IT FELT LIKE a long way to the house. When we finally got there, I was winded. Nanggagaling ang sigaw at iyak ni Anna sa balkonahe.
"Anong nangyari?!" taranta kong tanong nang makaakyat kami sa wakas sa hagdanan at nakikita ko na ang namumutla at luhaan kong kapatid.
"Ate, si Tootsie..."
Noon ko narinig ang hingal at ungot ni Tootsie. Napapihit ako mula sa pagsugod kay Anna sa sulok na hindi nakikita sa may hagdan dahil sa set ng benches malapit sa railing ng balkonahe na nakaharang doon.
Nakalupasay doon si Tootsie Roll, at ang daming dugo sa tiles.
"Oh my God..." nasambit ko habang napapaluhod. Pero hinila ako ni Gian para makatayo uli.
"Tawagan mo si Aling Celia," utos niya sa akin habang dinudukot ang kanyang cellphone sa kanyang bulsa. "I'll call your mother. Anna, hold yourself together. Can you contact Tootsie's vet?"
Tumakbo ako kay Aling Celia habang nagpapahid ng luha sa aking mga pisngi. Inabutan kong palabas na ang matanda, naka-mahabang saya na sinusuot nitong pantulog.
"Ano bang nangyayari dito? Bakit may sumisigaw?!" tarantang tanong nito.
Hinila ko ito palabas sa balkonahe. "Manang, ang daming dugo ni Tootsie!"
Nang nakita na ni Aling Celia si Tootsie, ito naman ang nag-hysterical, so Anna went to her to calm the older woman down.
"Tell your Tatay Jess to call the police," sabi ni Gian sa akin habang nakatiklop ang isang tuhod sa sahig.
Narinig ko ang kakaibang tono sa tinig niya at bumaling ako sa kanya para maobserbahan si Tootsie sa mas malapit. Tinanggap ko rin ang phone niya at nakita kong kumukunekta ang Messenger niya kay Tatay Jess. "B-Bakit pulis?" tanong ko sa kanya habang dinidikit nag phone sa teynga ko. Nagri-ring na ang phone sa kabilang linya.
Sandali siyang nag-atubili. "May sumaksak sa kanya, baby," mahina niyang sabi. "Tell your stepfather, and then ask him to call the police."
Isang sandali akong napatda sa kanya. Hindi simpleng nanganganak lang si Tootsie? May sumaksak sa kanya?
Pagkatapos, nangangatal ang mga kamay na inangat ko ang phone sa aking teynga at sinabi ko kay Itay Jess na may sumaksak kay Tootsie Roll at nag-aagaw-buhay ito.
At please, daanan ng mga ito ang beterinaryo.
Then I called the police.
BINABASA MO ANG
Secret Sins & White Lies: Book One of the Sweet Rage Series
Mistério / SuspenseGIANCARLO VERRAZZANO lives a life forged out of the sins of his past. There was no going back. Or so he thought... Young Elise of the Von Schillers family was sent to Gian so he could mentor her without divulging her real identity. A professed cyni...
