same mistake <* C >

same mistake-20

တနင်္ဂ​နွေ​နေ့​တွေမှာ ချစ်ရသူကိုရင်ခွင်ထဲထည့်ဖက်၍ ဇိမ်ရှိရှိအိပ်​မောကျ​နေဖို့ မဖြစ်နိူင်​တော့ဘူး ။ ရှားရှားပါးပါးအားလပ်ရက်လို့​ပြောကြရင်​တောင် ချန်း​ယော်လ်အတွက် ရက်​တွေထဲက ရက်စွဲ​နေ့တစ်ခုထက် ပိုမလာ​တော့ဘူး ။ ​​တစ်ခါတစ်​လေ ​ကော်ဖီ​ချိုချို​သောက်ချင်လို့​​​ဖျော်လာပြီးမှ လုံးဝမ​သောက်ချင်​တော့တာမျိုး၊ ​​နောက်​​နေ့မနက်မှာ ​သေချာ​ပေါက်ဝတ်ဖို့ ဆုံးဖြတ်ထားတဲ့ မီးပူ​ကြော့​ကြော့ဝတ်စုံကိုပစ်ပြီး တွန့်​ကြေ​နေတဲ့ဝတ်စုံကို​ရွေးချယ်တယ်။ နှုတ်ခမ်း​မွှေး​ရေး​ရေး​ပေါက်​နေတာ စိတ်ကုန်တတ်​ပေမယ့် တစ်ခါတစ်ခါကျ ပသိုင်း​မွှေး​လောက်အထိကို နှုတ်ခမ်း​မွှေးရှည်ရှည်ထားပစ်ချင်လာတယ် ။ နား​ထောင်လက်စ သီချင်းကို ပြီးခါနီးလေးစက္ကန့်စာ​လောက်မှ ​ကျော်ပစ်မိတယ် ။ တီဗွီကိုအကျယ်ကြီးဖွင့်ထားရတာကြိုက်သလို တစ်ရက်တစ်​လေကျ ဘာသံမှမကြားချင်ပြန်ဘူး ။ ဟာသ​တွေမြင်ရင်၊ကြားရင် ​ငေးကြည့်​နေပြီး တစ်နာရီ​လောက်ကြာမှ တဟားဟားထရယ်ချင်လာတယ် ။

ဘာမှမလုပ်ပဲ အခန်းအ​မှောင်ချပြီး တစ်​နေကုန်တစ်​နေခမ်းအိပ်ရတာကြိုက်တယ်။ ဒါ​ပေမယ့် ​နေသာသာ​နေ့​တွေဆိုလည်း ကြိုက်​နေမိပြန်တာပါပဲ ။ တခြား​ထွေ​ထွေထူးထူး​ဆိုရင် ​တော်ရုံနဲ့မျက်ရည်ကျမလွယ်​တော့ဘူး ။ သူ့ကိုလွမ်းတိုင်း ပြုံး​နေရတာ ကြိုက်လာတယ် ။

နေ့ရက်တိုင်းက အသက်သာရှု​နေရ​ပေမယ့် တစ်ခါတစ်​လေ ရင်ဘတ်ကိုပြန်စမ်းကြည့်မိ​သေးတယ်။ ရင်မှခုန်တတ်​သေးရဲ့လား​ဆိုပြီး ။ သံပါတ်​ပေးထားတဲ့ စက်ရုပ်တစ်ရုပ်နဲ့ မခြားမနားစွာ ချန်း​ယော်လ် ​နေ့စဥ်ဘဝကိုဖြတ်သန်း​နေခဲ့တယ်။

' ဒီ​​နေ့ အိမ်ရှင်းဦးမှပါ ၊ အကြာကြီးပစ်ထားမိတာ ရှုပ်ပွ​နေပြီပဲ '

အငယ်နဲ့အတူ အမှတ်တရ​တွေအပြည့်ရှိ​နေတဲ့ ဒီအိမ်ကို​တော့ ချန်း​ယော်လ် သိပ်တန်ဖိုးထားသည်။ ဒီအိမ်ထဲမှာ အတူရယ်​မောခဲ့ကြတယ်၊ အတူ​ပျော်ရွှင်ခဲ့ကြတယ်၊ အတူငို​ကြွေးခဲ့ကြတယ်။ အတူ​မျှော်လင့်ချက်​တွေ​ဆောက်တည်ခဲ့ကြတယ်။ အတူ​မေ့​ဖျောက်ဖို့ကြိုးစားခဲ့ကြတယ်။