب
السيرفور: صافي الأنسة حسابكم تخلص
اماني:(بعصبية)شنووو !!وشكون خلصو.؟؟؟!!!!!..
سيرفور:هداك راجل لي جالس لهيه(كيشير لزهير)
اماني: (شفت فتجاهو بعصبية وهو يهز كاسو بمعنا بصحتك عاود شفت فسيرفور)شحال خلص؟(كنضرب برجلي فالارض بتوتر)
سيرفور:بلاتي نشوففف مممم 400 درهم
اماني:ok شكراا
مشيت معصبة بتجاه طابلة لي جالس فيها داك خينة....
¤ايام الصاعقة¤
♡بقلم~HãNãë♡♡