انا العراق

بارت ١٩

بارت (١٩)

انا_العراق

للكاتبة :براء_كريم

______

احب كبريائك الذي يمنعك من محادثتني
لكن يجبرك ع مراقبتي من بعيد ...

_____

نوران//

ضربتني السيارة وطحت بلكاع ... صار عندي ألم حااد برجلي ما ينوصف .. باوعت لسيارة الضربتني جانت سيارة منتصر نزل منهه بسرعة يركض والبنات وابو الخط ركضو بأتجاهي والتمو الناس عليه الضربة ما جانت قوية بس انه من تأثير الصدمة بقيت بلكاع كاعدة ... اجت فداء لزمتني من جتفي وحاولت تكومني انه كبل صرخت من الم رجلي ولزمت رجلي ماكدرت اكوم ...

فداء تحاول تكومني وانه كلما احاول اكوم يزيد الم رجلي ...  سندني فداء وفاطمة وكفني وانه من كد الالم دمعت عيوني .. كالو خل ناخذج للمستشفى ...سمعت صوت منتصر يوخر بلناس واجه بأتجاهي وجهه مخطوف وكالي

_نوران صارلج شيء

انه جانت عيوني متروسات دموع من شفته نزلن دموعي .. كدما جنت متأذيه ... شفته انخبص وكال انه اخذها للمستشفى ... التفت ع العالم البعدهه ملتمة وكال

_خلص ماكو شيء روحو لبيوتكم ... تقدم بأتجاهي وكال بصوت قلق

_وين تأذيتي راح اخذج للمستشفى هسه

_رجلي راح تموتني ألم

وصلني البنات لسيارة وانه ويه كل خطوة احس رجلي تموتني الم ومنتصر كلساع يلتفتت عليه ..  كعدت بلكرسي الامامي جنت كوه لازمه نفسي لا اصرخ ... منتصر ما خله البنات يجون ويانه كاللهم روحو لبيوتكم ما يصير ... صعد بلسيارة شغلهه ومشينه ... عضيت شفتي من الالم احس رجلي صارت نار ... التفت عليه منتصر وكال

_زيين انتي شبيج تمشين بنص الشارع وتحجين بلموبايل فاهية انتيي فاهية

شكد كرهته وكتهه فوك ماهو الدعمني

خزرته وحجيت من بين اسناني

_وانت شكو تمشي سريع .. بعدين تراا لاتشوفني سكتت بس خل اشوف جارة رجلي وبعدهه اراويك.. حاولت اكتم صرختي اكثر .. بعدهه حجه بصوت هادئ

_شلون صرتي هسه

رفعت راسي باوعتله وكتله

_كلشش متأذيه .. رجعت درت راسي عنه حتى لا يشوف دموعي ..

اشوفه اسرع بلمشي وكلساع يطلع واحد كدامنه ويبقى يسب ويغلط ...

بعدهه رجع باوعلي
وكال

_نوران كافي تبجين راح نوصل ..

هزيت براسي بدون ما اباوعله ... بعدهه كال راح اخابر ع جدج

_لاا هسه يبقى باله عليه .. واخاف عليه وادري بجدو ما يتحمل

باوعلي بنظرة غريبة ورجع باوع لطريق اسمعه يجر حسرات .. وصلنه للمستشفى نزل بسرعة وفتحلي باب السيارة حاولت انزل كتله