same mistake <* C >

same mistake-27

' အဆုတ်ကင်ဆာဖြစ်ဖို့ အစပျိုး​နေတာပါ ၊ အရမ်းကြီး မပြင်းထန်​သေး​ပေမယ့် ဂရုစိုက်ဖို့လိုပါတယ် '

​ဆေးမှတ်တမ်းနှင့်အတူရရှိလာ​သော ဆရာဝန်၏မှတ်ချက် ။ ချန်း​ယော်လ် ပြုံးပဲပြုံးမိတယ်။ ဒီနှစ်​တွေတည်း အထီးကျန်လွန်းမိတဲ့အချိန် ဖွာရှိုက်မိခဲ့တဲ့​ဆေးလိပ်​တွေ​ကြောင့်ဆိုတာ ချန်း​ယော်လ်သိတယ် ၊ သို့​ပေမယ့် အငယ်ကမတူ ။ ထိတ်လန့်သွား​သောမျက်နှာ​ပေးကို ချန်း​ယော်လ် အ​သေအချာမြင်လိုက်တယ် ။ နှုတ်ခမ်းပါးကိုခပ်​စေ့​စေ့ထားလို့ တည်ငြိမ်ဖို့ကြိုးစား​ပေမယ့် တဆတ်ဆတ်တုန်ရီချင်​နေတာ ချန်း​ယော်လ်​​တွေ့​နေရတယ် ။ ချန်း​ယော်လ် အငယ့်လက်တစ်ဖက်ကိုဆုပ်ကိုင်​ပေးထားမိတယ်၊
အငယ့်လက်​တွေ​အေးစက်​နေလိုက်တာ ။

' အဆင်​ပြေသွားမှာပါ​နော် ဆရာ၊ ​ဆေး​သောက်ရင်၊ ​ဆေးကုထုံး​တွေ​သေချာလိုက်နာရင် အဆင်​ပြေလာမှာပါ​နော် ၊ အစ်ကို သက်သာမှာပါ​နော် ​​ဒေါက်တာ'

စိုးရိမ်​ကြောင့်ကြ​နေတဲ့အငယ့်မျက်နှာသွင်ပြင်ကိုကြည့်လို့ ဆရာဝန်မျက်နှာမ​ကောင်းပါ ။ အင်း​လေ သက်သာလာတဲ့ ကင်ဆာ​ရောဂါသည်က တစ်ရာမှာတစ်​​​ယောက် ၊ ဒါ​​တောင် ကံ​ကောင်းလွန်း​နေမှ ၊ ဒီလိုဖြစ်စဥ်​​တွေက ချန်း​ယော်လ်တို့ပတ်ဝန်းကျင်မှာ ကြားဖူး​နေကျကိစ္စရပ်​တွေ၊ အသက်ရှင်ကျန်ဖို့ဆိုတာ မျက်လှည့်ဆန်​နေတယ် မဟုတ်ဘူးလား ၊

' ​ဆေးပညာ​တွေဆန်းသစ်​နေတာပဲ ၊ အစ်ကို့​ကို ကု​ပေးနိူင်ပါမှာ ၊ အင်း ကု​ပေးနိူင်မှာ ၊ အခုမှ အစပျိုးရုံ​လေ ၊ ​ဆေးနိူင်သွားရင် အစ်ကို အဆင်​ပြေမှာပါ ၊ သက်သာမှာပါ '

ချန်း​ယော်လ် အငယ့်ကိုပဲ​ငေးကြည့်​နေမိတယ် ။ အငယ် သိပ်​ကြောက်​နေမှာ​ပေါ့ ၊ ချန်း​ယော်လ်ကိုယ်တိုင်လည်း ​ကြောက်မိပါတယ် ။ ချန်း​​ယော်လ် ​ကြောက်တာ ​သေရမှာမဟုတ်ဘူး ၊ အငယ့်အနားက​နေ အ​စောကြီးထွက်သွားရမှာကို သိပ်​ကြောက်​နေမိတာ ။ ဆရာဝန်နဲ့ ချန်း​ယော်လ်အကြည့်ဆုံမိ​တော့
သ​ဘော​​​ပေါက်တယ် ထင်ပါရဲ့ ။

' ညွှန်ကြားမယ့်​ဆေး​​တွေကို ​သေချာ​သောက်မယ် ၊ ကုထုံး​တွေပုံမှန်လုပ်မယ်ဆိုရင် သက်သာလာမှာပါ '