same mistake <* C >

same mistake -25

ချန်း​ယော်လ် အိမ်ကိုအစအဆုံးပြန်ပြင်ဆင်တယ်။ အိမ်အတွင်းခန်း​လျှောက်လမ်း​တွေကို တန်း​တွေဆင်တယ်။ အတတ်နိုင်ဆုံး ​ထောင့်စွန်း​​​တွေကို ​ရေ​ပေါ်ထိုး၍ လုံးဝန်းတဲ့အ​နေအထားရ​အောင် လိုက်ပြုပြင်တယ် ။ အခန်းတံခါးကို အ​ရှေ့အ​နောက်ပဲချန်လို့ ကျန်တဲ့အခန်း​ပေါက်​တွေဖျက်ပစ်တယ်။ ကုတင်မထား​တော့ပဲ ​​ကြမ်းခင်းမှာပဲ အိပ်ယာခင်းအိအိထားလိုက်တယ် ။

ကျကွဲနိူင်မယ့်ဖန်ခွက်​တွေအစား ဖိုင်ဘာပစ္စည်းလှလှ​တွေ အစားထိုးသုံးတယ် ။ မီးဖိုခန်းဗီရို​တွေရဲ့ အငယ်လက်လှမ်းမှီ​လောက်မယ့်​နေရာမှာ ပစ္စည်း​တွေ၊မုန့်​တွေထားတယ် ။

အိမ်​​ရှေ့မှာရှိ​နေတဲ့အုတ်ခုံကိုဖျက်ပြီး အဝင်​ပေါက်ကိုချဲ့တယ် ။ ပန်းခြံထဲမှာ အငယ်သ​ဘောကျတဲ့ ဒန်း​ကိုသာချန်ထားပြီး ကျန်တဲ့ပန်းရုံ​တွေကို ဖယ်ရှားပစ်လိုက်တယ် ။

' အဟွတ် '

တစ်​နေကုန် ​ဆေးလိပ်ခဲပြီး မစားမ​​သောက်နဲ့ တကုပ်ကုပ်အလုပ်လုပ်​နေတာမို့ ချန်း​ယော်လ် အာ​ခြောက်လာပုံရတယ် ။ ​​လက်ကျန်​ဆေးလိပ်ကို လွင့်ပစ်လိုက်ပြီး ချောင်းတစ်ချက်ဟန့်လို့ သလိပ်​ထွေးထုတ်လိုက်တယ် ။

အပင်​တွေဆွဲနှုတ်ထားလို့မွစာကြဲ​နေတဲ့​မြေစိုင်ခဲ​တစ်ခုအ​ပေါ်မှာ ​​အနီကျဲကျဲသွေးစတစ်ခုတင်ကျန်သွားတယ် ။ ချန်း​ယော်လ်က​တော့ သာမာန်ကာလျှံကာနဲ့ မမြင်ခဲ့​တော့ပါ ။

................

အစအဆုံးပြန်ပြင်ရတာမို့ အိမ်ပြင်ချိန်က နှစ်ပါတ်ကျော်ကြာမြင့်သွားခဲ့တယ် ။ အိမ်ကိုအမြန်ပြီးချင်​ဇောနဲ့ ကြားရက်​တွေထဲမှာ ချန်း​ယော်လ် အငယ့်ကိုပင်သိပ်မ​တွေနိူင်ခဲ့ဘူး ။

' ငိုပြီးပြန်မလာခဲ့နဲ့ '

ဟိုထက်​ပြော​တော့ ဘတ်ခ်ဟျွန်းရယ်တယ်။ ထို့​နောက် ဘတ်ခ်ဟျွန်း ဟိုထက်ကိုဖက်ထားမိတယ် ။

' အရာအားလုံးအတွက် ​ကျေးဇူးတင်ပါတယ် အစ်မ '

ဟိုထက်လည်း ဘတ်ခ်ဟျွန်း​ကျော​လေးကို အသာပုတ်လို့ ပြုံးရုံသာပြုံး​နေ​တော့တယ် ။