LOVE or ANGER [Completed]

Chapter 18 : ខ្ញុំជាហ្វេនផ្កាប់មុខរបស់លោក

Jin មកដល់ផ្ទះបងស្រីតែបែរជាឃើញសភាព សាកសពរបស់ផ្ទះដែលឆេះខ្ទេចខ្ទីនៅសល់តែបំណែកខ្មៅៗសល់ពីការឆាបឆេះនៃអណ្តាតភ្លើងហើយត្រូវប៉ូលិសហ៊ុមព័ទ្ធទុកជាកន្លែងហាមឃាត់ទៅវិញ

“ មានអ្វីកើតឡើង!? ” រាងខ្ពស់ឈរសម្លឹងជុំវិញ ខ្លួនតែទីនេះស្ងាត់ខ្លាំងណាស់គ្មានមនុស្សគួរសួរនាំទេ

“ លោកប្រាកដទេថាមិនច្រឡំផ្ទះ!? ” នាងក្រមុំ ចេញពីឡានឈរនៅពីក្រោយ Jin នាងជាអ្នក គ្រប់គ្រងផ្ទាល់ខ្លួនរបស់គេឈ្មោះ Gu YuYav នាងតែងតែតាមគេជាប់ 24ម៉ោងគ្រប់ទីកន្លែង ព្រោះខ្លាចថាគេត្រូវហ្វេនៗចាប់យកទៅបាត់ឬក៏លួចទៅទាក់ទងមនុស្សស្រីខាងក្រៅម្យ៉ាងទៀតបើគេលួចចេញទៅបង្កបញ្ហាប៉ះពាល់ដល់កេរ្តិ៍ឈ្មោះរបស់គេនោះចប់មិនខានទេ

“ នាងនិយាយដូចនាងមិនធ្លាប់មកចឹង!? ក្រែង រាល់ដងនាងជាអ្នកបើកឡានជូនខ្ញុំមកមិនចឹងហេស!? ”

“ មែនហើយ ខ្ញុំចាំបានច្បាស់ណាស់ មិនច្រឡំ ផ្លូវទេ!! ” នាងបើកទូរស័ព្ទឆែកមើល Google map ឱ្យប្រាកដចិត្ត នាងពូកែចំណាំផ្លូវណាស់ មិនសមថាមិនបានមកពីរបីឆ្នាំវង្វេងទេ

“ ខ្ញុំថាយើងទៅសួរនាំប៉ូលិសប្រចាំតំបន់វិញ!! ពួកគេច្បាស់ជាដឹងមិនខាន!! ” រាងក្រាស់ដើរ បកទៅឡានវិញ នាងក្រមុំក៏ប្រញាប់រត់តាម ញាប់ជើង ជំហានគេវែងៗពេកហើយរត់តាម ស្ទើរផ្កាប់មុខ

“ Ring Ring!! ”

YuYavលើកទូរស័ព្ទនិយាយទាំងដៃកំពុងបញ្ជាចង្កូតឡាន ហេតុអីខលមកតែពេលមានការប្រ ញាប់បែបនេះ!?

“ Hallo មានការអី!? ”

“ YuYav ឆាប់នាំ SeokJin ត្រឡប់មកផលិត កម្មមក!! ” អ្នកនៅខ្សែម្ខាងទៀតឆ្លើយតបធ្វើឱ្យ នាងក្រមុំងាកមើល SeokJin តាមកញ្ចក់ឡាន

“ មានរឿងអី!? ពួកយើងកំពុងមានកិច្ចការប្រ ញាប់!! ”

“ ក្រែងគេជាអគ្គរាជទូតរបស់កូរ៉េមិនចឹងហេស? ត្រឡប់មកវិញគួរណាស់តែទៅសម្តែងការគួរសមនៅមុខលោកប្រធានាធិបតីខ្លះ ហើយគេក៏មិន ទាន់បានធ្វើសន្និសីទកាសែតអ្វីដែរ ប្រញាប់ ឡើង!! ” អ្នកម្ខាងនិយាយតឿនហើយចុចបិទ បាត់