أيام الصاعقة

29

29-¤ايام الصاعقة¤
♡بقلم~HãNãë♡
مشيت كنتسحب بين شحر وانا قلبي غيوقف بالخلعة ،حتى وصلت لباب فيلة لقديمة لي كنت محبوسة فيها لقيت تما جوج رجال كيهضرو تخبيت مورا لحيط كنستناهم يمشيو وانا مقنتة مور حيط وحابسة فمي عندك نخرج شي صوت ونفض راسي شوية تفرقو ومشاو وانا مشيت بجرا من ورا فيلة كنقلب على ساكادو دالحوايج لي لحت من شرجم،، كنمشي بشوية وكتخبا فالضلام وبين شجر وعيني كيضورو عنادااك يشدني شي حد بقيت كنقلب حتى لقيتو جبت صباط حيت رجلي تجرحو ملي جريت حفيانا وهزيت ساكادو وبقيت كنشوف اينا طريق نشد حتى كيباالي وحد كاردكور غادي وانا نقرد فالارض بين شجر خليتو حتى مشااا وانا ندور لجهة خراا ملقيت تا حد شفت فالغابة ....ناااري ملي شفت غابة خاوية ومخيفة بلعت ريقي وجمعت شعري وتمشيت بشوية كنتخبا عنداك يشوفني شي حد شفت راسي بعدت شوية على لفيلات وانا ندربها بجرية،،، مرة ندخل فشجر ،مرة نعتر ونطيح مهمنيش نطيح ولا نتجرد لمهم نهرب. كتر من نصف ساعة وانا كنجري حمد لله لي كانت ليلة فيها قمرة مضوية شوية اما كنت حصلت ماقادا نشوف تا طريق عييت بجرا ونفسي تقطع وقفت كنتنفس بصعوبة ودموع كينزلو فحال شتا عاود بديت كنجري حتى ما قديتش نزيد رجعت غير كنتمشا وفكل وانا فااشلة كل قنت من الغابة كنتخايل شي حد جاي يخطفني ولا شي حيوايان مفترس ياكلني كنحاول منفكرش بشي حاجة تخوفني ولاكن مكنقدرش كنحس بالعيا وجوع و الخوف كولشي تخلط عليا جلست ورا وحد الحجرة كبيرة كنلتاقط انفااسي وجمعت رجلي عندي ودخلت راسي بينهم وبقيت كنبكي هاد شي لي كنقد نديرو غير لبكا معندي لا حنين لا رحيييم ...حطيت راسي على ركبتي وشديتهم بيدي كنحاول منتخايلش دوك الهواجيز لي فبالي معرفتش شحال دالوقت وانا هكاك،،، وبلى منحس داني نعاااااس.☆☆☆☆☆

←←عند king
بعدما كان نساجم مع اماني وستسلملها بكل جوارحو مقدرش يمنع راسو من ليلة حمراء معاها وملي دخل فجاكوزي وقاسو لما توكض وتأتير الشراب نقص عليه بقى كيستنها تجيب الفوطة وتجي ولاكن تعطلات وهو يخرج من لما وبغا يفتح لباب دالحمام لقاه مسدود من برا خنزر وبدا كيدق بجهد ويعيط بسميتها مسمعو تا حد حيت الموسيقى كانت مجهدة تما جعر بلمعقول بدا كيغوت بجهد وكيفرع فالباب بقا عليها شحااال حتى هرسها وخرج جااااعر قلب فالبيت عليها مبانتش ليه تما عرفها دارتلو خطة محكمة وحاولات تغريه باش هربات وهو فحال شي كامبو تيقها...
اking:(بالغوات وعينيه حومر) أمااااااااااني ضحكتتتتي علييييا ه ه ه غنقتلللللللك
بقا كيفرع فالباب دالبيت وفكل خبطة كيتفكر بلي بنت قدرات تضحك عليييه بسهولة ونزلات من قيمتو وحطمات رجولته لي عمر شي حد تجرأ يقيسها حتى فتحوليه الحراس ديالو ملي سمعو الغوات....
اking:فيييييينكم البهااايم هديك الق***ديال امااااني هربات قداالم عينيكم ومشتووهااااش اولااد قح.... جيبوهاليا من تحت الارض بغييتهااا حية نشرب من دمهااااااا بيددددددي....
اصبح ضوء النهار يضيئ نوره على بطلتنااا
☆☆ااااي كولشي كيضرني،..
بقيت كنتجبد حيت ضارني ضهري وكلي مسخسخة وعيني باقي مغمضين وانا نقيس فالارض لقيتها حرشة عاد تفكرت شنو طرا لبارح وبلي بايتة فالغابة فتحت عيني و قفزت من بلاصتي سما بدات كضوي ولقيت راسي نعست على الارض نضت مخلوعة كنشوف فجنابي لقيت راسي باقي بلاغوب وساكادو قدامي شفت مورايا فين انا واش كاين شي حد كان سكاات وغير شجركيتحركو والعصافير كيغردو ...
اماني:اربي اش هااد الكاابوس عائشاااه(غادة وكتمسح دموعها)
كملت طريقي وانا غير غادة مكنعرف تا شمن بلاصة انا واش فشرق ولا فالغرب ،، سمعت صوت لما وتبعت صوت حتى شفت وحد نهر مشيت كنجري قربت ليه وشربت حيت كان فيا العطش غسلت وجهي ويدي فتحت ساكادو وجبدت حوايج لي جبت معايااا باغة نبدل هاد الكسوة لي لابسة كلها عرياانة وانا نسمع شي حد كيهضر تخلعت ومشيت تخبيت من ورا شجر وسديت سكاادو كنتصنت...
راجل: سير نتا قلب فديك جيهة ونتوما تبعوتي ليوم الى ملقينهاش يقتلونا..
بردو ليا لما فركابي ناااري تلقا kingقالب عليا دنيا باغي يصفيهالي يا ربي سلامة..
بقيت مخبيا شحاال مورا وحد الشحرة وفيها وحد الحجرة كبيرة وانا كنقفقف،ميمكنش نبقا هنا خاصني نهربتتمة.. .
شفت ليمين و شمال مبالي حد ونا نعطيها لجرا وكندور ورايا نشوف واش تابعني شي حد بقيت كنجري ونلهت ،،،درت نشوف ورايا وانا نتصاطح مع شي حد حتى طحت ارض طلعت عيني فيه مرعوبة ، شفتو وقلبي تزعزع من نضراتو وحجبانو مخنزرة كان راجل طويل ومفورمي شعرو مطلع شوية رطب ولحيتو عشوائية لي زاتو وسامة ولاكن فرمتو كتخوف شفتو كيدوز عينو على جسدي وانا طايحة فالارض والكسوة زادت طلعات وفرمتي باينة بكل تفاصيلها بديت كنهبط فالكسوة مخلوعة
(بغيت نبكي) اويلي ياك ما لقاوني هئئئئئئ،،نضت دغيا بغيت نهرب وهو يشدني من يدي وقربني ليه...
.....:(بحدة)شنو كديري هنا
اماني:عفاااك الله يخليك طلقني مترجعنيش عندهم (كتبكي)...
....:(بالغوات) وقفي مقاااادةة وهضررري !!!
اماني:طلق مننننني
دفعتو وكل قوتي وبديت كنجري قلبي غيوقف ومستسلمتش بقيت كنجري كنجري حتى شدني من خصري مزيرعليا
اماني:(كنتركل)هئ هئ حرااام عليكم بعدو مني هئ هئ
......: واااش غتبتي ولا ميعجبك حاال
اماني:بغيت نمشي لدارنا هئ هئ مترجعنيش عندهم
.....:علاش كتهضري واش شي حد تابعك
شفت فيه ودموعي فعيني
اماني:هءءءء نتا ممعاهمش
.....:(مخنزر)شكون هادو!!!
اماني:(مسحت دموعي وبعدت منو) كداااب كتكب عليا نتا معاهم وباغي ترجعني عندهم
نترت منو بجهد وعطيت رجلي لريح هربت ليه كنجري كنجري حتى سخفت ضرت وراياا ملقيتووووش.... ونزيدنبعد باش ميلقاونيش .