أيام الصاعقة

5

5-¤ايام الصاعقة¤
بقلم~HãNãë
غير شافتو طاحت فوق لفراش وجمعات راسها ....
هو:شكاديري ؟!!
اماني:وووالو ش... شكون نتا!!!
هو: غير بلا متحمقي راسك مغتلحقيش لتما ونصحك الى لحقتي بلا متشوفي شنو كاين برا حيت لي برا مكيفرحش
اماني: (بخوف)شكون توما علاش جايبيني هنا انا مكنعرفكمش
هو: ملي يجي king غتعرفي
اماني: (كتبكي وتهضر)شكون هدا تاني انا مادايرة والو بغيت نمشي لدارنا عفاااك بقلم←HãNãë
(لاح ليها طريف ديال لخبز حافي)
هو:شدي كولي
خبط لباب وخرج، مشيت نالباب كنتصنط فين مشا وانا نسمع حسو كيضور تما فتحت لباب بشوية وطليت وانا نشوفو كيوكل الحياوانات كل واحد ومكلتو مكاين غير الخضرة ولحم ولبانان اااخخخخخ وانا رامييلي طرف ديال خبز، هو كيوكلهم ونا كرشي كتزغرت بجووع حتى سالا وكنشوفو ورك على شي حاجة وتفتح وحد الباب ودخل منها ضووو بزااف حتى ضوا لاكاب وبان دكشي لي فيه منقدرش نوصف دااك شي وشحال من حيوانات تمااا بكل انواعها شفت فراجل كيخرج السبوعة وكيخرجو نيشان فالباب باين كيديهم لشي غابة باش يرتاحو شفت وحد سبع ضار شاف فيااا يمكن شم ريحتي وانا ندخل دغيااا و سديت عليا لباب خوفانة  :-( مشيت كلست فالفراش بقيت كنشوف فديك طرف دالخبز معرفتو واش ديال سيمانة لي فاتت ولا لي فايتاها ،قست فيه قاااسح اويلي هادو ناويين يصفيوها ليا ....

بديت كنبكي ودموعي ما حبسو داز لوقت بزاف معرفتش شحال ساعة مهم عييت جالسة كنفكر وكنشوف فديك طرف دالخبز جاني جوع بزاااف وكرشي كتقطع عليا بالحريق مصارني كيتلواو كنشرب غير لما ليكاين فروبيني ديال طواليط ، ملي مقدرتش نصبر على جوع شديت ديك الخبز وبديت كنعض فيها سناني كيبغيو يتهرسو ،،، هكاك بقيت عليها حتى كليتا كاملة وجلست عاود فالفراش كنبكي ومرة مرة كيقفزني شي صوت ديال شي حيوان وماقدراش حتى نطل من لبيت بقيت على ديك لحالة حتى تعاشات لعشية وبدات كتغرب شمس كنحس برخوة و سخفة حيت فيا فقر دم وعاد مواكلة والو من لبارح من غير ديك الخبز ترخيت وغمضت عيني كنحاول ننعس باش منشعرش بالمرض ونعاس حرام وبغا يشفر على عيني بقيت مكمشة حتى طاح ضلام كنعرفو غير من ديك شريجم لي كاينة فالبيت شعلت ضو ورجعت نتكمش بقين شحال فبلاصتي كنفكر فحالتي وشنو يكونو دايربن واليديا عليا زعما كان عيد ميلاد ماما وبغيت نفرحها وداابا غيكونو تخلعوو عليااا اووووف عليت يدي لسماء كندعي نخرج من هد الويل ليوم قبل غدا،،، شوية كنسمع جران ديال باب لاكاب كتفتح زدت تكمشت بلاصتي ودخلت فراسي كنسمع حس شي سباط جاي جيهتي الصوت غادي وكيقرب وانا كنعرق وكنشف....
♡بقلم~HãNãë♡
الصوت غادي وكيقرب وانا كنعرق وننشف، شوية تخبطات لباب حتى ضربات مع الحيط على شوية كانت غتهرس ووقف عليا وحد الراجل اش من راجل هدا وحش من نضراتووو تزعزع ليا قلبي بالخلعة ،، هو لي خبطها برجليه غير شفتو بلعت ريقي وبردو عليا اطرافي و طلعات معايا صفورية من صبعي الصغير اما دوك الحيوانات غير سمعو الخبيط منعاودش ليكم كيفاش كيغوتو محلتي لخلعة ديال الخبيط ما حلتي للوحش لي واقف قبالتي ما حيلتي للحيوانات لي كيغوتو وينقزو بقيت مسمرة فبلاصتي مقدرتش نتحرك وهو باقي واقف كيشوف فيا بنضرات حقد وكره خوفني بالمعقول،، بدا كيقرب عندي ببطئ وانا مصدومة بلاصتي مقديتش نتحرك ولا نبقى نشوف فيه حدرت عيني حيت مرعوبة منو كنشوف غير رجليه وقفو قدامي وحنا وجهو عليا بشوية ...
اking:هزي عينيك
صوتو للغليض زاد سكن ليا الرعب فقلبي باين كامي شي 2 باكيات عاد جاي عندي،بلعت ريقي وبغيت نهزهم مقدرتش..
هو:(ضرب برجلو فالفراش بقوة حتى خلخلني) اking:(بالغوات)هززززززي عينك فيااااااااا
هزيت فيه عيني بشوية كنقفقف حتى تسمعو سناني كيضربو بعضهم،شفت فعينيه مقدرتش نكمل شوفة فيهم عينيه زورق فحال سماا كيلمعو ولاكن فيهم حقد كيخلع وباين فيهم الشر بقيت كنشوف فمو...وهو قريب يتلسق معايا
اking: شوفي فيااا مزيااان وحفضي هد لوجه لي غيخليك تمناي لموت ومتلقايهاش
اماني:(كنقفقف)ع ع ع علااااااش شششنو درت !!!
اking:انا غنوري ديلموك شنودرتي
شدني من شعري وطيحني فالارض وخارج بيا من لبيت كيجرجر فيا وسط القفوزة وانا كنفك يدو من شعري وكنبكي ونغوت كل ما كيسمع غواتي كيخبطني مع شي قفص دشي حيوان حتى كنحس براسي تقسم وكيسيل دم...
اking:(بالغوات)سكتتتتتتتتتي لديلموك ...حنا تلعبي بينا واااش عرفتتاي بمن لعبتتتتتي يا بنت ***** والله تا نقتل موك هنا وندبح والديك القح.... طيييييط ابنت ق..طييييط ز....طييييط
لاحني فالارض وبدا كيشوف فيا كيطلع النفس بجهد نفسو كتسمع من برا ،وانا كنتألم و نبكي حسيت بشي حاجا نازلة مع راسي قست فوجهي وشفت فيدي لقيتها عامرة دم كيما شفت الدم جمعت لوقفة وقويت راسي...
اماني:شنو بغيتي منيييييي (كتغوت وتبكي)مدرت والو وعمرني مشفتكم هئ علاش كديرولي هد الحالة هئ كتحكرو عليا حيت بنت هئ...
جا عاود شدني من شعري وصرفقني وحد تصرفيقة معرفتا واش ضربني تريسينتي ديال ضو ولا رابت عليا شي دار من 4 طبقات طحت الارض فالحين غبت معقلتش على راسي تا شمن جهة تلاحيت....
¤ايام الصاعقة¤
♡بقلم~HãNãë♡