أيام الصاعقة

4

4-¤ايام الصاعقة¤
♡ بقلم~HãNãë♡
قناص:سكت سكت ....هاواا جااي king
بيدرو:باين مقلق معرفت ماالو

وقف عليهم بتخنزيراتو وهيبتو لي كدوخ لبشار...
اKing:كاين شي خبار على..... ديك خيتي؟
قناص: باقي مشفتها تلقاها سكتلها القلب تما باينة كامونية على جهد ههه
بيدرو: هههههه
اking:هيييه جمعو ريوسكم مكنلعبوش هنا وكل واحد يمشي لخدمتو باركة من تفليا..
ناضو دغيا مشاو حيت عارفين ل king الى تعصب اش كيدير شافهوم غبرو ودار لجهة خرا بقا غادي بتجاه لاكاب نزل فدروج وقرب لباب وقف كيسمع الحس مقطوع غير صوت الحيوانات كيتحركو تعجب شنو تكون كدير فتح لباب ودخل،،، الضو خافت شوية ،كيسمح ليه برؤية غير ميترو قدام بدا كيقرب بخطوات واتقة وهي تباليه طايحة فالأرض على كرشها وشعرها طويل مبعتر على الارض (بتاسم ابتسامت شر) قرب ليها وحركها برجليه متحركاتش تما عرفها سخفانة بقا كيشوف ففرمتها شحال عاد حنا عليها، هزها وشعرها غطا ليها وجهها كامل ،دخلها لوحد البيت قديم كاين فوسط لاكاب فيه فراش مهترئ وقديم وماريو صغير مهرس وحمام صغير حطها فوق لفراش وخصلات شعرها مغطيا ملامحها، دار باتجاه لباب راجع مشا 4خطوات وهو يوقف شوية ورجع عندها بقا كيشوف فيها، قرب ليها ومد يديه كيحيدليها الخصلات شعرها الحريري من وجها وهي تباليه اماني"" النور كيضوي من وجهها الناصع ورموشها المبتلة بالدموع كورق الربيع ووجنتيها المحمرتان كتوت العليق وشفتيها الببضاء من كترت الخوف غير شافها زاد خنزر وتعصب قرب وجهو ليها ببطئ حتى كان غيقيس فيها وهي تطلع معاه ريحة برفانها..
اKing : (زير على سنانو) لي غتشوفيه هنا عمرك مشفتيه ومعمرك غتشوفيه فحياتك، ترحمي على روحك الكلبة..
طلع راسو وشاف فيها شوفة اخيرة وخبط لباب ومشى هي غير سمعات لباب قفزات :O جلسات وبدات كتجمع فرجليها وتشوف حولها مفهمات والو ¿¿!!!!!شكون جابها لهاد البيت¿¿ وفين كاينة هي دابا ¡¡¿¿؟ سمعات صوت ديال باب لاكاب الحديدي وناضت دغيا بغات تشوف شكون تما تدوي معاه بعدا غير تفهم شنو كاين حلات لباب دالبيت وخرجات بسرعة وهي تلقى راسها ما بين لقفوزة دالحيوانات لي على ليمن ديال ضبع ولي على شمال ديال ديب مكملاتش طريقها ورجعات لبيت كتجري وسدات عليها دغيا مخلوعة كتقفقف ......
مشات لقنت الفراش وجمعات رجليها حطات يدها على فمها وبدات كتبكي معرفاتش شنو مصيرها هنا وشكون هد الوحوش لي بين يديهم دابا وشغيطرا فيها من بعد؟؟؟...
صبح صباح عليها وشرقات اشعت الشمس لتدخل نسيم ضوئها من شرجم صغيييرة كاين فوق الحيط تكاد لا تراه وهي مازالة فنفس الوضعية مكمشة رجليها ويديها ...
علات راسها كتشوف فضوء منين كيدخل وهي تلمح الشرجم او ممكن نقولو عليه حفرة طلعات فوق لفراش كتحاول توصل ليه مقدراتش بدات كتقلب على شيحاجا تطلع فيها ملقاتش بعد عدة محاولات كتعلق باش تشوف شنو كاين ورى ديك تقيبة وهو يتفتح لباب ضارن مخلوعة ..
كان وحد الراجل سمر وطويل ومفورمي فحال شي بوديكارد ، دخل عاقد حجبانو ...
غير شافتو طاحت فوق لفراش وجمعات راسها...
¤ايام الصاعقة¤
♡بقلم~HãNãë