انا العراق

مهم

السلام عليكم

اليوم ماكو بارت وما اعرف شوكت انزل بارت .. لان ما راح انزل بارت اذ ما تتحسن الاوضاع

اربع ليالي شفنه بيهه ضيم صرت اخاف من جيت الليل .. اعذروني والله كدما احاول ابعد هاي المواضيع عن الرواية بس مااكدر مااكدر اكتب واعيش حياتي كانو شيئا لم يكن .. انه بلوقت الجنت استغله لكتابة الرواية حاليا وقتي كله مسخرته لدعم اخواني المتظاهرين لان همه محتاجينه محتاجين وكفتنه وياهم بلدعاء والدعم الاعلامي وتوصيل الاكل والشرب والبطانيات الهم ... ما احب ادخل بلسياسة والبعض ممكن يخالف رأيي بس الي جاي يصير ترفضه الانسانية شباب مظلومين ينقتلون باي حق لو مهما كان ما يجوز قتلهم احنه بشر ربنا خله عدنا رحمه خله عدنا ضميير محد يتحمل هلشيء يصير ...

امس انهاريت البعض ممكن يكول هاي تبالغ بس بلفعل انهاريت ماكدرت اتحمل الي شفته شباب معتصمين تقمعهم ليييش!! اصوات الاطلاقات الناريه ترست البصرة والمصيبه مو بس هنا المصيبة مو بس انو شاب مظلوم صغير كلشي ما شاف من حياته انقتل لاا المصيبة انو ما شايل هويه المصيبة انو يصورونه هو والدم المالي الارض ويكولون اهله اذ شفتو تعالو اله موجود بلمستشفى الفلانية .. المصيبة انو اهله ما يدرون ابنهم انقتل !!

بعد هذا كله شلون نمارس حياتنا وغيرنه انفجع!! قلوب امهات واباء واخوان تدمرت وانحرقت واحلام اندفنت جوه التراب ..

والبعض ساكت ويتفرج بدون اي رده فعل لو دجاجه انقتلت عدهم جان سووهه كارثه وكوامه وفصول ..الخ وهسه شباب محافظتكم ولدك انقتلوا وانت تتفرج وساكت معقولة الانسانية انعدمت معقولة دم البشر صار لهدرجه رخيص لو انتم موافقين ع القمع الجاي يصير بولدنه !! حلوة امس من شباب البصرة تصيح الا من ناصر ينصرنا؟!! حلوة من ينشدون شيوخ الناصرية ويكلولهم لحكونه وانتم باقين تتفرجون على اسالت دمهم !! حلوة من اصوات اهاتهم تارس الشوارع وانتم حتى ما رفلكم جفن !! قسما بالله لو حجر هم جان حس ... دذبو عكلكم العكال الي ما يفزع لولده من يطيحون بشده ما اعترف بي .. مسكتيكم بكم فلسسس وسفففةة وسفففةة والله بعتوا ولدكم ع كم فلس وكم شيش كباب ومفطح ودمهم ترس الشوارع ... انتم لو صددك عدكم ذرة رحمه وعدل جان من شفتو مرة انقتلت وهي مسعفة جان فزعتوا باي حق تنتقتل ومع هذا بقيتوا تتفرجون احنه بمجتمعنا المراة كرامتنا وشرفنا وهسه المراة انهانت وانقتلت معناها شنوووو لييش هلسكوت !!

وبلمناسبة لحد يفهم كلامي خطا !! انه ما جاي احرض الشيوخ لحمل سلاح او الحرق او او .  بس انه جاي اكلهم اوكفوا ويه ابنائكم خل يعرفون وراهم ظهر قوي وكفو الي جاي يقمعهم عند حدهم .. والف طريقة سلمية عدنه والف فكرة ببالنه نريد نسويهه بس نحتاج دعمكم نحتاج نعرف انو دم شبابنا ما يروح وما ينسي واكو من يطالب بحقهم .. لحد امس طلايبكم واسحلتكم شايليهه ع الفقرة بسبب دجاجه مدري خروف والشباب الي ترس دمهم الشوارع ما دعمتوهم ولو بكلمه دطلعوا كلولهم فوتو بزودكم واحنه بظهوركم دطالبوا السلطة المحلية بدمهم بقاتلهم بقامعهم بمسبب اهاتهم الترست الشوارع

يعني امس شباب البصرة تنشد بلمساعده اهل الناصرية حسو وكلولهم احنه من الغبشة عدكم ادللو وانتو يمهم ما حسيتو !!

وعذرا اذ حجيت كلام مو لائق بس قلبي محمل بلي جاي يصير ببصرتنا وشبابنا وعراقنا .. 

انه عن نفسي مع المتظاهرين قلبا وقالبا

ادعمهم بكل الي بيدي اسوي الهم لانو همه طالعين علمودنا طالعين علمود كرامتنا متحملين البرد والقتل والاهانة وكلشي علمودنا وبغض النظر عن هذا كله حرقة قلوب الامهات تخليني اوكف وياهم اكثر واكثر

وكيف ما ندعمهم ومرجعيتنا وصفتهم بلاحبة وشددت ع وصفهم بهاي الكلمة وهمه نفسهم الي كلتلهم معركتكم اشد ضراوة من معركة داعش !!

فاحنه لو جان ولائنا وحبنا للعراق ذولي الي جاي ينقتلون ولد العراق .. واحنه لو جنه نقتدي بلدين هذا اكبر مرجع بلعالم يلقبهم بلاحبة ويدعو بلاستمرار بطريق الاصلاح !!

عذرا ع الاطاله بس والله قلبي محمل كلام وحاولت افرغ جزء منه .. الله يساعد امهاتنا الي انفجعوا ويصبرهم ويحفظ شبابنا ويسدد خطاهم

ومتاكده انو راح ننتصر باذن الله

يارب احفظ عراقنا وشبابنا

#انتظروا_البصرة

دمتم برعاية الله