انا العراق
بارت (٨)
براء كريم
كنا لا نعرف طعمَ الحربِ
حتى أتى ع شكل باقةٍ من القنابل
اهدتنا الحياةُ قبلة وجع
تمزقت احلامُنا قبل اجسادنا
امست ازقتنا تضج بلقتلةِ
ترتادُ ادعيتُنا السماءِ
تبحث عن ملائكة لم تزر بلادنا
عطرُ الموت يجتاح حواسنا
تغُري الأموال ضمائِرنا
وينسى جميع الناس اننَّا اغنياء بفقرناجدي باوع لمهيمن وضيق عيونه يحاول يفهم كلامه بعدها كاله
_يبني لتخاف احنه عدنه بيت ابني هنا محد بي ابني مسافر لخارج تكدر أنت وامك تكعدون بي ويوليدي موش من شيمنه نعوفك تروح_مشكوغ (مشكور) بس احنا ما نغيد (نريد) نتعبكم
انه جنت كاعده واستمع وكلشي ما فاهمه من كلام الافندي
اما جدي فصفن شوي مثل الي يحاول يترجم وتالي كاله
_شوف وليدي انت ابن وطنا ومستحيل نعوفك تروح اكعد بلبيت ابني ولا تشيل بالك ..._فضلكم ما انساه بس عندي طلب
جدي باوعله بتعجب وكاله
_كول ابني اطلب شما تريد_اعتبغ (اعتبر) البيت ايجاغ (ايجار) وادفعلكم فلوس بهاكذ حالة انا ابقى هوني
جدي بأبتسامو كله _الظاهر انت من النوع الي ما تقبل مساعده اذ ما تنطي حقها .. ميخالف ابني بس اريد اسألك انت عندك شغل حتى تنطي فلوس ؟
تعجبت لانو جدي ما عارض كلام مهيمن يمكن باله حسبه مهيمن جاوبه
_ انا غاح (راح) ادوغ (ادور) ع شغل
_ماله داعي انه عندي الك عرض شوف ابني انه مزارع وعندي ارض جبيرة وشوفت عينك كبرت ومحتاج احد يساعدني وانت شاب ومبين عليك ذكي وعندك عزه نفس لهيج ماقبلت تكعد بلبيت بدون ماتدفع ايجار فانه الصراحة انت عجبتني فكلت اعلمك ع الشغل واخليك تشتغل وياي وانه راح اخصصلك مثل الراتب الشهري شرايك
_اذ ع هذا الكلام انا موافق اشكغك (اشكرك)
هنا فهمت ليش جدي وافق ع شرط مهيمن طلع مخطط لكلشي ليكدام فلا يكعد راحة ...
طبعا بيت جدي جبير وجدو الله يخلي خصص النه انه واخواتي غرفة ولأمي وجود غرفة ولعمو وعائلته غرفة ... اليوم الثاني امي كعدتنه من الصبح حتى ننظف البيت الي راح يكعدون بي مهيمن وامه لان امه خطية جبيرة وما بيهه ... تحزمنه لتنظيف انه واخواتي وكمنه ردنه نطلع وصاحن احنه ما نطلع بدون ريوك باوعتلهن صفح واخذت المكناسة ومساحة وسطلة ووصلة مسح وكلتلهم
_رايحة قبلجن انه ما اكل قبل التنضيف تلعب نفسي اخاف ... جنت لابسه تراك ردن طويلة والبلوزة شوي طويلة فوك الركبة بشوي ذبيت الشال ع راسي وطلعت امشي وجان اشوف مهيمن واكف بره باوعتله ودرت وجهي كانو ما شفته ورحت امشي وجان اسمع كلامه من وراي
_يولو الواحد يصبح بلخيغ (بلخير)
أنت تقرأ
انا العراق
ChickLitرواية واقعية تحكي عن جزء من معاناة الشعب العراقي بعد عام ٢٠٠٣ حيث تعاني عائلة البطلة من الهجرة بسبب الضروف انذاك وتعاني من مرارة الغربة وفي اسوء تلك الضروف تقع في حب شاب موصلي الاصل ...