LOVE or ANGER [Completed]

Chapter 21 : ខ្ញុំនឹងធ្វើឱ្យលោកឈឺចាប់ជាងខ្ញុំរាប់ពាន់រាប់ម៉ឺនដង

XianNu រៀបចំខ្លួនរួចរាល់ហើយដើរចុះមកខាងក្រោមមើលភូមិគ្រឹះទាំងមូល នាងជាម្ចាស់ស្រីនៅទីនេះភូមិគ្រឹះនេះក៏ដូចជារបស់នាងដូចគ្នា សូម្បីតែអ្នកបម្រើក៏នាងអាចគ្រប់គ្រងបញ្ជាតាមចិត្តដែរ

រាងក្រាស់បោះជំហានស្រាលៗបម្រុងចេញទៅក្រៅតែក៏គ្រវាសកន្ទុយភ្នែកឃើញ Joo ឈរមុខទ្វារបន្ទប់នៅម្ខាង គេមកឈរធ្វើអីនៅទីនេះ!? ក្រែងពេលនេះគេត្រូវបើកឡានជូនចៅហ្វាយគេទៅក្រុមហ៊ុនមែនទេ!? ហេតុអីបាត់ Suga ឃើញតែ Joo ម្នាក់ឯង!?

“ Joo ឯងឈរធ្វើអីនៅត្រង់នោះ!? មិនទៅតាមចៅហ្វាយឯងទេហេស!? ” ម្ចាស់ស្រីដើរទៅជិត Joo យឺតៗធ្វើឱ្យគេភ័យរអាក់រអួលរកឆ្លើយមិនត្រូវ

“ ចៅហ្វាយ....ចៅហ្វាយគាត់....!! ” អ្នកកម្លោះរេរាមិនដឹងត្រូវឆ្លើយយ៉ាងមិចបើប្រាប់ថាចៅហ្វាយប្រុសគេនៅខាងក្នុងច្បាស់ជាត្រូវស៊ីគ្រាប់សំណមិនខាន

“ នៅអិអឹដល់ណា? ឯងគឬយ៉ាងមិច? ” តូចតន់សម្លឹងទៅទ្វារ សម្លេងយំខ្សឹកខ្សួលលឺចេញពីក្នុងបន្ទប់ធ្វើឱ្យនាងកាន់តែសង្ស័យឡើង

“ នរណានៅខាងក្នុង? ” នាងបម្រុងបើកទ្វារចូលតែ Joo រត់ទៅបាំងមិនឱ្យចូល

“ ចៅហ្វាយស្រីកុំចូលទៅអី!! ”

“ ចេញ!! ” រាងស្តើងរុញ Joo ចេញពីមុខទ្វារមិនទាន់នឹងបើកផងត្រូវអ្នកខាងក្នុងបើកបានមុន

Suga ឈរនៅមាត់ទ្វារទាំងកអាវមិនទាន់បិទឡេវគ្រប់នៅឡើយហើយសម្លឹងមុខ XianNu ជាមួយទឹកមុខរៀបស្មើ

“ ??? ” XianNu មើលទៅក្រោយខ្នងអ្នកដែលជាស្វាមីឃើញមនុស្សប្រុសគេងបែរខ្នងនៅលើគ្រែគ្របភួយជាប់ត្រឹមក សម្លេងយំរបស់គេលីរង៉ូវៗចេញមកក្រៅជាមួយសម្លេងសសឹកដង្ហក់ដង្ហើមខ្សឹកខ្សួលមកជាមួយគ្នា

“ គ្រាំង! ” ទ្វារបិទម្តងទៀតដោយដៃ Suga លាន់ស្ទើរបែកត្រចៀក ព្រោះមិនចង់ឱ្យអ្នកខាងក្រៅមើលឃើញពីទិដ្ឋភាពខាងក្នុងបន្ទប់

“ អូនមកធ្វើអីទីនេះ!? ” សម្លេងត្រជាក់ស្រេបរបស់ចៅហ្វាយប្រុសចោទសួរភរិយាដោយមាន Joo ដែលជាដៃស្តាំកំពុងរៀបចំរបៀបរៀបរយសម្លៀកបំពាក់ឱ្យគេមុននឹងចេញទៅក្រៅ