same mistake <* C >

same mistake-21

' အငယ် '

​ကျင့်သားရ​နေ​သောနှုတ်ခမ်းတို့သည် ထိုအမည်နာမအား ​ယောင်ယမ်းစွာ​ခေါ်မိပြန်၏ ။ ​ခြောက်နှစ်ဆိုတဲ့ အတိုင်းအတာအတွင်းမှာ ဒီအသုံးအနှုန်းကို အငယ် သ​ဘောကျ​​သေးရဲ့လား ။

' အစ်ကို ​နေ​ကောင်းတယ်​နော် '

ချန်း​ယော်လ်ကိုကြည့်၍ ပြုံး​နေဆဲထို​​ကောင်​လေးသည်လည်း စကားတို့ဘယ်ကစရမယ်မှန်း သိပုံမ​ပေါ် ။

' ကိုယ်က​တော့ အမြဲကျန်းမာ​နေတာပါပဲ '

' ကျန်းမာ​နေရင် ရပါပြီ '

​ကောင်​​လေး ထိုစကားအားတိုးတိုး​လေး ​​ရေရွတ်ပါ၏ ။ နှုတ်ခမ်းစွန်း​လေး​တွေ​ကွေး​နေ​​အောင်​တော့ ​ကောင်​လေးအပြုံးလှလှဆင်မြန်းထားဆဲပါ ။ ချန်း​ယော်လ် ​နှစ်​ပေါင်းများစွာကွာ​ဝေး​နေသည့် ချစ်ရသူမျက်နှာကိုသာ ​​ငေး​မော​နေမိ​တော့သည်။ ​ကောင်​လေးသည်လည်း ချန်း​ယော်လ်ကိုအကြည့်မလွှဲသွား​ပါ ။ သို့​ပေမယ့် ​ခြောက်နှစ်ဆို​သောအတိုင်းအတာပြီးဆုံးသွားချိန်တွင် ချန်း​ယော်လ်သည် သည်ထက်ပို၍ ​ကောင်​လေး၏ကမ္ဘာငယ်ဖြစ်မလာ​တော့ပြီထင်။ ချန်း​ယော်လ်အားကြည့်​နေခဲ့​​သော ​ကောင်​လေး၏မျက်ဝန်းအစုံတို့သည် ကြယ်တာရာ​တွေလို တလဲ့လဲ့​တောက်မ​နေ​တော့ပါ ။

' အငယ် အချိန်ရလား '

ချန်း​​ယော်လ် ​ကောင်​လေးအားစိုက်ကြည့်၍ ​အရဲစွန့်​မေးလိုက်၏ ။

' ကိုယ်တို့ ​စကားခဏ​ပြောလို့ရမလား '

​တွေ​ဝေသွားပုံရ​သော​ကောင်​လေး၏မျက်နှာရိပ်​ကြောင့် ချန်း​ယော်လ် အနည်းငယ်စိုးထိတ်သွား​သေး၏ ။ မဟုတ်မှ ငြင်းဖို့ကြံ​နေသလား ။

'အင်း ၊ ရပါတယ် '

နှုတ်ခမ်း​ပါးပါး​ကွေးညွှတ်​အောင်ပြုံး၍ သူကအ​ဖြေ​ပေးလာ၏ ။

' ​ကျေးဇူးတင်ပါတယ် အငယ် '

​ပျော်ရွှင်စွာပင် ချန်း​ယော်လ် သူ့လက်ကိုဖမ်းဆုပ်ကိုင်မိ၏။ သို့​သော် ​ကောင်​လေးသည် ​ကြောက်လန့်စိုးထိတ်စွာနှင့် အ​နောက်သို့​ခြေဆုတ်သွား၏ ။