أيام الصاعقة

19

19-¤ايام الصاعقة¤
♡بقلم~HãNãë♡
ملي شفتو حسيت بروحي طلعات مني عاود رجعاات ..
اماني:(مخلوعة)ز ز زهيييير
بقيت جالسة فبلصاتي معرفة كيفاش نتصرف ومع صداع وكولشي محيح مع الاغاني واخا نغوت مغيسمعني حد ...
زهير:(معصب)نوووضي
اماني:(كنبين بلي مخايفاش) شنو بغيتي مني سير فحالك
مزادش هضر معايا شدني من يدي وكيجر فيا وانا كنحاول نبعد منو ولاكن مقدرتش حيت حاكمتي مزيان بقى غادي بيا وانا كنتركل ونغوت حتى خرجنا لباركينك لقيناه خاوي مكاين حد كولشي كان كيتفرج لداخل نترت يدي منو بالغوات.
اماني:طللللق مني مبغيتش نبقى نشوفك المدمن
زهير:(معصب)اماني غتسكتي وغتسمعيني
اماني:معندي منسمع شفت كولشي بعيني نتا ماشي طبيعي خاصك تعالج نتا مريض
قرب عندي وشدني من وجهي.
زهير:لحد الان انا صابر على هبالك غتزيدي غير شوية غنوريك اش كنسوى
اماني:بلا متمحن راسك راه شفتك شنو كتسوى ،مدمن ومريض نفساني قوتليك عمرك تحلم تقربلي ونتا بغيتي تبوسني بسيف مريض مكبوت
صرفقتي حتى شفت نجوم
زهير:سكتي يا لخانزة انا لي عرفتك على حقيقتك على ود تيكيت ديال لخلاا بعتي راسك ليا وجيتي عندي برجليك عرفت كولشي من عند صاحبتك كولكم فحال فحال قح*** مكتسوااوش دايؤة فيهاا مالاك طااهر هااا ونتي غير عااهرة..
شادة فحنكي ودموع فعيني
اماني:هئ هئ سير فحالك مبغيتش نشوفك
زهير:(جعر) ادن بصح هاد شي لي سمعت شحال شديتي تيكيت ومعاها 3000 درهم هههه (كيضح وعينو حوومر) صافي هد شي لي كتسوى بغيتي تخرجي معايا على ود لفلوس هااااا كونتي تعلميني نعطيك لي بغيتي ولاكن باقي لحال اجي معايا ونتهلا فيك مزيااان
اماني:(نزلو دموعها )طلللق شكتخربق اشمن 3000 درهم الكداب والله وقربتيلي تا نقتلك هئ هئ هديك لي كتعاودليك هاد لكدوب غيركتضحك عليك شوووف غير سمعني عفاااك مااشي فحاال لي حسابليك انا غلطت وشديت تكية حيت الموسخة ديال كوتر هانتني وقللات مني كنعتتارف بلي درت غلط ولاكن عمرني مبعت رااسي لشي حد ولا مشيت معاه على ود لفلووس...
قاطعني بوحد تصرفيقا خرا حتى كنت غنطيح
زهير:سكتي عاد زايدها بالكدوب ،زيدي معايا ونوريك شحال دالفلوش غنعطيك
بدا كيجرني باش نطلع معاه فطوموبيل وانا كنتركل ونضرب فيه ونغوت حتى ضربتو بين رجليه ونترت منو وبديت كنجري كنجري مخلوعة قلبي غيخرج وهو مورايا كيغوت و خرجت لشارع الرئيسي كنجري حتى كنسمع كلاكسون ديال شي طوموبيل وفراااااااان وقفت بلاصتي كنشوف شي ضو كيقرب مني غمضت عيني وهي تضربني طوموبيل حتى ترفعت لسما وطحت الارض ....
تتمة...
♡بقلم~HãNãë♡♡
¤ايام الصاعقة¤
♡بقلم~ HãNãë♡
مبقيتش كنحس بوالو وعيني كيتغمضو شوية بشوية حتى غبت ...
زهير غير شاف منضرها طايحة فالارض بدماياتها حنا عندها ودموع فعينيه كيفيق فيها مصدوم ...
زهير:(شاد فراسو)لاااااااااا اماااااني اماااااني فيقي متمووتيش فيقي انااا سمحت ليبيييك غير فيقي عفااااااك امااااننني
(بدا كيغوت ويفيق فيها حتى جا شدو هداك لي ضربها بطوموبيل ومخلاهش يقيسها وعيط لابيلونص...شوية جات وهزوها لسبيطار دخلوها لبلوك وحالتها خطيرة جاتها دربة لراس وتاصلو بماماها تجي حيت قلبو تيليفونها ولقاو نمرة ، اما زهير شاد فراسو وجالس كيبكي ويلوم راسو ويشهق بغا يحماق عليها كيستنا غير امتا يجي شي حد يطمنو حتى دخلو ماماها وباباها مخلوعين كيسولو عليها بعد ما كانو تاصلو بهند حيت كان يحسابليهم مع بعضهم ولاكن تصدمو بلي هند مامشاتش مع اماني مفهمو والو وطلبو من مامات هند تلحق عليهم للمستشفى هي وهند باش يفهمو شنو طرا ولقاو تما حتى زهير كيبكي ومعاه هداك سيد لي ضربها بطوموبيل كيهدن فيه عاود ليهم بلي كانت كتجري وخرجات وسط الطريق وضرباها بلا ميشوفها وهوما كيسمعو ودمووعهم شلال، شوية دخلات هند مع ماماها مخلوعين...
هند:(مشات كتجري عند سناء) خاالتي سنااء مال امااني اش طرا ليهااا(كتبكي) عفاااك اخاالتي قوليلي بلي موقع ليها واالو عفااك
سناء؛(كتمسح دموعها) تهدني ونتي لي قوليلي اش طرااا باش ممشيتوش مع امااني انا مبقيت فاهمو واالو هيا قاتلي غادين مجموعين مع خوتك ونتي ودابا كنتفااجئ بلي بوحدهااا تكلمي قولي ..
هند:(خافت) انا انا...
محمد:هضري ابنتي علاش ممشيتوش مع امااني
مامات هند:الله يا بنتي وطلقي قولي الحقيقية..
هند:معارفااا واالو معارفة واالو(شدات فراسها وطاحت الترض كتبكي حيت ضغطو عليها وهي مباغاش تفرش صحبتها)
سناء:(حنات عليهاا الارض) متخاافيش اهند مغنتخاصمووش معاها غا قولي الحقيقية عرفتي اجي معاايا نهضرو بوحدنااا انا ويااك
نوضاتها من ارض وعنقاتها وبجوج غادين كيمسحو دموعهم خداتها لوحد القنت بوحدهوم...
سناء:سمعيني اهند نتي عارفة معزتك عندي كنحسبك فحال بنتي امااني عليها بغيتك تعاوديلي كولشي عليها بغيت نعرف شنو لي خلاها تكدب على ماماها عمرها مدارتااا بغيت نعرف وااش عندها شي مشكيل باش نعااونهااا واش بغيتي اماني توقع ليها شي حاجة(حركات راسها بلا) ايواا عاوديلي كنواعدك منتقلقش منها ونعااونهاا باش ما قدرت..
هند:(كتهضر وكتشهق) انا غن غنعاودليك كولشي من نهاار عرفنا زهير
سناء:(متفاجئة) شكوون زهير
هناء:زهير لي كالس تمااا (نعتات بصبعها) هداك (عاودات ليها كوولشي
، على كيفاش حصلات على تيكيت الحفل وحتى على زهير وتصرفاتو معاها بقات سناء مصدومة كتسمع وكتحاول تستوعب اش كان طرا لبنتها بلا خبارها مع هاد المريض المهووس ،وقررات تتصرف بحكمة باش يبعد عليها زهير بدون مشاكل ،خرجات عندهم طبيبة المشرفة على حالة اماني لي عي صديقة سناء المقربة وطلبات سناء باش يهضرو على انفراض دخلو للمكتب وطمناتها على حالة اماني غتحسن مع الوقت حيت غير مقسحة وتهرسات من رجليها ،وحنان عاودات لدكتورة كولشي وبلي زهير هو سبب الحادت وطلبات منها تقول بلي اماني توفات باش ميبقاش يقلب عليها زهير ويبعد عليها للابد وهاد شي دارتو خوفا على بنتها خصوصا ملي عرفات زهير من عائلة مشبوهة وسمعتهم معروفة خايبة ، فلول رفضات الدكتورة ولاكن بما انها صاحبتها وقنفس الوقت حتى هي ام وافقات تساعدها .وفصباح تخبرو بلي ماتت شكراتها حنان و مشات عند بابات اماني خبراتو بلي كاين وخاصهم يتضاهرو بالحزن على اماني وميقلوش الحقيقة لحتى حد .حتى من هند وعائلتها باش تكون ردت فعلهم طبيعة ويقدرو يحميو بنتهم الوحيد من يد شيطان لي خرج عليهاا. داز الليل وزهير باقي فالمستشفى كيستنى شي خبر على اماني وملي صبح الصباح تجمعو كاملين فالمستشفى وخرجات الدكتورة باش طبق الخطة علماتهم بموتها و والدين اماني كيضاهرو بالحزن والبكا اما هند سخفات مسكينة حسب ليها بصح وزهير جاه انهيار عصبي وطاح الارض كيبكي ويغوت ويلوم فراسو حتى جاو واليديه مخلوعين عليه وخداوه لمستشفى خرا ارقى واغلا وعطاوه مهداءات باش يتكالما ،،،عاد عاودو الحقيقة لهند وماماها وفهموهم الوضع واول حاجة دارو نقلو اماني لمستشفى خرا وملي بدات كتحسن عاودوليها كولشي لي وقع ومحاولوش يضغطو عليها او يعاتبوها حيت عرفات غلاطها والمشكل الكبير لي طيحات فيه راسها وعتادرات من واليدها ووعداتهم عمرها تكدب عليهم..
♡بقلم~HãNãë♡♡