أيام الصاعقة

40

40-¤ايام الصاعقة¤
♡بقلم~HãNãë♡
الى قدرو يشودوني سيري نتي بوحدك وانا غير خليني هنااااا
اماني:(دمووع فعينيها)لااااا منقدرش..
زيد:كيفاااش متقدريش واش مكتعرفيش تسوgي !!!
اماني:منقدرش نخليك معااهم ونمشي
زيد:(بعصبية) ماااشي شغلك فيااااا نتي سيري وخليني ندبر راسي سمعتتتي
اماني: لااااا ...مغنتحركش الى ماجيتيش سمعتي وخاا نموووت منخليكش بوحدك هنااا
زيد:اووووف راسك شحااال قاسح صافي انا غادي
اماني:(جبدتو من كتفوو) عفااااك متخليهمش يشدووك
زيد:غنحاااول وحتى نتي مشي بحدر وعندك تهور
حركت راسي ونزلات دمعة من عيني مسحها ليا بصبعووو ومشااا خلاني محرووقة وقلبي كيدق، بقييت كنتبعووو بعيني كيمشي بحدر بين الشجر وكيتخباا بين الحجر وانا كندور ورايا عندك يشوفني شي حد وكندور نتبعو بعيني وهوما كيناضل باش نخرجو حيين من هاد الغابة الملعونة بدا كيقرب كتر لشانطي ... شفتو هز حجرة ورمااها بعيد وتخبااا ودوك الحراس غير سمعو شي حاجة تحركاات مشاو بتجااه الصوت ، قلبي كيزدح وقريب يوقف ملي شفتو كيقرب لشانطي خفت عندك يكون تما شي حد ويشدو ولا يتيري فيه حيت هاد الهصابة كاملين مسلحين ومفقلبهمش ولا درت رحمة ....شوية داارلي حركة بيديه باش نمشي لطوموبيل،، مشيت كنجري بتجااه الطوموبيل وانا نطيح وتجرد رجلي نضت دغيااا وشفت فجناابي وعاود جريييت باكتر من طااقتي حتى وصلت لطوموبيل وفتحتها وركبت بلاصت شيفور شفتو جاي جيهتي وفتحت ليه لباااب وديماريت والحرااس غير سمعو صوت طوموبيل جااااو كيجريو بتجااهناااا... شاافوه كيجيري وبدااو كيتيريو فالقرطااس تمااا فشلت وماتوو عليااا ركابي كنشوفو من مراايا باقي حي كيجري عااد كترجع فيااا الروح شوية وصل عندي وركب وسد لباب وانا كسييييريت باعلى سرعة ودوك الحراس قاسولي طوموبيل ودربو زاااج بالقرطاس لاكن قدرنااا نهربووو ليهم بأعجوبة ...بقيت كنكسيييري باعلى سرعة كتبالي غير طرييق قبالتي حتى بعدنا وانا بااقي كنجري...
زيد:صااافي بشوية داابا
مسمعتوووش وبقيت موركة على كسيراطور
زيد:امااااني صااافي وقف
ملي غوت عااد نتابهت ووقفت جنب الطريق كولي كنرجف ..
قرب عندي و قاسلي يدي...
زيد:نتي كترجفي اجي هنااا خليني نسوق...
نزل وجااا شدني وداني جلسني القدام وانا باقي ممتيقاااش بلي هربنااا معرفت واش نفرح ولا نبكي هو ضااار و كلس يسوق ديمارا وبقااا غادي فطريق ومرة مرة يدور يشوف فيااا مستعجب لسبب سكوتي

زيد:واش نتي لاباس
حركت راسي باااه
زيد:شمن مدينة ساكنة
اماني:رباط
زيد:ه ه من مدينتي
بقااا كيسوق وانا تكيت على زااج .. كنشوف فطريق بقينااا ساعات وحنا ماشيين فطريق بغيت غير امتا نوصل لدارنااا توحشت واليدياا و حياااتي القديمة وتوحشت دارناااا وفراشي اخخخخ امتا نوصل وينتهي هاد شي....
دخلنا لمدينة وقلت ليه لبلاصة فين ساكنين وصلنااا لشارعنااا وتفتح قلبي كيما وقف طوموبيل خرجت كنجري باش نوصل لدااارنااا وهو بجبدني من يدي...