LOVE or ANGER [Completed]

ភាគទី 53 : ខ្ញុំស្អប់នាងខ្លាំងណាស់ ស្រីបីសាច....

XianNu ដកដង្ហើមវែងៗទាំងធូរទ្រូង ហើយដកខ្លួនចេញពីត្រង់នោះ តែជើងចង្រៃក៏គ្រវាសទៅទាត់បំពង់ពន្លត់អគ្គីភ័យជិតនោះដួលរមៀលទីងណាត់ទីងណែង សំណាងហើយដែល Joo ដើរទៅបាត់ បើគេនៅជិតនេះច្បាស់ជាបានលឺមិនខាន

នាងក្រមុំរៀបចំបំពង់ពន្លត់អគ្គីភ័យទាំងនោះឱ្យឈរជាជួរមានសណ្តាប់ធ្នាប់វិញ តែពេលនាងដើរចេញពីសរសេរធំមួយនោះហើយក៏ត្រូវមកឈរគាំងលែងកម្រើកម្តងទៀត Joo... Joo កំពុងលុតជង្គង់នៅចំពោះមុខនាង

“ លោក... លោកមិនទាន់ទៅទេហ្អេស? ” XianNu និយាយអីមិនចេញក្រៅពីសំណួរមួយនេះ ពេលស្ងាត់បាត់សម្រឹបជើង នាងគិតថាគេដើរទៅបាត់ហើយ តែនាងយល់ខុស ការដែលបាត់សម្រឹបជើងគឺមកពីគេរវល់លុតជង្គង់ចងខ្សែស្បែកជើងនេះឯង នាងគួរធ្វើយ៉ាងម៉េច បើត្រូវគេចាប់បាននៅនឹងមុខបែបនេះទៅហើយ

“ ហេតុអីមិននៅក្នុងបន្ទប់? ចេញមកដើរឆ្វេចឆ្វាចធ្វើអី? ” Joo ងើយមុខមើលមនុស្សស្រីចំពោះមុនដែលឈានជើងថយក្រោយបន្តិចម្តងបន្តិចម្តង

“ មិននៅទេវ៉ឺយ! ” XianNu បែរខ្នងរត់យ៉ាងលឿនសម្តៅច្រកចេញ បើ Joo រត់តាមចាប់នាង នាងនឹងស្រែកខ្លាំងៗថាគេចង់រំលោភនាង

“ ឈប់ភ្លាម XianNu! ” មនុស្សជើងវែងរត់តែប៉ុន្មានជំហានក៏ទាន់ទៅហើយ ជើងតូចខ្លីៗរបស់នាងអាចរត់លឿនឈ្នះគេបានយ៉ាងម៉េច រាងក្រាស់ចាប់ដៃស្រីជើងល្អដោយដៃម្ខាងហើយអូសនាងច្រានទៅផ្អឹបខ្នងនឹងសរសរជ្រុងធំជិតនោះមុននឹងសង្កត់ដៃឃាំងជាប់មិនឱ្យគេចទៅណារួច

“ លែងខ្ញុំទៅវិញទៅ! ” នាងប្រឹងច្រានគេចេញព្រមទាំងស្រែកលឺឆ្វេចឆ្វាចធ្វើឱ្យគេស្រកៀរត្រចៀកទើបត្រូវគំហកមកវិញ

“ នរណាឱ្យនាងរត់? នាងមានដឹងខ្លួនថាស្ទើរតែបាត់បង់កូនទេ? ”

“ កុំគំហកដាក់ខ្ញុំ កូនជាកូនរបស់ខ្ញុំ លោកមកចេះដឹងស្អី? ” XianNu នៅស្ងៀមហើយយកដៃទប់ពោះទាំងមើលភ្នែកត្លែរសម្លឹងមុខគេវិញ បើគេបង្ខំនាង នាងស៊ូស្លាប់មិនខាន

“ នាងតែម្នាក់ឯងអាចធ្វើឱ្យខ្លួនឯងមានផ្ទៃពោះបានហ្អេស? ”