same mistake <* C >

same mistake -16

အစ်မဟိုထက် ​ကောင်တာမှာ​ ဆေးစာရင်းသွားထုတ်​​နေတာမို့ ဘတ်ခ်ဟျွန်းထိုင်​စောင့်​နေမိတယ်။ ပြီးရင် အစ်မကို မုန့်ပူဆာဖို့လည်း​တွေးထားပြီးသား ။ ပုံမှန်အချိန် အချိုသိပ်မကြိုက်တဲ့ ဘတ်ခ်ဟျွန်းက ​နေမ​ကောင်းဖြစ်ပြီဆို တခြားအာဟာရဖြည့် အစားအစာ​တွေထက်ပိုပြီး လီမွန်မာကာရွန်ကို ခံတွင်း​​​​တွေ့တယ်၊ ဒါ​ပေမယ့် နှလုံးအ​ခြေအ​နေ​ကြောင့် အများဆုံးစားရလှ ၃ခုပဲ ။ ​​

' ဝါး ၊ ဦးဦးလက်က လှလိုက်တာ '

အစ်မကို​စောင့်ရင်း ဘတ်ခ်ဟျွန်း ဟိုဒီ​လျှောက်​ငေး​နေတုန်း ငါးနှစ်အရွယ်​လောက်ရှိမဲ့ က​​လေးတစ်​ယောက် ဘတ်ခ်ဟျွန်းအနားလာဝင်ထိုင်တယ်။

' အားရီဂူး ဟုတ်လား '

' ဟုတ် '

ဘတ်ခ်ဟျွန်းပြုံးပြပြီး စကားကိုခပ်မြူမြူ​ ​​ပြောလိုက်​တော့ က​လေးက ​ရှေ့သွားနှစ်​ချောင်း ပြတင်း​လေဟပ်​လေးနဲ့ အသံစာစာ​​ဖြေတယ်။

' ချစ်ဖို့​ကောင်းလိုက်တာ ၊ နာမည်က ဘာလဲ '

ဘတ်ခ်ဟျွန်း က​​လေးငယ်၏​ပါးကိုဖွဖွညစ်ရင်း ​မေးလိုက်သည်။

' ​ဂျောင်မင်းပါ ၊ ​​ဟော​ဂျောင်မင်း '

' ဟုတ်လား ၊ ​ဂျောင်မင်း​လေးကို '

​ဘတ်ခ်ဟျွန်း က​လေးကို​အ​သေချာသတိထား ကြည့်မိသည်။ က​လေးငယ်ငယ်ဖြစ်​ပေမယ့် ​သွေး​ရောင်လွှမ်း​နေရမယ့် နှုတ်ခမ်း​တွေ​နေရာမှာ ဖြူ​ဖျော့​ဖျော့နှင့်သာ၊ ဝိုင်းစက်ကြည်​​တောက်​နေရမည့်မျက်လုံး​တွေက မျက်ကွင်းညို​တွေ။

' ​​ဂျောင်မင်း​လေး​​ရေ ၊ အခန်းပြန်ရ​အောင် '

က​လေးငယ်က အ​နောက်ကိုလှည့်ကြည့်ပြီး

' ​မေ​မေ ​ခေါ်​နေပြီ၊ တာတာ့ ဦးဦးလှလှ '

မိခင်ဖြစ်ပုံရတဲ့အမျိုးသမီးအသံကြား​တော့ က​လေးက ဘတ်ခ်ဟျွန်းကိုနှုတ်ဆက်ပြီး ​ပြေးထွက်​သွား​တော့တယ်။ က​လေးသုံးသွားတဲ့အသုံးအနှုန်း​​ကြောင့် ဘတ်ခ်ဟျွန်း ခစ်ခနဲရယ်မိ​သေးတယ်။

' တစ်ကယ်အပြစ်ကင်းစင်ကြတာပဲ '

​​ဘေးတိုက်လှမ်းမြင်​နေရ​သေးတဲ့ က​လေးမျက်နှာက အပြုံး​တွေ​​ဝေဆာလွန်း၏။ ​အင်း​လေ၊ က​လေးတစ်​ယောက်ရဲ့ကမ္ဘာဆိုတာ ​မေ​မေ့လက်ညိုးတစ်​ချောင်းကို သူ့လက်​သေး​သေး​တွေနဲ့အပြည့်ဆုပ်ကိုင်ထားရပြီး ပြုံး​နေတဲ့​မေ​မေ့မျက်နှာကို လှမ်း​ငေးရတဲ့အချိန်မဟုတ်လား ။ ဖြူစင်ကြတယ် ၊ အပြစ်ကင်းကြတယ် ။ ဘတ်ခ်ဟျွန်းဆီမှာ ​​လောဘရှိဖူးခဲ့တယ် ။ ရယ်ချင်စရာဖြစ်​ပေမယ့် အစ်ကိုနဲ့ဆင်တဲ့က​လေးငယ်​လေး တစ်​ယောက်ကို ကိုယ်တိုင်​မွေးထုတ်​ပေးချင်ခဲ့တယ်။ မဖြစ်နိူင်တဲ့ကိုယ့်ဘာသာအတွက် ကြိတ်ဝမ်းနည်းဖူးတယ် ။ ​ဆေးစာ​​တမ်းတွေရှာ​ဖွေဖတ်ပြီး ဘယ်လိုလုပ်ရင် သန္ဓေ​ဆောင်နိူင်မလဲ၊ ​ဆေးရုံ​တွေသွားပြီး ​ဆွေး​နွေးမှုခံယူမှု​တွေယူမိတဲ့အထိ ကြိုးစားဖူးတယ်။ အစ်ကိုမသိ​အောင်​ပေါ့ ။